സ്ഥലം മാറിക്കിടന്നതു കൊണ്ടോ അതോ വെറും പാതി മയക്കത്തിൽ ആയിരുന്നത് കൊണ്ടോ പുലർച്ചെ അഞ്ചു മണിക്ക് മുഞേ തന്നെ ഞാൻ ഉറക്കം ഉണർന്നിരുന്നു!! ഞാൻ കണി കാണുന്നത് എഞടുക്കൽ സുഖമായി കിടന്നുറങ്ങുന്ന സമീറിന്റെ മുഖമായിരുന്നു, ഞാൻ ചെറു പുഞ്ചിരിയോടെ സമീറിന്റെ മുടിയിഴയിൽ വിരലുകൾ ഓടിച്ചു ആ പ്രഭാദത്തെ വരവേറ്റു!
അൽപസമയം കഴിഞ്ഞാണ് ഇന്നലെ രാത്രി അലസിപ്പോയ എന്റെ ആദ്യ രാത്രിയെ കുറിച്ച് ഞാൻ ഓർക്കാൻ തുടങ്ങിയത്, അത് മനസ്സിനെ ചെറുതായി നൊമ്പരപ്പെടുത്താൻ തുടങ്ങി, ബാത്റൂമിലേക്കു പോകാനായി എഴുന്നേറ്റ ഞാൻ കാണുന്നത്, ഇന്നലെ ആദ്യ രാത്രിക്കായി മുംതാസ് ഞങളുടെ മുറി എങ്ങനെ ഒരിക്കിയോ അത് ഇപ്പോഴും ഒരു കോട്ടവും സംഭവിക്കാതെ അതെ രൂപത്തിൽ തഞ്ഞെ നിലകൊള്ളുന്നതാണ്.
ഞാനും സമീറും കെട്ടിമറിയുമ്പോൾ ചുക്കിച്ചുളിയേണ്ടിയിരുന്ന ബെഡ്ഷീറ്റ് ഇപ്പോഴും ഒരു ചുളിവുപോലും പറ്റാതെ അതേ പടി കിടക്കുന്നു, ഞങ്ങളുടെ ശരീര ഭാരത്താൽ നെരിഞ്ഞമരേണ്ട മുല്ലപ്പൂക്കൾ ഇപ്പോഴും AC യുടെ തണുപ്പിൽ ഒരു വാട്ടവും സംഭവിക്കാതെ അതിന്റെ സുഗന്ധം പരത്തുന്നു, ഇനി ജീവിതത്തിലെ സുഖദുഃഖങ്ങളെല്ലാം ഒന്നിച്ചു പങ്കുവെക്കുന്നതിൻറെ ആദ്യ പടിയായി ഞങ്ങൾ പങ്കിട്ടു കുടിക്കേണ്ടിയിരുന്ന പൽ ഗ്ലാസ് പോലും ഇപ്പോഴും നിറഞ്ഞു തഞ്ഞെ കിടക്കുന്നു, ഈ കാഴ്ചകളെല്ലാം എൻ്റെ മനസ്സിലെ നൊമ്പരത്തിന്റെ ആക്കം കൂട്ടി! എത്ര ശ്രമിച്ചിട്ടും എൻ്റെ കണ്ണിൽ നിന്നും ഉതിർന്നു വീഴുന്ന കണ്ണുനീരുകൾ എഞ്ഞാൽ തടയാൻ സാധിച്ചില്ല!!
പക്ഷേ ഇനങ്ങനെയൊക്കെ ആയിട്ടുപോലും എനിക്ക് സമീറിനോട് ഒരു തരി പോലും വെറുപ്പ് തോന്നിയില്ല, കാരണം എനിക്ക് സമീറിനോടുള്ള സ്നേഹം അത്രയ്ക്കും ആഴത്തിലുള്ളതായിരുന്നു!!
രണ്ടു മണിക്കൂറോളം ഞാൻ ബെഡിൽ ആ മുല്ലപ്പൂക്കളെയും തലോടിക്കൊണ്ട് നീറുന്ന മനസ്സോടെ സമയം തള്ളി നീക്കി!
ഏകദേശം ഏഴു മണി കഴിഞ്ഞപ്പോയേകും, വീട്ടിലുള്ളവർ എഴുന്നേറ്റു തുടങ്ങിയെന്നു എനിക്ക് പുറത്തു നിന്നും വരുന്ന ശബ്‍ദങ്ങളിൽ നിന്നും മനസ്സിലായി, ഞാൻ പെട്ടെന്ന് തന്നെ ഒന്ന് കുളിച്ചു വസ്ത്രം മാറി അടുക്കളയിലേക്കു ചെന്നു!
ഞാൻ അടുക്കളയിൽ എത്തുമ്പോൾ, ഉമ്മ പ്രാതൽ ഇണ്ടാകുന്ന തിരക്കിലായിരുന്നു, മുംതാസും അവിടെ ചുറ്റിപ്പറ്റി നിക്കുന്നുണ്ടായിരുന്നു, “സമീർ എഴുന്നേറ്റോ?” എന്ന ഉമ്മയുടെ ചോദ്യത്തിന് ഞാൻ ഇല്ല എന്ന് മറുപടി കൊടുത്തതും ഉമ്മയുടെ മുഖത്തു നാണത്തോടെയുള്ള ഒരു പുഞ്ചിരി വിരിയുന്നത് ഞാൻ ശ്രദ്ധിച്ചു, അതുപോലെ ഞാൻ ഞങ്ങൾക്കുള്ള ചായയുമായി റൂമിലേക്ക് മടങ്ങുമ്പോൾ മുംതാസിന്റെ മുഖത്തേക്കും ഒന്ന് പാളി നോക്കി, അവളുടെ മുഖത്തും എഞെ ആക്കിയുള്ള ഒരു ചിരിയുണ്ടായിരുന്നു!
