അകത്ത് ജോർജ്ജിന്റെ ഭാര്യ ഫോണെടുത്ത് ജോർജ്ജിനെ വിളിച്ചു..
“ചേട്ടായി..”
“എന്തെടി..”?
” ദേ ഇവിടൊരുത്തൻ ചേട്ടായീനെ അന്വോഷിച്ച് വന്നേക്കുണു.. കണ്ടിട്ട് ഒരു ഭ്രാന്തന്റെ ലുക്കാ..”!!
“ആരാന്നാ പറഞ്ഞെ”!..
” പറഞ്ഞില്ല..”
“ആ ദേ. വരുന്നു..”
ജോർജ്ജ് വന്നു.. എന്നെ കണ്ടതും..
സാദിഖെ, .. നീ എവിടെയായിരുന്നു നിന്നെ കാണാനില്ലാന്ന് പറഞ്ഞ് എന്നെ വിളിച്ചിരുന്നു..”
“വാടാ അകത്ത് കേറ്…”
ജോർജ്ജ് അകത്ത് കയറിയതും ഭാര്യ…
“അതാരാ ചേട്ടായി.. “!..
” പറഞ്ഞാ നീയറിയും.. സാദിഖ് അലി ഇബ്രാഹിം”..
അവളെന്റെ അടുത്തേക്ക് വന്നിട്ട്..
“ഇക്കാക്കയായിരുന്നൊ.. എനിക്ക് മനസിലായില്ലാ… ഇക്കാക്കാ. അതുകൊണ്ടാണു. ” എന്റെ കയ്യിൽ പിടിച്ച് അവളകത്തേക്ക് വിളിച്ചു..
“വേണ്ടാ.. ഞാനിവിടെ ഇരുന്നോളാാം..”
ജോർജ്ജ് എന്റയുടുത്ത് വന്നിരുന്നു..
ഞാൻ ജോർജ്ജിനോട്..
“”ജോർജ്ജെ, ഈ കോശി കുര്യന്റെ വീടെവിടെ”?
” ഡിവൈഎസ്പി കോശിയൊ”?
“ആ..”
“കാണിച്ചുതരാം.. അതിനു മുമ്പ് നീ കുളിച്ച് വല്ലതും കഴിക്ക്..”
കുറച്ച് കഴിഞ്ഞ് ഞാൻ വീണ്ടു ആവർത്തിച്ച് ചോദിച്ചു അവനോട്…
“നീയാ താടീം മുടിം ഒക്കെയൊന്ന് കളയ്.. ” അവൻ പറഞ്ഞു..
ഞാനൊന്നും മിണ്ടിയില്ല..
“എല്ലാത്തിനും നമുക്ക് വഴിയുണ്ടാക്കാം.. രണ്ട് ദിവസം കഴിയട്ടെ..”. അവൻ എന്നോട്..
ഞാൻ മറുപടിയിന്നും പറയാതെ ഉമ്മറത്ത് വന്നിരുന്നു.. അകലങ്ങളിലേക്ക് നോക്കികൊണ്ട്.
അവനൊരു കുപ്പിയുമായി വന്നു..
” നിന്റെയീ ടെൻഷനും എല്ലാതും മാറ്റെന്റെ സാദിഖെ… നീയിതടിച്ചെ…”. അവൻ രണ്ട് ഗ്ലാസെടുത്ത് ഒഴിച്ചു…
