😈Game Of Demons 3

മനു: നടക്കില്ല മോളെ…..

 

ആതി; നിക്ക് ബോർ അടിക്കുവാ…..

 

മനു: എന്നാ അടുക്കളയിൽ പോയി സഹായിക്ക്…

ആതി: അവടെ ചേച്ചി ഇല്ലേ….

 

മനു: എന്നാ നീ പോയി ചേച്ചിയെ ഇങ് വിട്…

 

ആതി: അയ്യടാ…. എന്നെ അടുക്കളയിൽ കേറ്റി നിങ്ങൾക്ക് റൊമാൻസ് കളിക്കണം അല്ലെ… നടക്കില്ല മോനെ….

മനു: എന്നാ പിന്നെ ഇവിടെ ഇരുന്നോ… നമുക്ക് tv കാണാം….

പിന്നെയും കുറെ നേരം തോണ്ടിയും പിച്ചിയും ഒക്കെ ഇരുന്നു… പക്ഷെ ഞാൻ ഒരു അയവും കാണിച്ചില്ല. കുറച്ചു കഴിഞ്ഞപ്പോ അവൾ റിമോർട് വാങ്ങി ചാനൽ മാറ്റി സിനിമ വച്ചു.

ഞാൻ ഒന്നും പറഞ്ഞില്ല. സൂര്യ tv ആണ് വച്ചത്. നമ്മുടെ ദളപതി അണ്ണന്റെ പോക്കിരി ആണ് tv യിൽ. ഞാൻ അവളുടെ മടിയിൽ തലവച് കിടന്ന് tv കണ്ടു.

കുറച്ചു നേരം പിണങ്ങിയ പോലെ ഇരുന്നെങ്കിലും കുറെ കഴിഞ്ഞപ്പോ പെണ്ണ് തലമുടി തടവാനും മൂക്കിൽ പിച്ചാനും ഒക്കെ തുടങ്ങി. ഞാനും അതെല്ലാം ആസ്വദിച്ചു കിടന്നു.

 

കുറെ കഴിഞ്ഞപ്പോൾ ഞങ്ങൾ ഒരുങ്ങി രാജീവിന്റെ വീട്ടിലേക്ക് ഇറങ്ങി.

ആതി ഒരു റോസ് ബനിയനും നീലയും വെള്ളയും നിറം ഉള്ള ജീൻസും ആണ് ഇട്ടിരുന്നത്. മുടി ഒക്കെ അൽപ്പം ചുരുണ്ടിട്ടാണ് പെണ്ണിന്റെ…

രാധമ്മ ഒരു പച്ച സാരി ആണ് ഉടുത്ത്. അധികം മേക്കപ്പ് ഒന്നും ഇല്ല. ഒരു ചന്ദനക്കുറി മാത്രം.

പിന്നെ എന്റെ സഹധർമ്മിണി ഒരു മഞ്ഞ ചുരിദാറും വെള്ള ലെഗ്ഗിങ്‌സും ആണ് ധരിച്ചിരുന്നത്. ഞാൻ അതികം സ്റ്റൈൽ ആവാൻ ഒന്നും നിന്നില്ല…

ഒരു നീല ഷർട്ടും വെള്ള മുണ്ടും ഉടുത്തു.

ജീപ്പിൽ ആണ് പോകുന്നത്…

 

ആതി ആദ്യം തന്നെ മുന്നിൽ ഇടം പിടിച്ചു. അഞ്ജുവും അമ്മയും പിന്നിലും ഇരുന്നു.

നേരെ വണ്ടി രാജീവിന്റെ വീട് ലക്ഷ്യമാക്കി പോയി. 1km മാത്രമേ ദൂരമുള്ളു…

പോകും വഴി ഒരു ബേക്കറിയുടെ മുന്നിൽ ജീപ്പ് നിർത്തി.

മനു: നിങ്ങൾ ഇവിടെ ഇരിക്ക്… ഞാൻ പോയി എന്തേലും വാങ്ങിയിട്ട് വരാ….

 

ആതിര: ഏട്ടാ… നിക്ക്… ഞാനും വരുന്നു…

 

‘അമ്മ: ഓഹ്…. ഒന്നടങ്ങി ഇരിക്ക് പെണ്ണേ അവടെ…. മോനെ… നീ പോയിട്ട് വാ….

ആതിരയുടെ മുഖം വാടി… മുഖത്തൊക്കെ ആകെ നിരാശ ആയി.

മനു: ഡി…. പെണ്ണേ…. ഇറങ്ങിവാ….