എന്നെ അതിശയിപ്പിച്ചുകൊണ്ട് അരികിലെത്തിയ ഒരുവന്റെ ചുവപ്പ് നിറമുള്ള ബൈക്ക് ഞാന്‍ കാലുയര്‍ത്തി ചവിട്ടി. ബാലന്‍സ്സ് തെറ്റി അവന്‍ മറഞ്ഞ് വീണു. നൈറ്റ് വിഷനുള്ള എന്റെ കണ്ണാട ഞാന്‍ മുഖത്തേക്ക് അമര്‍ത്തി വച്ച് ആക്സലേറ്ററില്‍ ആഞ്ഞമര്‍ത്തി.
കാദറിക്കയുടെ സ്പെഷ്യല്‍ ട്യൂണിങ്ങ് നടത്തിയ ആ എഞ്ചിന്‍ ശരിക്കും പടകുതിര തന്നെയായിരുന്നു. ആ വഴുവഴുപ്പുള്ള മണ്ണിനെ ചേദിച്ഛുകൊണ്ട് ടയര്‍ മുന്നോട്ട് കുതിച്ചുരുണ്ടു. റിവ്യൂ മിററിലൂടെ നോക്കിയപ്പോള്‍ ആ ചുവന്ന ബൈക്ക് കാണാനില്ല. അപ്പോള്‍ ഒരുത്തന്റെ കാര്യം തീരുമാനമായെന്ന് മനസ്സിലായി. എന്റെ ഇരു വശങ്ങളായി അവരുടെ ബൈക്കുകള്‍ നിരന്നു. അവര്‍ എന്റെ അരികിലേക്ക് അടുക്കുകയാണ്‌. ഒരു പെണ്ണിനോടുള്ള പോരാട്ടമായതെന്നതിനാല്‍ ആ തെമ്മാടികൂട്ടത്തിന്‌ കൊടും വീര്യം കൂടിയെന്ന് മനസ്സിലായി. പെണ്ണിന്റെ അടുത്ത് തോല്‍ക്കുന്നത് മനോവൈകല്ല്യം പിടിച്ച ചില ആണ്‍ സമൂഹത്തിന്‌ വലിയ കുറച്ചിലാണല്ലോ.
കാടിനെ നടുക്കികൊണ്ട് ബൈക്കുകളുടെ ശബ്‌ദ്ധം കൊടും ഭീകരത വര്‍ദ്ധിപ്പിച്ചു. മനസ്സില്‍ നിമിഷം തോറും നിറയുന്ന വല്ലാത്ത ധൈര്യം എന്നെ തന്നെ അതിശയിപ്പിച്ചു. ഒരു പെണ്ണെന്ന നിലയില്‍ ഈ തെമ്മാടികൂട്ടത്തിന്‌ നേര്‍ക്കുള്ള വിജയം എനിക്ക് വലിയ ആത്മവിശ്വാസം തരുന്നത് തന്നെ. ഈ കൊടും ഉള്‍കാടിന്റെ വന്യതയില്‍ മരണം പതുങ്ങി ഇരുപ്പുണ്ട്‌.
ദിശയറിയാതെ പായുകയാണ്‌. എന്തെങ്കിലും പ്രവര്‍ത്തിച്ചേ മതിയാകൂ. ഇങ്ങനേ പോയാല്‍ കാടിനുള്ളില്‍ കുരുങ്ങാനും സാദ്ധ്യത എറേയാണ്‌. ഈ തെമ്മാടിക്കൂട്ടങ്ങളെ റോഡില്‍ തന്നെയിട്ട് പെരുമാറിയാല്‍ മതിയായിരുന്നു. ഒന്നു രണ്ടെണ്ണത്തിന്റെ എല്ലുകള്‍ ഒടിച്ചാല്‍ തീരുന്ന പ്രശ്നമേ ഉണ്ടായിരുന്നുള്ളു. ഇനി ഇവിടെ വണ്ടി നിര്‍ത്തി പെരുമാറാന്‍ വിചാരിച്ചാല്‍ വഴുക്കലുള്ള മണ്ണില്‍ കാലുറക്കാന്‍ വളരേ പ്രയാസമാണ്‌ താനും. അതു കൂടുതല്‍ അപകടം വരുത്തുകയേ ഉള്ളൂ. പോരാത്തതിന്‌ ഈ തെമ്മാടിക്കൂട്ടത്തിന്‌ വീര്യം കൂടീട്ടുമുണ്ട്. എന്നെ കീഴ്‌പ്പെടുത്താനായി എന്തു റിസ്ക്കും ചെയ്യാന്‍ തയ്യാറായീട്ടാണ്‌ അവര്‍ എന്റെ ഒപ്പം പായുന്നത്. പോയ ബുദ്ധി ആനപിടിച്ചാലും കിട്ടില്ലെന്നാണല്ലോ. അതിനാല്‍ ഇനി വരാന്‍ പോകുന്നതിനെ കുറിച്ച് മാത്രം ചിന്തിക്കുക എന്ന് മനസ്സില്‍ ഒരാവര്‍ത്തി പറഞ്ഞുകൊണ്ട് വണ്ടിയുടെ വേഗത കൂട്ടി. മരങ്ങള്‍ക്കിടയില്‍ പുതഞ്ഞിരിക്കുന്ന ചെറു കൊടമഞ്ഞിനേ വകഞ്ഞ് മാറ്റി സധൈര്യം ഞാന്‍ പാഞ്ഞു.
ഈ കാട്ടില്‍ ഒളിഞ്ഞു കിടക്കുന്ന എന്തെങ്കിലും കെണിയുണ്ടാകും. അതു കണ്ട്പിടിച്ച് പ്രാവര്‍ത്തീകമാക്കുക എന്ന ദ്യഡനിശ്ചയം ഞാനെടുത്തു. ഞാന്‍ ബ്രേക്കില്‍ ആഞ്ഞമര്‍ത്തി വലത്തോട്ട് വെട്ടിച്ചു. ഇടതിങ്ങി നില്‍ക്കുന്ന മരങ്ങളുടെ ഇടയില്‍ ഒരു ബൈക്കിന്‌ മാത്രം കടന്ന് പോകാനാകുന്ന വഴിയായിരുന്നു ലക്ഷ്യം. നിരങ്ങിപോകുന്ന ടയര്‍ ഒരു
The Author
