“‘എന്നതാടാ അത് …”‘ വാനിന്റെ മുകളിൽ എന്തോ വീണ ശബ്ദം കേട്ട് ബോബി ഞെട്ടി . എന്തോ വന്നു വീണത് പോലെ വാനിന്റെ മുകൾ ഭാഗം ചളുങ്ങിയിരിക്കുന്നു .
“‘വല്ല തേങ്ങയോ മറ്റോ ആയിരിക്കും “” ഡ്രൈവർ ഡോർ തുറന്നിറങ്ങിയതും ഇരുമ്പു പൈപ്പ്‌കൊണ്ട് അടികിട്ടി താഴേക്ക് വീണു . ബോബി അതുകണ്ട് പിസ്റ്റലുമായി ചാടിയിറങ്ങിയപ്പോഴേക്കും മുകളിൽ നിന്നൊരാൾ താഴേക്ക് ചാടി . അയാൾ ഒരു മുഖം മൂടി വെച്ചിരുന്നു . ജോക്കറിന്റെ . ബോബി കണ്ണ് ചിമ്മുന്നതിനു മുൻപേ അവന്റെ കയ്യിൽ മഴുവിന്റെ തല കൊണ്ടുള്ള അടി ഏറ്റിരുന്നു . പുറകിലിരുന്ന ബോബിയുടെ ആളുകൾ പിസ്റ്റലുമായി ഡോർ തുറക്കാനാഞ്ഞപ്പോൾ ഓമ്‌നിയുടെ തകർത്തു രണ്ടുപേർ അകത്തുകയറി . അപ്പോഴേക്കും റഫീക്ക് അലിയുടെ കാലുകൾ പിസ്റ്റൾ ചവിട്ടിത്തെറിപ്പിച്ചിരുന്നു . തലക്കടിയേറ്റ ബോബി കണ്ണ് തിരുമ്മി നോക്കിയപ്പോൾ ഒരാൾ ഓമ്നിയിലേക്ക് കയറുന്നത് കണ്ടു . ഓമ്നി തന്റെ അടുത്തുകൂടെ പോയപ്പോൾ റഫീക്കിന്റെ കഴുത്തിൽ മഴു മുട്ടിച്ചു വെച്ചിരിക്കുന്ന ജോക്കറിനെ കണ്ട് ബോബിയുടെ തല പെരുത്തു ..ആരാണവർ ?
”””””””””””””””””””””””””””””””””””””””””
“‘ രാഖീ …..”” രുഗ്മിണിയുടെ അലർച്ച കേട്ടാണ് രാഗിണി ഞെട്ടിയെണീറ്റത് . അവൾ ഒരുനിമിഷം പകച്ചു പോയി . പെട്ടന്ന് സമനില വീണ്ടെടുത്ത അവൾ കയ്യിൽ കിട്ടിയ തുണികൊണ്ട് തന്റെ നഗ്നത മറച്ചു . തന്നെ കെട്ടിപ്പിടിച്ചു കിടന്ന രാഗിണി എണീറ്റപ്പോൾ മനോജ് ഒന്ന് ഞെരങ്ങി , അവൻ എന്നിട്ടും മയക്കം വിട്ടുണർന്നില്ല .
“‘ നല്ല പനി …. വല്ലാത്ത കുളിരുന്ന പോലെ .ഒന്ന് കെട്ടിപ്പിടിക്കാമോന്ന് ചോദിച്ചപ്പോ ഞാൻ ..രുക്കൂ …എന്നോട് ക്ഷമിക്കടീ …ഞാൻ .. എന്റെ ദേവീ ..””’ ഡ്രസ്സ് ചെയ്തു , വേഗം രുഗ്മിണിയുടെ മുറിയിലെത്തിയ രാഗിണി രുഗ്മിണിയുടെ തോളിലേക്ക് കിടന്ന് പൊട്ടിക്കരഞ്ഞു .
“‘ശ്ശെ ..പോയെടീ ചേച്ചീ .. പെട്ടന്ന് കണ്ടപ്പോൾ . നിനക്ക് ..നിനക്കവനെ ഇഷ്ടമാണോ ?”’
“‘രുക്കൂ നീ …..””രാഗിണി ഒരു പ്രത്യേക ഭാവത്തോടെ അവളെ നോക്കി .
“‘ഞാൻ സംസാരിച്ചിരുന്നു . അവൻ നിന്റെ ഗർഭത്തിനുത്തരവാദി ആണെന്ന് പറഞ്ഞു കഴിഞ്ഞു ഞാനവനെ തപ്പി നടന്നു .”‘
