💫Evil on earth✨ 4

 

“സമയം ഏറെ വൈകിയോ കൃഷ്ണ…!

 

അല്പം നേരത്തെ ആലോചനകൊടുവിലവൾ ബെഡിൽ നിന്നും ചാടി എണീറ്റുകൊണ്ട് മുറിയിൽ തന്നെയുള്ള ബാത്‌റൂമിലേക്ക് ഓടി

 

”എടി അത്ര വൈകിയിട്ടൊന്നുമില്ല…“

 

അല്പം നേരംകൂടെയ നിറകുടം കാണാൻ ലഭിക്കാത്ത വിഷമത്തിൽ ജോ വിളിച്ചു പറഞ്ഞു..അപ്പോളേക്കുവൾ ബാത്‌റൂമിൽ കയറി വാതിൽ പൂട്ടിയിരുന്നു

 

ഏതായാലും വന്ന സ്ഥിതിക്ക് അവളെയും കൂട്ടി താഴേക്ക് പോകാമെന്നുള്ള ഉദ്ദേശത്തിൽ ജോയാ മുറിയിലൂടെ നടന്നു

 

ഒടുക്കം അവനെത്തിയത് പഴയൊരു അലമാരയുടെ മുൻപിൽ…വെറുതെ സമയത്തെ കൊല്ലാനെന്ന ഉദ്ദേശത്തോടെ അവനാ അലമാരയുടെ കതകു തുറന്നു…തുറന്ന പാടെ മൂന്നാലു ഫയലുകൾ അതിൽ നിന്നും നിലത്തേക്ക് വീണു

 

“നാശം പിടിക്കാൻ…അമ്മയെങ്ങാനും കണ്ടോണ്ട് വന്നാ തീർന്നത് തന്നെ…”

 

സ്വയം പിറുപിറുത്‌കൊണ്ടവൻ നിലത്തുകിടന്ന ഫയലുകൾ പെറുക്കി എടുക്കാൻ തുടങ്ങി…ഒരുപാട് കാലപ്പഴക്കം വന്നു തുടങ്ങിയ ഒരു ഫയൽ എടുത്തവൻ അതിൽ പറ്റിപ്പിടിച്ചുരുന്ന പൊടി തട്ടി കളഞ്ഞു

 

അതിനു മുകളിൽ പറ്റിപ്പിടിച്ചിരുന്ന പൊടിയും ചെളിയും പോയതോടെ ആ ഫയലിൽ എഴുതിയ പേരവന്റെ മുൻപിൽ തെളിഞ്ഞു വന്നു

 

//എവിഡൻസ്//

 

“എവിടൻസോ..?

 

സ്വയം ആലോചിച്ചു കൊണ്ടുവനാ ഫയൽ തുറന്നു നോക്കി

 

പത്തിരുപത് പേജുള്ള കൊറേ മുദ്ര പേപ്പറുകളും ദ്രവിച്ചു തുടങ്ങിയ കൊറച്ചു ഫോട്ടോകളും…അതായിരുന്നു അതിൽ

 

അവനാ ദ്രവിച്ച ഫോട്ടോ എടുത്തു നോക്കി

 

ആദ്യത്തേതിൽ ഒരു ഫാമിലി ഫോട്ടോ ആയിരുന്നു…വയസ്സായ ഒരു മുത്തശ്ശനും മുത്തശ്ശിയും അവരുടെ പിറകിലായി തടിയും വണ്ണവുമുള്ള രണ്ട് പുരുഷൻമാരും അവരുടെ ഭാര്യമാരെന്ന് തോന്നിക്കുന്ന രണ്ട് സ്ത്രീകളും…

 

“കാശുള്ള വീട്ടിലെ ആണെന്ന് തോന്നുന്നല്ലോ..!

 

അവരുടെ വസ്ത്രധാരണവും നിൽപ്പിലുള്ള എടുപ്പും നോക്കിക്കൊണ്ടവൻ പറഞ്ഞു..പക്ഷെ അവന്റെ കണ്ണുകളുടക്കിയത് അവരുടെ എല്ലാം സൈഡിലായി നിൽക്കുന്ന ഒരു പെൺകുട്ടിയിൽ ആണ്…ഏറിപോയാൽ ആദിയുടെ അത്ര വണ്ണവും പൊക്കവും വയസ്സും ഏതാണ്ട് അത്ര കാണുമെന്നവന് തോന്നി

 

അവളുടെ മുഖത്തുള്ള ഐശ്വര്യവും മുഖഭംഗിയും പഴക്കം ചെന്നയാ ഫോട്ടോയിൽ നിന്നുതന്നെ അവനു ആസ്വദിക്കാൻ സാധിച്ചു

 

”ഫോട്ടോയിൽ ഇങ്ങനെ ആണെങ്കിൽ നേരിൽ കാണുമ്പോ എങ്ങനെ ആയിരിക്കും..ഹോ..“