ഊർമിള ഹാളിൽ ഇരിക്കുന്ന വിജയോട് പറഞ്ഞ ശേഷം സ്റ്റെപ് ഇറങ്ങി കാറിന്റെ അരികിലേക്ക് നടന്നു…
ഊർമിള കാറിൽ കയറിയതും ഗോവിന്ദൻ കാർ മുന്നിലേക്ക് എടുത്തു.പത്മാവതിയെയും ഇന്ദുവിനെയും ഊർമിളയെയും ഗോവിന്ദനെയും വഹിച്ചു കൊണ്ട് ആ കാർ ക്ഷേത്രം ലക്ഷ്യമാക്കി നീങ്ങി.
“”””അമ്മയൊക്കെ പോയോ ഏട്ടാ…?””””
സ്റ്റെപ് ഇറങ്ങി വന്നുകൊണ്ട് വർഷ വിജയോട് ചോദിച്ചു. ഒപ്പം അവൾ ധരിച്ചിരിക്കുന്ന സാരിയുടെ ഞൊറി പിടിച്ചു നേരെയിട്ടു.
“”””നിന്റെയും നിന്റെ പുന്നാര ഏട്ടത്തിയുടെയും ഒരുക്കം കഴിയണത് വരെ കാത്തിരുന്നാൽ നട അടക്കും എന്ന് തോന്നിയത് കൊണ്ട് അവര് പോയി.. “”””
വിജയ് ഗൗരവത്തിൽ അവളോട് പറഞ്ഞു.
കറുപ്പ് ഷർട്ടും കസവുമുണ്ടും ധരിച്ചു വിജയ് റെഡി ആയി ഇരിക്കാൻ തുടങ്ങിയിട്ട് നേരെ കുറച്ചു ഏറെ ആയി.
“”””അല്ല… ഏട്ടത്തി റെഡി ആയില്ലേ…?”””
വർഷ സംശയത്തോടെ ചോദിച്ചു.
“”””അവള് എനിക്ക് മുന്നെ ഒരുങ്ങി താഴേക്ക് വന്നതാ… എന്നിട്ടിപ്പോ കണ്ണെഴുതിയില്ല എന്നും പറഞ്ഞു തിരികെ പോയി….””””
അവൻ അത് പറഞ്ഞു നിർത്തിയതും കാണുന്നത് അവനെ തന്നെ ഉറ്റുനോക്കി സ്റ്റെപ്സ് ഇറങ്ങി വരുന്ന പ്രിയയെ.
“””””എന്റെ കഴിഞ്ഞു… “”””
