“അല്ല മമ്മീ, ഇത് എന്തുപറ്റി!?” റൂമിന്റെ അകത്തേക്ക് കയറിക്കൊണ്ട് കെവിൻ ചോദിച്ചു. “കുറച്ചായില്ലേ, ഇന്നുതൊട്ട് കസർത്ത് വീണ്ടും തുടങ്ങാമെന്ന് വിചാരിച്ചു” ചിരിച്ചുകൊണ്ട് ലിസി താൻ ചെയ്തുകൊണ്ടിരുന്ന പ്രവർത്തി തുടർന്നു. “ശരി, നടക്കട്ടേ” പറഞ്ഞ ശേഷം കെവിനും വ്യായാമത്തിലേക്ക് കടന്നു.
“ഡാ, ഇന്നലെ നിന്റെ കൂടെ ബൈക്കിൽ കണ്ട പെണ്ണേതാ?” കുറച്ച് നേരം കഴിഞ്ഞ് ലിസി ചോദിച്ചു.
“ഏത് പെണ്ണ്?” മനസ്സിലാകാത്ത രീതിയിൽ കെവിൻ മമ്മിയെ നോക്കി. “പാർക്കിന്റെ അടുത്ത് വച്ച് നിന്റെ കൂടെ കണ്ടല്ലോ, അവൾ ഏതാന്ന്”
“ഓഹ് അതാണോ?, എന്റെ പുതിയ ഫ്രന്റാ” ചെയ്തുകൊണ്ടിരുന്ന പുഷ് അപ്പ് നിർത്താതെ അവൻ പറഞ്ഞു. “നമ്മുടെ ഒരു റെഗുലർ കസ്റ്റമറാ. പേര് ശ്രയ”
“ഉം. ഇതുപോലെയുള്ള ഫ്രന്റ്സ് വേറെയും ഉണ്ടോ?” ഒരു കള്ളച്ചിരിയോടെ ലിസി ചോദിച്ചു. “ഏയ് ഒരുപാടൊന്നുമില്ല മമ്മി. ഇതൊക്കെ ഒരു രസമല്ലേ?” അവനും അപ്പോഴേക്കും അവസാനിപ്പിച്ചിരുന്നു.
“പിന്നേ നല്ല രസമാ. വെറുതെയല്ല ഒന്നേ ഉള്ളെങ്കിലും ഒലക്കക്കടിച്ച് വളർത്തണം എന്ന് കാരണവന്മാര് പറയുന്നത്” മുഖത്ത് ഒരു കപട ദേഷ്യം വരുത്തി മമ്മി പറയുന്നത് കേട്ട കെവിനിന് ചിരി വന്നു.
“ഡാ, വല്ലവരും പിടിച്ച് ്് തല്ലുമെന്ന് ഓർത്തോണം” ലിസി പകുതി തമാശയായും പകുതി കാര്യമായും പറഞ്ഞു. “ഏയ് അതോർത്ത് ലിസിക്കൊച്ച് പേടിക്കണ്ട. ഒരുപാട് ഒന്നുമില്ലെങ്കിലും കുറച്ച് പെമ്പിള്ളേര് എനിക്കുവേണ്ടി പ്രാർത്ഥിക്കാനുണ്ട് അതുകൊണ്ട് കുഴപ്പമില്ല”
“ഡാ, നിന്നെ,” കൈ ഓങ്ങിക്കൊണ്ട് ലിസി വന്നതും കെവിൻ മുറിയുടെ പുറത്തേക്ക് ്് ഓടിയിരുന്നു.
* * * * *
കുളിച്ചൊരുങ്ങി ഒരു നീല സാരിയും ഉടുത്ത് ലിസി പോകാനിറങ്ങി. കെവിൻ കുളിക്കുകയാണ്. അവനോട് പറഞ്ഞിട്ട് പോവാം എന്ന് കരുതി അവൾ അവന്റെ മുറിയിലേക്ക് ചെന്നു. മൂളിപ്പാട്ടും പാടിയുള്ള കെവിന്റെ കുളി ്് ഉടനെയെങ്ങും തീരുന്ന ലക്ഷണമില്ല. ബാത്ത്റൂമിന്റെ ഡോറിൽ തട്ടി വിളിക്കാൻ തുടങ്ങുമ്പോഴാണ് അവന്റെ ഫോൺ റിങ് ചെയ്യുന്ന ശബ്ദം ലിസി കേൾക്കുന്നത്.
ഡിസ്പ്ളേയിൽ ഒരു പെണ്ണിന്റെ ഫോട്ടോ കാണാം. അതിന്റെ താഴെയായി ശ്രയ മനോഹർ എന്ന് എഴുതിയിരിക്കുന്നു. അറ്റന്റ് ചെയ്യുമ്പോഴേക്കും കാൾ കട്ടായി.
