ദേ മനുഷ്യനെ കുടിച്ചാൽ വയറ്റിൽ കിടക്കണം.ബാക്കിയുള്ളോരുടെ മെക്കിട്ട് കേറുവല്ല വേണ്ടത്.പിന്നെ നേരെ നിൽക്കാൻ ആരോഗ്യം ഇല്ലാത്ത നിങ്ങളാണോ എന്നെ…..
ആദ്യം ഉറച്ചൊന്ന് നില്ല് എന്നിട്ട് പോരെ ഭേദ്യം.
ഡീ മറ്റവളെ നിന്നെ ഞാനിന്ന്…….
സരളയുടെ കയ്യിൽ നിന്നും കുതറി അടിക്കാൻ ഓങ്ങിയ ദാമു ഒന്ന് വട്ടം കറങ്ങി താഴേക്ക് വീണു.ഭിത്തിയുടെ മറവിൽ നിന്നിരുന്ന രാജീവ് കണ്ണ് തിരുമ്മിയൊന്നു നോക്കി.
അല്ല പിന്നെ നേരെ ചൊവ്വനെ ഇതിയാനോട്‌ പറഞ്ഞിട്ട് എന്താ കാര്യം.സാറുള്ളതാണ്.നാലുകാലിൽ കേറി വരല്ലേയെന്ന് ഓതി വിട്ടതാ. കേൾക്കില്ല.എന്റെ കയ്യിന്ന് കിട്ടേണ്ടത് വാങ്ങാതെ തരമില്ല എന്നുവന്നാൽ…
പതം പറഞ്ഞുകൊണ്ട് കൊലുന്നനെ
ഉള്ള ആ മനുഷ്യനെ ആ സ്ത്രീ താങ്ങി എടുത്ത് കടക്കുള്ളിലെ ബെഞ്ചിൽ കിടത്തി.കയ്യും തട്ടി അകത്തേക്ക് കയറുമ്പോൾ അകത്തേക്ക് മാറാൻ നോക്കിയെങ്കിലും രാജീവ് സരളയുടെ മുന്നിൽത്തന്നെ പെട്ടു.
അയ്യോ സാറ് എണീറ്റാരുന്നോ.
ഇപ്പൊ എണീറ്റെയുള്ളൂ.നല്ല ക്ഷീണം, നന്നായൊന്നുറങ്ങി.
ഇത്ര ദൂരം യാത്രയും രാവിലത്തെ സർക്കീട്ടും കഴിഞ്ഞു വന്നതല്ലേ.
ഉറങ്ങട്ടെന്നു ഞാനും വച്ചു.
സാറ് വന്നാട്ടെ ഞാൻ കഴിക്കാൻ എന്തേലും എടുക്കാം.
അപ്പൊ ദാമുവേട്ടൻ…..
ഇതൊക്കെ ഇവിടെ പതിവാ സാറെ. അതിയാനെ ഇനി രാവിലെ
നോക്കിയാൽ മതി.സാറ് വന്നാട്ടെ.
അല്ല ഇവിടെ നിങ്ങള് മാത്രേയുള്ളോ.
എന്താ സാറെ ഒരു അർത്ഥം വച്ചൊരു ചോദ്യം.ആ ഭാഗ്യം ഞങ്ങൾക്കില്ല സാറെ.അതില്പിന്നെയാ അതിയാൻ കുടി തുടങ്ങിയെ.ഇപ്പൊ എന്റെ കയ്യീന്ന് രണ്ടെണ്ണം കിട്ടാതെ കിടക്കില്ല എന്നാ അവസ്ഥ.ഇതിപ്പോ സാറിന് മാത്രേ അറിയൂട്ടൊ.
ഏതായാലും ചേച്ചിയുടെ ഭക്ഷണം
ഉഗ്രൻ സ്വാദ്.
ഒന്നു പോ സാറെ,ചുമ്മാ…..
കളിപറയാതെ കഴിക്കാൻനോക്ക് വിളമ്പിയതൊക്കെ അങ്ങനെയുണ്ട്.
പതിയെ കഴിക്കാം ചേച്ചി,ആസ്വദിച്ചു കഴിക്കാല്ലോ.
അങ്ങനെയാവട്ടെ.അല്ല സാറേ ഇന്നെന്നാരുന്നു കടവില്,വൈകിട്ട് ആ സരസു അടക്കം പറയുന്നത് കേട്ടതാ.
പെണ്ണുങ്ങളുടെ കടവിൽ ചെന്നെന്നോ മറ്റോ.
അതൊരബദ്ധം…..
