💫Evil on earth✨ 4

 

”ബസ്റ്റാന്റ് ആണ്….പുതിയസ്റ്റാന്റ് എന്ന് പറയും ഞങ്ങൾ…വേറൊന്ന് കൂടെ ഒണ്ട് അത് കൊറച്ചു അപ്പുറത്ത….“

 

പുതിയസ്റ്റാന്റ് കഴിഞ്ഞു കൊറച്ചു മുൻപോട്ട് പോയ ദേവ് അവിടെ നിന്ന് വണ്ടി ഇടത്തോട്ട് തിരിച്ചു…ചെറിയൊരു റോഡ് ആയിരുന്നത്….ഒരുവശം കോഴിക്കോട്ടെ തന്നെ വലിയ luxury hotel കളിൽ ഒന്നായ ആയ Raviz ഉം മറ്റേ വശം ചെറിയ ചെറിയ റൂമുകൾ കൊടുക്കുന്ന ഹോട്ടലുകളും ആയിരുന്നു…

 

ദേവ് ഗിയർ ഡൌൺ ചെയ്തു Raviz ഹോട്ടലിന്റെ പാർക്കിങ്ങിലേക്ക് കയറ്റി നിർത്തി…

 

അമാൻഡ പിറകിൽ നിന്നിറങ്ങി ദേവിനെയും വാനോളം തലയുയർത്തി നിൽക്കുന്ന ഹോട്ടലിനെയും മാറി മാറി നോക്കി…

 

അവളുടെ നോട്ടത്തിൻറെ അർഥം മനസിലാക്കിയ അവൻ ഒരു കൈ കൊണ്ടവളെ ചുറ്റി പിടിച്ചു പിറകിലേക്ക് തിരിച്ചു നിർത്തി കൊണ്ട് പറഞ്ഞു

 

”അതിലല്ല…ഇതില്….!

 

മുൻപിൽ കണ്ട ചെറിയൊരു പെട്ടികട ചൂണ്ടി അവൻ പറഞ്ഞു….നാലു ചക്രങ്ങൾ ഉള്ള തള്ളി കൊണ്ടു പോകുവാൻ സാധിക്കുന്ന തരത്തിലുള്ള ഒരു ചെറിയ കട…മുകളിൽ നീല നിറത്തിലെ ഷീറ്റ് വലിച്ചു കെട്ടിയിട്ടുണ്ട്…അവൻ റോഡ് ക്രോസ്സ് ചെയ്തു അവളെയും കൊണ്ടുവിടേക്ക് ചെന്നു

 

“മണിയേട്ട കടി ആയില്ലേ…?

 

അവിടെ നിന്നിരുന്ന പ്രായം ചെന്ന വെളുത്തു മെലിഞ്ഞ മനുഷ്യനോട്‌ അവൻ ചോദിച്ചു…വാർദ്ധക്യതിന്റെ യാതൊരു ലക്ഷണവും കാണിക്കാതെ അദ്ദേഹം അവിടെ ചായ ഉണ്ടാക്കാൻ ഉള്ള തയ്യാറെടുപ്പിൽ ആയിരുന്നു

 

”ഒരു അഞ്ചു മിനുറ്റ് കാത്തിരിക്കേണ്ടി വരും…“

 

അയാൾ പറഞ്ഞു…

 

”എന്നാ രണ്ട് കട്ടൻ എടുത്തോ..“

 

അതും പറഞ്ഞവൻ കടയുടെ മുൻപിൽ ഇരിക്കാനായി നിർമ്മിച്ച സിമന്റ് കൊണ്ടുള്ള നീളൻ സ്ലാബിൽ ഇരുന്നു…

 

”നീയെന്താ അവിടെ നിക്കണേ…വാ..“

 

റോട്ടിൽ തന്നെ നിൽക്കുന്ന അമാൻഡയെ അവൻ ക്ഷണിച്ചു…ആദ്യം ഒന്ന് മടിച്ചു നിന്നെങ്കിലും അവൾ അവനടുത്തു വന്നിരുന്നു…

 

ഒരുപാട് കാലം കൂടി ദേവും മണിയേട്ടനും കൂടി കാണുന്നത് കൊണ്ട് തന്നെ അവർ വിശേഷങ്ങൾ പറഞ്ഞു ചായക്കായി കാത്തിരുന്നു…

 

അമാൻഡ അപ്പോളും അയാളെ ശ്രദ്ധിച്ചിരിക്കുകയായിരുന്നു…ഒരു തരി പോലും കറുപ്പില്ലാത്ത വെളുത്ത നീളൻ മുടിയും കഴുത്തിനു താഴെ വരെ നീണ്ട നീളൻ താടിയുമുള്ള മണിയേട്ടനെ അവൾക്കൊരു സാന്റാക്ലോസായി തോന്നി..