💫Evil on earth✨ 5

മറുപുറത്തു നിന്ന് റിങ്ടിക്കുന്ന ശബ്ദം കേട്ടയാൾ അക്ഷമയോടെ ഇരുന്നു

 

”ഹലോ…!!

 

അപ്പുറത്തു നിന്ന് വളരെ ഗംഭീര്യമായ ഒരു പുരുഷശബ്ദം ഉയർന്നു

 

“തിരുമേനി…ഇത് ഞാനാ വിശ്വൻ…”

 

“എന്താ വിശ്വാ പതിവില്ലാതെ…?

 

”അത്…എനിക്കൊന്ന് എന്റെ സമയം നോക്കണം….“

 

അല്പം ജാള്യതയോടെ വിശ്വൻ പറഞ്ഞു…എന്നാൽ അയാളുടെ കണക്കു കൂട്ടലുകൾ എല്ലാം തെറ്റിച്ചുകൊണ്ട് അങ്ങേ തലക്കൽ നിന്ന് ഒരു പൊട്ടിച്ചിരിയുടെ ശബ്ദം ആണ് കേട്ടത്

 

”എന്താടോ…താൻ തന്റെ കാലനെ കണ്ടൊ…?

 

ചിരിയടക്കികൊണ്ട് അയാൾ ചോദിച്ചു

 

“തിരുമേനി എന്താ ഇങ്ങനൊക്കെ പറയുന്നേ….?

 

ഒന്നും മനസിലാവാതെ വിശ്വൻ ചോദിച്ചു

 

”ഞാൻ പറഞ്ഞാൽ തനിക്ക് മനസിലാവില്ല ഇപ്പോൾ….എനിക്ക് അറിയാമായിരുന്നു ഒരു ദിവസം ഇതേ ചോദ്യവുമായി ഇയാളെന്നെ വിളിക്കുമെന്ന്….അല്പം വൈകി എന്നാലും ചോദ്യം എത്തിയല്ലോ…അതോർത്തു ചിരിച്ചതാ….!

 

“മനസിലാവുന്നത് പോലെ പറയടോ…?

 

ദേഷ്യം കൊണ്ടു കണ്ണു കാണാതെ വിശ്വൻ അലറി

 

”ഹഹഹാ…..!

 

മറുപുറം നിന്നും വീണ്ടും ആർത്തു ചിരിയുടെ ശബ്ദം കേട്ടതും വിശ്വൻ കാൾ കട്ട്‌ ചെയ്ത് ദേഷ്യത്തിൽ മുൻപിലെ ടേബിളിൽ ആഞ്ഞടിച്ചു

 

“പന്ന നായിന്റ മോൻ…!

 

മുഷ്ടി ചുരുട്ടി ദേഷ്യത്തെ കൈപിടിയിലാക്കാൻ ശ്രമിച്ചയാൾ

പെട്ടന്ന് അയാളുടെ ഫോണിൽ ഒരു മെസ്സേജ് വന്നു

 

തിരുമേനി എന്ന് സേവ് ചെയ്‌ത നമ്പറിൽ നിന്നായിരുന്നത്…

 

വിശ്വൻ പെട്ടന്നാ മെസ്സേജ് തുറന്നു നോക്കി

 

”“”കാലന്റെ കയറുമായി കണക്കു തീർക്കാൻ ഒരുവൻ നിനക്ക് മുൻപിൽ വരും….പണ്ടെങ്ങോ ചെയ്ത പാപത്തിന്റെ അവശേഷിപ്പാണത്…ചെയ്ത തെറ്റുകൾക്ക് കാലം കണക്ക് ചോദിക്കുന്ന നേരമടുത്തു വിശ്വാ..ഒരു മന്ത്രത്തിനോ തന്ത്രത്തിനോ നിന്നെ രക്ഷിക്കാനാവില്ല…ബുദ്ധി ഉപയോഗിച്ചു രക്ഷപ്പെടാൻ ശ്രമിക്ക്…എതിരെ നിൽക്കുന്നവനും ബുദ്ധിയുണ്ടെന്ന കാര്യം മറക്കരുത്. ..“

 

തിരുമേനി അയച്ച മെസ്സേജ് വായിച്ച വിശ്വൻ ഒരു നിമിഷം ശ്വാസമെടുക്കാൻ പോലും മറന്നുപോയി. …തിരുമേനിയുടെ പേടി പെടുത്തുന്ന സന്ദേശമായിരുന്നില്ല അതിന് കാരണം…ദേവിന്റെ കണ്ണുകളായിരുന്നു…

 

വിശ്വന് ഒരുകാര്യം ഉറപ്പായി…എല്ലാ വഴിയുമടച്ചു താൻ നടപ്പിലാക്കിയ ഒരു നീണ്ട കൊലപാതക നിരയിൽനിന്നും അബദ്ധവശൽ രക്ഷപെട്ടു പോയൊരു കണ്ണിയാണ് ഇന്ന് തനിക്കെതിരി തിരിഞ്ഞത്