” എന്നെ നോക്കണ്ടാ…എനിക്ക് പോകാൻ തീരെ വയ്യായിരുന്നു അപ്പോഴാ ഈ ഐഡിയ വന്നത്…നിന്റെ പ്രശ്നവും മാറും…ഇവളുടെ ശല്യവും ഉണ്ടാവില്ല…എപ്പടി… ”
ചേച്ചി കണ്ണിറുക്കി ഒരു ചിരിയോടെ പറഞ്ഞു…അപ്പോ നൈസായിട്ട് തടി തപ്പി കക്ഷി…
” മതി പുരാണം പറഞ്ഞത്…വേഗം വണ്ടി എടുത്ത് വാ…മാറ്റിനി ഇപ്പൊ തുടങ്ങും… ”
ദിവ്യ എന്നെ നോക്കി ധൃതി വെച്ചു…
” അയ്യെ എനിക്കൊന്നും വയ്യാ… ”
ഞാൻ നൈസായിട്ട് വലിയാൻ വേണ്ടി പറഞ്ഞു…
” ആഹാ…കാര്യം കഴിഞ്ഞപ്പൊ കാല് വരുന്നോ എല്ലാരും…എന്നാ ഇപ്പൊ ശരിയാക്കിത്തരാം…ഞാനാ പെണ്ണിനോട് പോയി എല്ലാം പറയാൻ പോവ്വാ… ”
അവളെന്നേം കടന്ന് മുന്നോട്ടേക്ക് കടക്കാൻ തുടങ്ങി…അത് കണ്ട് ഞാൻ ഒഴികെ ബാക്കി രണ്ടും ചിരി തുടങ്ങി…
” അത് ന്യായം പാവം കൊച്ചിനെ പറ്റിക്കല്ലെടാ… ”
നന്ദുവും എന്നെ നോക്കി അവളെ എരിവുകേറ്റി…
” ഓഹ്…ഞാൻ വരാം അവിടെ നില്ല്… ”
ഞാൻ ഒടുക്കം സമ്മതിച്ചു… അതോടെ പെണ്ണ് ചിരിയോടെ അവിടെ നിന്നു…ഞാൻ നന്ദുവേയും വലിച്ച് അവിടെ നിന്നും കോളേജിൻ്റെ ഉള്ളിലേക്ക് വണ്ടിയെടുക്കാൻ നടന്നു…
” ഡാ സത്യം പറയാലോ അവള് കൊള്ളാം കേട്ടോ… ”
വണ്ടിക്ക് അരികിലേക്ക് നടക്കുമ്പോൾ നന്ദു എന്നോട് പറഞ്ഞു…
” മ്മ്…എന്ത്യേ… ”
ഞാൻ അവനെ നോക്കി പുരികം ഉയർത്തി…
” അല്ല കിടിലം ക്യാരക്ടർ…ശരിക്കും നിനക്ക് നന്നായി ചേരുന്നുണ്ട്… ”
അവനൊരു ആക്കിയ ചിരിയോടെ പറഞ്ഞു…പക്ഷെ അത് കേട്ടതും എൻ്റെ ദേഹത്ത് കുളിരു കോരും പോലെ തോന്നി…
” ഒന്ന് പോടാ…ജസ്റ്റ് ഫ്രണ്ട്ഷിപ്പാ… ”
ഞാൻ അവനെ നോക്കി ഒരു ചിരിയോടെ പറഞ്ഞ് വണ്ടിയിൽ കേറി ഇരുന്നു…
” ഒന്ന് പോടാ…നിന്നെ എനിക്കറിയാം…പിന്നെ അവളേയും എനിക്ക് സംശയമുണ്ട്…അവൾ ആതിരയുടെ മുന്നിൽ നിന്ന് ഇടറാതെ പറഞ്ഞ വാക്കുകൾ ഓരോന്നും അതിനൊരു തെളിവായാ ഞാൻ കാണുന്നേ… ”
അവനവന്റെ ഉള്ളിൽ തോന്നിയ കാര്യം പറഞ്ഞതും ഞാൻ ഒരു നിമിഷം സ്തംഭിച്ച് പോയി…ഇനി എനിക്കുള്ളത് പോലെ അവളുടെ ഉള്ളിലും വല്ലതും ഉണ്ടാവുമോ…??ഹേയ് വെറുതെ കാട് കയറേണ്ടാ…
