” ഇച്ചായാ …വണ്ടി എടുക്ക് ….അമ്മ ഏതു വേഷത്തിലാണോ ആവോ ?”അമ്മു ടോണിയുടെ ചെവിയില്‍ പറഞ്ഞിട്ട് ഡോര്‍ തുറന്നിറങ്ങി
അമ്മു വണ്ടിയില്‍ നിന്നിറങ്ങി ഗെറ്റ് തുറന്നു .അപ്പുവിന്‍റെ കയ്യില്‍ അപ്പോഴും അയാള്‍ പിടിച്ചിട്ടുണ്ടായിരുന്നു … ടോണി അവരെ കേറ്റാന്‍ നില്‍ക്കാതെ കാര്‍ പോര്‍ച്ചില്‍ നിര്‍ത്തി വീട്ടിലേക്കു ഓടി കയറി
‘ അന്നക്കുട്ടി …..അന്നമ്മേ “
ഹാളിലെ സോഫയില്‍ തന്നെയിരിപ്പുണ്ടായിരുന്നു സിസിലി . സാരി വാരി ചുറ്റിയിരിക്കുന്നു. ടോണി അവളുടെ തോളില്‍ കൈ വെച്ചു
” അന്നമ്മേ ….എന്തൊരു ഇരിപ്പാടി ഇത് ? ങേ ….നീ അയാളെ കണ്ടോ ?”
‘ അച്ചായാ …എന്നെ പറഞ്ഞു വിടല്ലേ …..ഞാന്‍ പോകൂല്ല ….”
സിസിലി ടോണിയുടെ നെഞ്ചിലേക്ക് ചാഞ്ഞതും പോര്‍ച്ചില്‍ സംസാരം കേട്ടു. ടോണി അവളെ മാറ്റി പുറത്തേക്ക് ചെന്നു
” സിസിലി …നീ എന്നാടുക്കുവാരുന്നു..ഞാനെത്ര പ്രാവശ്യം ഹോണ്‍ അടിച്ചു “
” അപ്പേട്ടന്‍ ഇത്രേം നാളെവിടെയായിരുന്നു…ഞാനും മക്കളും ചത്തോന്നറിയാന്‍ വന്നതാണോ ” സിസിലി വിങ്ങി പൊട്ടി . അയാള്‍ അവളെ മാറോട് ചേര്‍ത്തു .
” കരയല്ലെടി സിസിലി ….നിന്നേം മക്കളേം കാണാന്‍ അല്ലെ ഞാന്‍ ഓടി വന്നെ …അന്ന് പോയ ട്രിപ്പില്‍ വണ്ടി ഒന്ന് മറിഞ്ഞു …. ഭാഗ്യത്തിനാ രക്ഷപെട്ടേ …നോക്ക് ….പോരാന്‍ പോലും കാശില്ലാതെ കുറെ കഷ്ടപെട്ടു…പിന്നെ നല്ലൊരു മനുഷ്യന്‍റെ സഹായം കൊണ്ട് ജോലിയും ശെരിയാക്കി …ദെ …നോക്ക് …ഇനി ഞാന്‍ എങ്ങോട്ടും പോണില്ല …നിന്‍റെ പേര്‍ക്ക് ഞാന്‍ ടൌണില്‍ ചെറിയൊരു വീടും വാങ്ങി …. ഒരു സര്‍പ്രൈസ് ആകാന്‍ വേണ്ടിയാ അധാരോം കഴിഞ്ഞു ഓടിയിങ്ങു പൊന്നെ ….അക്കു മോളെന്നാ പറയുന്നു ….അവള് വലുതായോടി”
അമ്മു അപ്പോഴേക്കും കുടിക്കാന്‍ ജ്യൂസ് എടുത്തോണ്ട് വന്നു
” ഇവളാകെ മാറി പോയല്ലോടി സിസിലി …പിള്ളേരുടെ ഒക്കെ വളര്‍ച്ചയേ…അപ്പൂ …നീയന്നാ പഠിക്കുവാടാ ഇപ്പൊ “
അയാള്‍ സോഫയില്‍ ഇരുന്നു. സിസിലിയുടെ കയ്യില്‍ നിന്ന് അയാള്‍ പിടി വിട്ടില്ലായിരുന്നു
” സാറെ ….വല്യ ഉപകാരം …കാസിം പറഞ്ഞു …വീട് പോയപ്പോ സാറാ ഇവിടെ താമസിപ്പിച്ചെന്നു..വല്യ ഉപകാരം …എന്‍റെ പേര് ഔസേപ്പച്ചന്‍ ….എല്ലാരും അപ്പേട്ടന്‍ എന്നാ വിളിക്കുന്നെ ….”
ടോണിയൊന്നും പറഞ്ഞില്ല
” സിസിലി …നീയിറങ്ങാന്‍ നോക്ക് ….അക്കൂനേം കൂട്ടി കൊണ്ട് വേണം പോകാന്‍ … അപ്പൂ …വാടാ “
” അച്ചാച്ചാ…ഞാന്‍ “
” ഇത്രേം ഒന്നുമില്ലേലും ഒരു വീട് നമ്മളും വാങ്ങിച്ചെടാ മോനെ ….നിനക്ക് പ്രയാസം ആണെന്ന് അറിയാം ..എന്നായാലും ഇവിടുന്നു ഇറങ്ങേണ്ടി വരില്ലേ മോനെ “
‘ സാറെ ..ഇവരെ ഒന്ന് പറഞ്ഞു മനസിലാക്ക്…സിസിലി വാടി….നിന്നേം മക്കളേം കാണാന്‍ ഓടി വന്നതാ ഞാന്‍ ” അയാള്‍ അപ്പേട്ടന്‍ മൂക്ക് പിഴിഞ്ഞു
അപ്പു മുകളിലേക്ക് കയറി പോയി ..അമ്മു സിസിലിയെ കൂട്ടി കൊണ്ട് അകത്തേക്ക് കയറി
