റൂമിൽ നിന്നും പുറത്തേക്ക് ഇറങ്ങിയപ്പോൾ പുറത്ത് രാമേട്ടൻ ഇരുന്ന് എന്തൊക്കെയോ എഴുതുന്നു. പോയി നോക്കിയപ്പോൾ കണക്കുകളാണ്.മാസാവസാനം ഒരു മാസത്തെ കണക്കുകൾ എല്ലാം എഴുതി വച്ചിട്ടേ രാമേട്ടൻ പോകാറുള്ളു.എന്നെ കണ്ടതും.
: കോളേജ് എങ്ങനെ ഉണ്ട്.
: കുഴപ്പമില്ല.
: അപ്പൊ എന്തോ കുഴപ്പമുണ്ടല്ലോ.
: ഒന്നുമില്ല.
: നിന്റെയടുത് എത്ര തവണ പറഞ്ഞത ഈ കണക്കൊക്കെ നിനക്ക് നോക്കിക്കൂടെന്ന്. ഞാൻ ഒറ്റക്ക് എന്തൊക്കെയാ ചെയ്യേണ്ടത്.
ഞാൻ ഒന്ന് ഇരുത്തി മൂളുക മാത്രം ചെയ്തു.രാമേട്ടൻ നിർത്താതെ കുറേ പറഞ്ഞു.ഞാൻ പ്ലസ് ടു കഴിഞ്ഞപ്പോൾ മുതൽ കേൾക്കാൻ തുടങ്ങിയതാണ് ഇത്. പാവം എല്ലാ കാര്യങ്ങളും ഒറ്റക്കാണ് നോക്കുന്നത്.ഞങ്ങൾ സംസാരിച്ചുകൊണ്ട് പുറത്തേക്കിറങ്ങിയപ്പോൾ ഉഷേച്ചി ഗേറ്റ് കടന്നു വന്നു. ഉഷേച്ചി ഞങ്ങളുടെ അടുക്കളയിലെ ലേഡി ബോസ്സാണ്. ഉഷേച്ചി ഉണ്ടാക്കിത്തരുന്ന ഭക്ഷണമാണ് ഇവിടെ എല്ലാവരും കഴിക്കുന്നത്. നല്ല കൈപ്പുണ്യമുള്ള സ്ത്രീ. ഞങ്ങളെ നോക്കികൊണ്ട്‌ വന്ന ഉഷേച്ചി രാമേട്ടനോട് പറഞ്ഞു.
: ഇവിടെ ഒരാൾക്ക് നമ്മളൊക്കെയുള്ളു എന്നൊക്കെ വെറുതെ പറയുന്നതാ.
എന്ന് പറഞ്ഞു എന്നെ നോക്കി ചിരിച്ചു.രാമേട്ടൻ ഒന്നും മനസിലാവാതെ ഉഷേച്ചിയെ നോക്കി.ഉഷേച്ചി എന്നിട്ട് പറഞ്ഞു.
: ഇന്ന് കണ്ണനെ കെട്ടിപിടിച്ചിട്ട് ഒരു പെണ്ണ് അവന്റെ ബൈക്കിന്റെ പുറകിലുരുന്നു പോകുന്നത് കണ്ടല്ലോ.ആരാടാ അത്. മുഖം ശെരിക്കും കാണാൻ പറ്റീല.
കേട്ടത് ശെരിയാണോ എന്ന ഭാവത്തിൽ രാമേട്ടൻ എന്നെ നോക്കി.
: അവൾ എന്റെ കൂടെ പഠിച്ചതാ. അവളുടെ വീട് ഇവിടെ അടുത്താ അത് കൊണ്ട് അവളെ കൂട്ടിട്ട് വന്നതാ. വേറെ ഒന്നുമില്ല.
: ആ ഇരിപ്പ് കണ്ടിട്ട് എനിക്ക് ഇവന്റെ കാമുകിയാണോന്ന സംശയം. എന്തായാലും ഇവനെ ഒന്ന് ശ്രദ്ധിക്കണം.
ഇതും പറഞ്ഞ് ഉഷേച്ചി കേറിപ്പോയി.
രാമേട്ടൻ എന്നോട്
: നല്ല കൊച്ചാണെങ്കിൽ നോക്കിക്കോടാ. സമയമാകുമ്പോൾ പിടിച്ചു കെട്ടിക്കാം.
: ഒന്ന് പോ രാമേട്ടാ വെറുതെ.
: വെറുതെ ഒന്നുമല്ല നീ ആലോചിക്ക്. ഞാൻ എന്തായാലും പോകുവാ.
രാമേട്ടൻ പോയതിനു ശേഷം അടുക്കളയിലേക്ക് പോയി.പക്ഷെ അടുക്കളയിൽ ഉഷേച്ചി ഇല്ലായിരുന്നു. പിന്നീട് ഉഷേച്ചിയുടെ റൂമിൽ പോയി നോക്കി. ബാത്‌റൂമിൽ ശബ്‌ദം കേൾക്കാം. ഞാൻ ഒന്ന് വിളിച്ചു നോക്കി.
