കൈകൊണ്ട് തട്ടി കളഞ്ഞു അവൻ കോപത്തോടെ ആ വണ്ടിയെ നോക്കി.
അല്പം മുന്നിലേക്ക് ചെന്നു നിർത്തിയ സ്കൂട്ടി റോഡിൽ നിന്നും വട്ടം കറങ്ങി റിട്ടേൺ അടിച്ചു അവന്റെ സമീപത്തേക്ക് വന്നു. അല്പം ഭയത്തോടെ അവൻ പിന്നിലേക്ക് മാറി നിന്നു.
ആദിയുടെ സമീപത്തേക്ക് വന്ന സ്കൂട്ടി പൊടുന്നനെ നിന്നു. അത് ഓടിച്ചുകൊണ്ടിരുന്ന ആള് ആക്‌സിലേറ്ററിൽ രണ്ട് പിടി പിടിച്ച ശേഷം വണ്ടി ഓഫ് ചെയ്തു.
ജാക്കറ്റും പാന്റ്സും അണിഞ്ഞ ഹെൽമെറ്റ്‌ പതുക്കെ തലയിൽ നിന്നും ഊരി. അതിൽ നിന്നും താഴേക്ക് ഉതിർന്ന മുടിയിലേക്കാണ് അവന്റെ കണ്ണുകൾ പതിഞ്ഞത്.
നല്ല കറുത്ത് ഇട തൂർന്ന മുടിയിഴകളിലൂടെ വിരലുകൾ ഓടിച്ചു ഒതുക്കി വച്ചു അവൾ ക്ഷമാപണത്തോടെ അവനെ നോക്കി.
“സോറി ”
അവളുടെ ശബ്ദ മാധുരിയും മാൻപേട മിഴികളും തേനൂറുന്ന പവിഴ ചുണ്ടുകളും മൂക്കുത്തിയും ആദിയുടെ മനസ്സിലേക്ക് ഒറ്റ നോട്ടത്തിൽ തന്നെ തറഞ്ഞു കയറി.
തന്റെ ഹൃദയമിടിപ്പ് ക്രമേണ വർധിക്കുന്ന പോലെ അവനു തോന്നി. കണ്ണിമ ചിമ്മാതെ അവൻ അവളെ ഉറ്റു നോക്കി.
“സോറി ചേട്ടാ.. കുറച്ചു ബിസി ആയിരുന്നു. ഞാൻ ശ്രദ്ധിച്ചില്ലാട്ടോ. ഈ വെള്ളം കൊണ്ടു അത് കഴുകി കളയുമോ പ്ലീസ്”
അവളുടെ വാക്കുകൾ കേട്ടതും കാതിൽ ചെറിയൊരു കുളിർമ വിടരുന്നപോലെ അവനു തോന്നി.
“ചേട്ടാ ഇതാ വെള്ളം”
ആ പെൺകുട്ടി വെള്ളം നിറച്ച കുപ്പി അവനു നേരെ നീട്ടി.
“ഓഹ് ആഹ് താങ്ക്സ്. ”
പെട്ടെന്ന് ഞെട്ടി സ്വബോധത്തിലേക്ക് വന്ന ആദി മറുപടി പറഞ്ഞു. അവൾ അവനെ നോക്കി പുഞ്ചിരിച്ചു കാണിച്ചു.
ആദി അത് ശ്രദ്ധിച്ചെങ്കിലും അവളെ മൈൻഡ് ആക്കാതെ ഷർട്ട്‌ വൃത്തിയാക്കുന്നതിൽ ശ്രദ്ധ കേന്ദ്രീകരിച്ചു. അത് കണ്ടതും ആ പെൺകുട്ടിയുടെ മുഖം മങ്ങി.
ആദി കുപ്പിയിലെ വെള്ളം ഉപയോഗിച്ചു ഷർട്ടിലെ ചളി പൂർണമായും തുടച്ചുമാറ്റി. കുപ്പിയിൽ അടപ്പ് ഇട്ടു മുറുക്കിയ ശേഷം അവൻ അവൾക്ക് നേരെ അത് നീട്ടി.
അവൾ കുപ്പി തിരികെ വാങ്ങി ബാഗിൽ തിരുകി കയറ്റി വച്ചു. അതിനു ശേഷം അവനെ പാളി നോക്കി.
“എങ്ങോട്ടാ പോകണ്ടേ.. പറഞ്ഞാൽ ഞാൻ ഡ്രോപ്പ് ചെയ്യാം”
ചളി തെറിപ്പിച്ചതിനുള്ള പരിഹാരമായി അവൾ ചോദിച്ചു.
“കുഴപ്പമില്ല.. ഞാൻ നടന്നോളാം”
ആദി അവളിൽ നിന്നും ഒഴിഞ്ഞു മാറാൻ ശ്രമിച്ചു.
“വന്ന് കേറ് മാഷേ വല്യ ജാഡ കാട്ടാതെ ”
അവൾ സ്കൂട്ടി ഓൺ ചെയ്തു ആക്‌സിലേറ്ററിൽ തിരിച്ചുകൊണ്ടിരുന്നു.
വേറെ വഴിയൊന്നുമില്ലാത്തതിനാൽ ആദി അതിൽ കയറാൻ നിർബന്ധിതനായി.
അവൻ ചുറ്റും ഒന്ന് നോക്കി ആരുമില്ലെന്ന് ഉറപ്പ് വരുത്തിയ ശേഷം സ്കൂട്ടിയുടെ പിൻസീറ്റിൽ കയറിയിരുന്നു. ആദി കയറിയെന്ന് ഉറപ്പ് വരുത്തിയ ശേഷം ആ പെൺകുട്ടി സ്കൂട്ടി വട്ടം കറക്കി മുന്നോട്ടേക്ക് എടുത്തു.
