ശരി ഏട്ടാ മനോഹരമായ പുഞ്ചിരിയും സമ്മാനിച്ചു അവൾ നടന്നു…..
എന്നാ ശരി ആന്റീ ഞാൻ ഇറങ്ങട്ടെ ഉറക്കം അങ്ങനെ തന്നെ ഉണ്ട്…
ഞാൻ അടുത്തേക്ക് ചെന്നതും കൈ കൊണ്ട് പൊയ്ക്കോ എന്ന് പറഞ്ഞു ആന്റി എന്നെ ഓടിച്ചു. ഞാൻ നേരെ വീട്ടിലേക്ക് ചെന്നു. ആന്റി ഹാളിൽ ഇരുന്ന് ടീവി കാണുന്നുണ്ട് നേരെ പോയി മടിയിൽ തല വെച്ചു കിടന്നു,
മുടി ഒക്കെ നോക്ക്, ഭ്രാന്തനെ പോലെ ഉണ്ട്. നിനക്ക് ഇതൊക്കെ ഒന്ന് വെട്ടി വൃത്തികെട്ട ആക്കിക്കൂടെ?
മ്മ്മ്മ്…. കണ്ണിൽ നല്ല ഉറക്കം ഉണ്ട് .
നിനക്ക് കഴിക്കാൻ ഒന്നും വേണ്ടേ?
വേണ്ട….. അഭി എവിടെ?
അവൻ ചേട്ടന്റെ വീട്ടിൽ പോയി. നാളെ വരും, പ്രമോദ് വന്നിരുന്നു (ചാച്ചിയുടെ ഭർത്താവിന്റെ അനുജൻ),
എപ്പോ?
രണ്ട് ദിവസം ആയി….
ഹ്മ്മ്… ഞാൻ ചാച്ചിയുടെ അരയിൽ കൈ ചുറ്റി മടിയിൽ തല പൂഴ്ത്തി കിടന്നു. ചാച്ചി എന്തൊക്കെയോ പറയുന്നുണ്ട് ഞാൻ ഉറക്കത്തിലേക്ക് വീണു.
ടാ എണീക്ക്, സമയം എത്ര ആയീന്നാ…
ഞാൻ ഫോൺ നോക്കി 10.30 കഴിഞ്ഞു…
നിനക്ക് തിന്നാനും കുടിക്കാനും ഒന്നും വേണ്ടേ? വാ ചപ്പാത്തി ഉണ്ടാക്കി തരാം….
ഞാൻ ഉറക്കച്ചടവോടെ അടുക്കളയിലേക്ക് നടന്നു അവിടുണ്ടായിരുന്ന ചെയറിൽ ഇരുന്നു.
ഋഷി വിളിച്ചിരുന്നോ നിന്നെ??
ഹാ..
അവൻ വരുന്നുണ്ടോ?
ഇല്ലെന്നാണ് പറഞ്ഞത്, അവിടെ അവന്റെ ഏതോ കൂട്ടുകാരന്റെ വീട്ടിൽ പോവുകയാണ് പോലും….
ചാച്ചി നല്ല ചൂടുള്ള ചപ്പാത്തിയും മുട്ട റോസ്റ്റും ഉണ്ടാക്കി തന്നു. കഴിച്ചു കഴിഞ്ഞു ഞാൻ നേരെ റൂമിലേക്ക് പോയി, പിറ്റേന്ന് പതിവ് പരിപാടികളൊക്കെയായായി ദിവസം പോയി. പിറ്റേന്ന് രാവിലെ ഫോൺ റിങ് ചെയ്തപ്പോഴാണ് ഉണർന്നത്…
ഹലോ… ഏട്ടാ… ഏട്ടൻ വരില്ലേ?
ആ അനൂ നീ റെഡി ആയി നിന്നോ അപ്പോഴേക്കും ഞാൻ അങ്ങു വരാം…
ശരി ഏട്ടാ…..
ഞാൻ കുളിച് ഡ്രസ്സ്‌ എല്ലാം മാറി താഴേക്ക് ചെന്നു…
രാവിലെതന്നെ ഇതെങ്ങോട്ടാ?
സ്കൂളിൽ കൊണ്ടാക്കാൻ പോന്ന….
പെട്ടന്നിങ്ങു വന്നേക്കണം കറങ്ങി നടക്കാൻ ഒന്നും നിക്കണ്ട..
ശരി എന്നും പറഞ്ഞു ബൈക്ക് എടുത്ത് നേരെ തറവാട്ടിലേക്ക് പോയി, അവിടെ അനു എന്നെയും കാത്തു വരാന്തയിൽ ഇരിക്കുന്നുണ്ടായിരുന്നു…. അമ്മേ ഞാൻ പോകുവാണേ ഏട്ടൻ വന്നു….
ഇവൾ വീണ്ടും സുന്ദരി ആയല്ലോ, ഇങ്ങനെ പോയാൽ കാണാൻ കൊള്ളാവുന്ന ചെക്കന്മാർ ഇവളെയും അടിച്ചോണ്ട് പോകുമല്ലോ ദൈവമേ…. ഞാൻ മനസ്സിൽ ഓർത്തു…
The Author
