അൽപ സമയം വേണ്ടി വന്നു അവർക്ക് സാധാരണ ഗതിയിലേക്ക് വരാൻ….
“””””എന്താ ഏട്ടാ… “”””
വർഷ അമ്പരപ്പോടെ ചോദിച്ചു.
“”””ഞാൻ… അത്…ഒരു കാള… വഴിലേക്ക് കയറി അപ്പൊ അതിനെ ഇടിച്ചിടും എന്ന് തോന്നിയത് കൊണ്ട് ഞാൻ.. വണ്ടി വെട്ടിച്ചു… “””””
വിജയ് വിക്കി വിക്കി പതർച്ചയോടെ പറഞ്ഞു നിർത്തി.
“””””ഞങ്ങള് ഒന്നും കണ്ടില്ലല്ലോ….അച്ചേട്ടന് തോന്നിയതാവും…അല്ലെ മോളെ “””””
പ്രിയ വർഷയെ നോക്കി ചോദിച്ചു… പ്രിയയുടെ മുഖംനിറയെ ഭയം പടർന്നിരുന്നു.
“””””അതെ…'”””
വർഷ പ്രയയെ അനുകൂലിച്ചു.
പെട്ടന്ന് അന്തരീക്ഷത്തിന്റെ മട്ടും ഭാവവും മാറാൻ തുടങ്ങി….ശക്തമായി കാറ്റ് വീശി പൊടിപ്പടലങ്ങൾ വായുവിൽ ഉയർന്നു പൊന്തി….
താഴ്വരാത്ത നിന്നും വിജയും പ്രിയയും തിരികെ വരും വഴി പ്രകൃതിയിൽ വന്ന അതെ മാറ്റം….
വിജയ് പരിഭ്രമത്തോടെ അത് നോക്കി ഇരുന്നു….അവന്റെ ഹൃദയത്തിന്റെ തുടിപ്പ് വർദ്ധിച്ചു വന്നു….പ്രിയയുടെ അവസ്ഥയും മറിച്ചല്ല….വർഷ തനിക്ക് ചുറ്റും നടക്കുന്നത് ഒന്നും തന്നെ മനസിലാവാതെ ഇരിക്കുകയാണ്….
പെട്ടന്ന് ഒരു കൊള്ളിയൻ ആകാശത്തെ രണ്ടായി പിളർത്തികൊണ്ട് ഭൂമിയിൽ വന്ന പതിച്ചു…
ഇടിമുഴക്കത്തിന്റെ ശബ്ദ കാഹളം കേട്ട് പേടിച്ച പ്രിയ ഇരുചെവികളും പൊത്തി പിടിച്ചു വിജയുടെ മാറിലേക്ക് മുഖം അമർത്തി.
