അച്ഛൻ:- എന്നാൽ നിനക്കൊന്നു വിളിച്ച് പറഞ്ഞൂടെ എന്തിനാ കയ്യിൽ ഫോൺ കൊണ്ട് നടക്കുന്ന .ഉം.. ആടുകളെ കയറ്റി വന്ന്‌ കുളിച്ചു വല്ലതും കഴിക്കാൻ നോക്ക്.
ഞാൻ ആടുകളെ കൂട്ടിൽ കയറ്റി വന്നപ്പോൾ അച്ഛനും അമ്മയും അകത്തോട്ട് പോയിരുന്നു .ദിയ അവിടേതന്നെയുണ്ട് .ഞാൻ ചെറുതായി അവളെ നോക്കി ചിരിച്ചു കണ്ണിറുക്കി കാണിച്ചു.ഒന്നുമില്ലെന്ന്‌ .അവൾ രൂക്ഷമായി എന്നെയൊന്നു തറപ്പിച്ചു നോക്കിയിട്ട് അകത്തോട്ട് പോയി.താമസിച്ചതിലും ഫോൺ എടുക്കത്തിലുമുള്ള ദേഷ്യം ആണെന്ന് കരുതി അത് കാര്യമാക്കാതെ ഞാൻ കുളിക്കാൻ പോയി.
കുളിച്ചു വന്നപ്പോൾ എല്ലാവരും കഴിക്കാനായി എന്നെയും കാത്തിരിപ്പുണ്ട്.ഞാനും ചെന്നിരുന്നു കഴിച്ചു. ഇടയ്ക്ക് ദിയയെ നോക്കിയപ്പോൾ അവൾ ദേഷ്യത്തോടെ നോക്കുന്നുണ്ട് .
ഇനി അഞ്ജു ഇവളോടെങ്ങാനും പറഞ്ഞു കാണുമോ.
ഇതും കൂടെ ആയപ്പോൾ ഉള്ള വിശപ്പ് കൂടെ ഇല്ലാതായി .ഞാൻ കഴിപ്പ് നിർത്തി എഴുന്നേറ്റു.
അമ്മ :- എന്താടാ നിയൊന്നും കഴിക്കാതെ പോകുന്നേ
ഞാൻ:-വിശപ്പില്ലമ്മേ. നല്ല ക്ഷിണം .ആടുകളെ അന്യോഷിച് നടന്ന് ഒരു പരുവമായി.
അതും പറഞ്ഞു ഞാൻ കൈ കഴുകി റൂമിലോട്ടു പോകുമ്പോൾ ദിയ അപ്പോളും എന്നെ നോക്കി ദേഷ്യപ്പെടുന്നത് കണ്ടു.
ഞാൻ വാതിൽ അടച്ചു കിടന്നു .ഫോൺ എടുത്തു അഞ്ജുവിന് മെസ്സേജ് അയച്ചു.
ഞാൻ:-ആരോടും പറഞ്ഞില്ലെന്നു പറഞ്ഞിട്ട് ദിയയോട് പറഞ്ഞല്ലേ.
അവൾ കിടന്നെന്ന് തോന്നുന്നു മറുപടിയൊന്നും വന്നില്ല .ഫോണും നോക്കിയിരുന്നു കുറച്ചു കഴിഞ്ഞപ്പോൾ ക്ഷിണം കൊണ്ട് ഉറങ്ങിപ്പോയി
രാവിലെ എന്നും എനിക്കാറുള്ള സമയമായിട്ടും കാണാത്തത് കൊണ്ട് അമ്മ വാതിലിൽ മുട്ടി വിളിച്ചു.ഞാൻ എണീറ്റ്‌ വാതിൽ തുറന്നു വേഗം തിരിച്ചു കട്ടിലിൽ തന്നെ ഇരുന്നു .നല്ല ശരീരവേദന ഉണ്ടായിരുന്നു .എന്റെ കൂനിക്കോടിയുള്ള ഇരിപ്പ് കണ്ടിട്ട് അമ്മ അടുത്തോട്ട് വന്ന്‌ നെറ്റിയിൽ കൈ വച്ചു നോക്കി
അമ്മ:- അയ്യോ..മോനെ നല്ല പനിയുണ്ടല്ലോ .എണീറ്റ്‌ റെഡിയാക്‌ .ക്ലിനിക്കിൽ പോയി ഇൻജക്ഷൻ എടുത്താൽ മറിക്കോളും .വച്ചോണ്ടിരിക്കേണ്ട .
ഞാൻ:- വേണ്ടമ്മേ പാരസെറ്റമോൾ ഇരിപ്പുണ്ട് ഒരെണ്ണം കഴിച്ചാൽ മാറിക്കോളും.
അമ്മ:- അതൊന്നും ശരിയകില്ല .നി വേഗം റെഡിയക് പോയിട്ട് വന്നിട്ട് വേണം എനിയ്ക്ക് പാടത്തേക്ക് പോകാൻ.ഇന്ന് ഞാർ നടുന്ന ദിവസമാണ്.അച്ഛൻ രാവിലെ പോയി .വേറെ പണിക്കാരും ഉണ്ട്.പോകാതിരിക്കാൻ പറ്റില്ല.ഇപ്പോൾ തന്നെ അച്ഛൻ അന്യോഷിക്കുന്നുണ്ടാകും.കറക്റ്റ് ഇന്ന് തന്നെ അവൾ അമ്മാവന്റെ വീട്ടിലൊട്ടും പോയി.നേരത്തെ അറിഞ്ഞിരുന്നെങ്കിൽ അവളെ വിടില്ലാരുന്നു .കുറെ നാൾ ആയി പോകണം പറഞ്ഞു വഴക്ക് കൂടുന്നു.അവധിയല്ലേ 2 ദിവസം പോയി നിൽക്കട്ടെ വിചാരിച്ചു.അവിടെ അച്ഛനും അമ്മയും മാത്രമല്ലേ ഉള്ളു.നിന്നെക്കൂട്ടി വിടാം വിചാരിച്ചാൽ നി അങ്ങോട്ട് പോകില്ലല്ലോ.എന്താ ചെയ്യണ്ടെന്നൊരു പിടിയും കിട്ടുന്നില്ല.
