അടിമപ്പെടുത്തുന്നതിന് മുന്നേ ഞാൻ അവിടടുത്തു കിടന്ന ഒരു ടൗവലും എടുത്തുകൊണ്ട് വേഗം ബാത്‌റൂമിലേക്ക് ഓടി..
അങ്ങനെ വിസ്തരിച്ചുള്ള ഒരു കുളിയും കഴിഞ്ഞു ഡ്രെസ്സെല്ലാം അലക്കിയിട്ട് ഹാളിൽ വന്നിരിന്നുകൊണ്ട്
ടീവിയിൽ ചാനൽ മാറ്റിക്കൊണ്ടിരിക്കുമ്പോഴാണ് ഞാൻ സമയം നോക്കുന്നത്…
ഏയ്‌ സമയം 1 മണി ആവാറായോ ഇതെന്താ മാമനെ കാണാത്തെ.. ഞാൻ റിമോട്ട് താഴെവച്ച് അടുത്തുണ്ടായിരുന്ന മൊബൈൽ എടുത്തു ഡയൽ ചെയ്തുകൊണ്ട് സ്വയം പറഞ്ഞു…
ഹലോ…!! മാമാ എവിടാ.. കഴിക്കാനൊന്നും വരുന്നില്ലേ…
നീ കഴിച്ചോ… ഞാൻ കുറച്ചു കഴിഞ്ഞു വരാം..
എന്നാ ഞാനും കഴിക്കുന്നില്ല… മാമൻ വന്നിട്ട് ഒരുമിച്ചു കഴിക്കാം..
അനുമോളെ നീ കഴിച്ചോടി വെറുതെ വയറു വിശന്നിരിക്കണ്ടാ….
അതൊന്നും കൊഴപ്പില്ല.. മാമൻ കഴിച്ചിട്ടേ ഞാൻ കഴിക്കുന്നുള്ളു..
ഈ പെണ്ണിനെകൊണ്ട് തോറ്റു..!!ആഹ് ശെരി നീ ഫോൺ വെക്ക് ഞാൻ വരാം..
അല്ല പിന്നെ നമ്മളോടാ കളി… ഫോൺ താഴേക്ക് വച്ചു സ്വയം പറഞ്ഞുകൊണ്ട് ഞാൻ അടുക്കളയിലേക്ക് നടന്നു…
ചോറും കറിയും കാലത്തെ തന്നെ വച്ചിട്ടുണ്ടായിരുന്നത് കൊണ്ട് ആ പണി കുറഞ്ഞുകിട്ടി… എന്നാലും രണ്ടാമതൊന്നില്ലാതെ എങ്ങനാ കഴിക്കാ എന്നും ചിന്തിച്ചു ഫ്രിഡ്ജ് തുറന്നപ്പോഴാണ് അതിൽ മൊട്ടയും മീനും ഇരിക്കുന്നത് കാണുന്നത്…
ആഹ് അടിപൊളി.!! ഒരു പണി ചെയ്യാം ഓംപ്ലെറ്റ് ഇടാം അതാവുമ്പോ പണി കുറവാ മീൻ രാത്രിക്ക് എടുക്കാം..
അങ്ങനെ ഓരോന്ന് സ്വയം തന്നെ പറഞ്ഞു കൊണ്ട് അതിലേക്ക് വേണ്ട സവാളയും മുളകും എല്ലാം അരിഞ്ഞു 4 മൊട്ട എടുത്ത് ഒരു ബൗളിലേക്കൊഴിച്ച് എല്ലാം മിക്സ്‌ ചെയ്ത ശേഷം പാൻ അടുപ്പിൽ വച്ചതും ഇതാ കേൾക്കുന്നു പുറത്തു ബൈക്കിന്റെ ശബ്ദം…
