ടോണി: നിങ്ങളുടെ ടീമിലെ വഷളൻ..
ആനി: ആഹാ.. ടോണി അല്ലേ? എന്താ ഈ നേരത്ത്?”
ടോണി: “ആനിച്ചേച്ചിയെ കുറിച്ച് ആലോചിക്കുവായിരുന്നു. അങ്ങനെ വിളിച്ചതാ.. 😊”
ആനി: “ഓഹ്.. വളരെ നല്ല തമാശ.. നിങ്ങളൊക്കെ ഇപ്പൊ ഗേൾഫ്രണ്ട്സുമായിട്ട് ചാറ്റും മറ്റുമാണെന്ന് എനിക്കറിഞ്ഞൂടെ..”
ഉടനെ..
രമേഷ്: “അതിനാര് പറഞ്ഞു ഞങ്ങൾക്ക് ഗേൾഫ്രണ്ട്സ് ഉണ്ടെന്ന്? ഒരുത്തിയും ഞങ്ങളെ തിരിഞ്ഞുപോലും നോക്കീട്ടില്ല ഇന്നുവരെ..☹️ ഞങ്ങൾക്ക് ആകപ്പാടെ ഉള്ളത് ആനിച്ചേച്ചി മാത്രമാ..😌”
ആനി: “ആഹ.. വീണ്ടും തമാശ.. അപ്പൊ എല്ലാവരുമുണ്ടോ അവിടെ..”.
റെമോ: “ഉണ്ടല്ലോ.. വാ നമുക്ക് സംസാരിക്കാം..”
ആനി: “വെരി ഗുഡ്‌.. അപ്പൊ നിങ്ങൾ മൂന്നുപേരും കൂടി സംസാരിച്ചോ.. ഞാൻ പോകുവാ..”
ടോണി, രമേഷ്, റെമോ: “😥”😢”🥺”
“അയ്യോ ആനിച്ചേച്ചീ, പോവല്ലേ..” മൂന്നു പേരും ഒരുപോലെ പറഞ്ഞു..
ആനി: “ഹഹ.. ഹ്മ്മ് ശരി.. ഞാൻ വീട്ടിലെത്തിയിട്ട് പറ്റിവാണേൽ മെസ്സേജ് അയക്കാം. ഇപ്പൊ ഇവിടെ ബിസിയാ.. ടാറ്റാ ബൈ ബൈ ഡിയർ ബ്രദേഴ്സ്!..” ആനി അവരുടെ മറുപടി കേൾക്കുന്നതിനു മുന്നേ തന്നെ ഒരു ചിരിയോടെ കാൾ കട്ടാക്കി..
ടോണിയോടും രമേഷിനോടും റെമോയോടും താൻ എത്രയെളുപ്പമാ അടുപ്പത്തിലാതെന്ന് ആനി വീണ്ടും ചിന്തിച്ചു. കഴിഞ്ഞ 2 ആഴ്ച കൊണ്ട്, പുറമെ ദേഷ്യം കാണിച്ചുകൊണ്ടാണെങ്കിലും അവളും ആ ചെറുപ്പക്കാരുടെ കമ്പനി കൂടുതലായി ആസ്വദിക്കാൻ തുടങ്ങിയിരുന്നു.. അതോടൊപ്പം, അവരുടെ നിരന്തരമായ മണ്ടത്തരങ്ങളും ഫ്ലർട്ടിംഗുമൊക്കെ ആനിയ്ക്ക് അറിയാതെയാണേലും അവരോടൊരു ആത്മബന്ധമുണ്ടാക്കി.. ആദ്യമായിട്ടാണ് അവൾക്കിങ്ങനെയൊരു അനുഭവം. എന്തായാലും അവർ തന്റെ ഇഷ്ടമില്ലാതെ ഒന്നും തന്നെ ചെയ്യില്ലെന്ന് അവൾക്ക് ഉറപ്പുണ്ടായിരുന്നു. അതുകൊണ്ട്, അവർ തന്നോടിനി ഒരു മോശമായ രീതിയിൽ പെരുമാറുന്ന അവസ്ഥ ഉണ്ടാവുന്നതുവരെ അവരുമായി ഈ സൗഹൃദം പുലർത്തുക എന്നതാണ് തനിക്ക് ചെയ്യാൻ കഴിയുന്ന കാര്യമെന്നും ആനി സ്വയം തീരുമാനിച്ചു..
“ആനീ, ചിത്ര.. നിങ്ങളെന്താ അവിടെ നിൽക്കുന്നെ? വേഗം അകത്തേക്ക് വാ.. നമുക്ക് കാർഡ്സ് കളിക്കാം” ബുഷ്‌റ അവരുടെ അടുത്തേക്ക് ചെന്നുകൊണ്ട് പറഞ്ഞു. ആനിയും ചിത്രയും പിന്നെ അകത്തേക്ക് ചെന്ന് ആ പാർട്ടിയുടെ ബാക്കി സമയം എൻജോയ് ചെയ്തു. അവിടുന്നു തന്നെ ഭക്ഷണവും കഴിച്ചു.
