മാമാ പ്ലീസ്… എനിക്കത്രക്ക് ഇഷ്ട്ടാ നിങ്ങളെ…
നീ വന്നേ അനു വീട്ടിക്ക് പോവാ…
ഇനിയും അവിടെ നിന്നാൽ ഞാൻ വേറെ പലതും ചെയ്യുമെന്ന് മാമന് തോന്നിയത് കൊണ്ടാവണം പെട്ടന്നെന്റെ കയ്യിൽ പിടിച്ചുകൊണ്ടു നേരെ വണ്ടിയുടെ അടുത്തേക്ക് നടക്കവേ മാമൻ പറഞ്ഞു..
നിന്നെ എങ്ങനെ വീഴ്ത്താം എന്നൊക്കെ എനിക്കറിയാം മോനെ… ഇന്നുതൊട്ട് അനു അതിനുള്ള പരിപാടികൾ തുടങ്ങാൻ പോവാ…
വണ്ടിയിൽ പൊയ്ക്കൊണ്ടിരിക്കവേ ഞാൻ മനസ്സിൽ മന്ത്രിച്ചു…
അനു ഇറങ്ങ് വീടെത്തി.. ഞാനൊന്ന് ഷോപ്പിൽ പോയിട്ട് വരാം…
ഏയ്‌ മാമാ..!!
എന്താടി…?
പെട്ടന്ന് വരോ..
എന്തിനാ..!!
ഇടക്കെങ്കിലും എന്റെ അടുത്തിരുന്നൂടെ മാമന്…ഏത് നേരവും ഷോപ്പ് ഷോപ്പ് പറഞ്ഞ് നടക്കാതെ..
ഡീ പെണ്ണേ മര്യാദക്ക് പോയിരുന്ന് പഠിച്ചോ…
ഇല്ല.!! ഞാൻ പഠിക്കില്ല എന്നെ കെട്ടാന്ന് പറഞ്ഞാലേ ഞാനിനി പഠിക്കൊള്ളു…
വേണെങ്കിൽ പഠിച്ചാൽ മതി… ഞാൻ പറഞ്ഞൂന്നൊള്ളു… അത് പറഞ്ഞു തീരേണ്ട താമസം ആള് വണ്ടിയും എടുത്തുകൊണ്ടു ഒറ്റ വിടലായിരുന്നു…
അതെ വേഗം വാട്ടോ… ഞാനിവിടെ ഒറ്റക്കാ… ദൂരേക്ക് അകന്നു നീങ്ങുന്ന വണ്ടിയെ നോക്കി ഉച്ചത്തിൽ പറഞ്ഞുകൊണ്ട് ഞാൻ ഉള്ളിലേക്ക് നടന്നു…
എന്റെ ദൈവമേ ഈ മുരട്ടു കാളയെ ഞാനിനി എങ്ങനെ വരുതിക്ക് കൊണ്ടുവരാനാ.. വരുന്നവിടെ വെച്ച് കാണാം… അല്ലാതെന്തു പറയാൻ..
റൂമിലേക്ക് നടക്കവേ സ്വയം പിറുപിറുത്തുകൊണ്ട് ഞാൻ ബാഗ് ടേബിളിൽ വെച്ച് ബെഡിലേക്ക് കിടന്നു…
ഓഹ്.!! ആ സ്വിച്ച് കുത്തി പൊട്ടിക്കണ്ടാ ഞാനിതേ വരുന്നു…
