“ഡാ നീ എന്തിനാ ഡ്രസ്സ് ഒക്കെ വാങ്ങിയത്.””
ഞാൻ അവനോട് ചോദിച്ചു.
“പിന്നെ….. നിനക്ക് വല്ലതും മാറി ഉടുക്കണ്ടേ നിന്റെ കയ്യിൽ വേറെ തുണി ഒന്നുമില്ലല്ലോ അതുകൊണ്ടാ ഡ്രെസ്സും കൂടെ വാങ്ങിയത്.””
അവൻ എന്നോട് പറഞ്ഞുകൊണ്ട് അവന്റെ കൈയിലെ കവറുകൾ എനിക്ക് തന്നു. ഞാൻ നോക്കിയപ്പോൾ രണ്ട് കവറുകൾ ഉണ്ട് ഒരു കവർ തുറന്ന് നോക്കിയപ്പോൾ അതിൽ ചുരിദാറാണ് ഉണ്ടായിരുന്നത്.
“ഡാ ഇതാർക്ക്…”
ഞാൻ കവറുകൾ അവന്റെ നേരെ നീട്ടിക്കൊണ്ട് പറഞ്ഞു..
” നിന്നെ കൂടാതെ ഇവിടെ ആരാണ് ഇപ്പോഴുള്ളത് അവർക്ക് തന്നെ…. ”
അവൻ പറഞ്ഞു…
” നീയല്ലേ വാങ്ങിയത് വേണമെങ്കിൽ കൊണ്ട് കൊടുത്താൽ മതി… “”
ഞാൻ അവനിരിക്കുന്ന സോഫയുടെ അടുത്ത് അവളുടെ ഡ്രസ്സ് ഇരിക്കുന്ന കവറുകൾ കൊണ്ട് വച്ചിട്ട് ഞാൻ എന്റെ മുറിയിലെ ബാത്റൂമിൽ കയറി ഒരു കുളി അങ്ങ് കുളിച്ചു. ഇപ്പോൾ ആണ് ഒരു ആശ്വാസമായത്. ഡ്രസ്സ് ഒക്കെ ഇട്ട് പുറത്തേക്ക് വന്നു. ഞാൻ നോക്കിയപ്പോൾ അവൾ അവിടെ ഇരുന്നു ഭക്ഷണം കഴിക്കുന്നു. എന്നെ കണ്ടപ്പോൾ പെട്ടെന്ന് മതിയാക്കി എണീറ്റ് കിച്ചണിൽ പോയി.അവൻ സോഫയിൽ ഇരുന്ന് tv കാണുന്നു…
“ഡാ നീ വല്ലതും കഴിച്ചോ “.
ഞാൻ അവനോടു ചോദിച്ചു…
“ഞാൻ നേരത്തെ സാധനം വാങ്ങാൻ പോയപ്പോ കഴിച്ചിട്ട വന്നത്.. എടാ എന്നാ പിന്നെ ഞാൻ ഇറങ്ങട്ടെ രാവിലെ വീട്ടീന്ന് ഇറങ്ങിയതാ. നാളെ വരാം ഞാൻ..””
അവൻ എന്നോട് പറഞ്ഞു…
“ഡാ നാളെ പോയ പോരെ…””
ഞാൻ അവനോടു ചോദിച്ചു….
“പോടാ….. വീട്ടീന്ന് അച്ഛനും അമ്മയും എന്റെ ഫോണിൽ വിളിച്ചോണ്ടിരിക്ക. നിന്റെ കാര്യമെല്ലാം അവർ അറിഞ്ഞു. അതുകൊണ്ട് ഞാൻ പോയി എല്ലാം വിശദമായി പറഞ്ഞു കൊടുക്കട്ടെ. അല്ലെങ്കിൽ നീ എന്നെങ്കിലും വീട്ടിൽ വരുമ്പോൾ അമ്മ നിന്നെ ചൂലെടുത്തു അടിക്കും…..അത് കൊണ്ട് ഞാൻ പോയി ഒന്ന് set ചെയ്യട്ടെ….. അപ്പൊ പോട്ടെ മോനെ ദിനേശാ….. First night ആഘോഷിക്കൂ……..””
