നീലിമ മുറപ്പെണ്ണാണ് അല്ലെ!?….. ഋതുവിന്റെ കണ്ണ് ഉരുണ്ടു…
എന്റെ പൊന്നെ ഇനി അതിനു വേണ്ടി പിണങ്ങണ്ട, എനിക്ക് സ്വന്തം പെങ്ങളെ പോലെയാണ്, അവൾക്കും എന്നെ ഏട്ടനെ പോലെത്തന്നെ…
അന്നേരം എന്റെ കൊച്ചിന്റെ മുഖം കാണണം!! ശോ……..
അങ്ങനെ ഇച്ചിരി നേരം കൂടെ സംസാരിച്ചിരിക്കുമ്പോ ഋതുവിന്റെ മടിയിൽ ഞാൻ കിടന്നു ഞാൻ ഒരു പൂച്ചയുറക്കം കഴിഞ്ഞു.
സൂര്യാ എണീക്ക്. ഞാൻ ഇറങ്ങട്ടെ…
ഞാൻ പയ്യെ കണ്ണ് തുറന്നു. നേരം 4 മണിയായിരുക്കുന്നു.
ഋതു ഫ്രഷ് ആയി ശേഷം ‘ഞങ്ങളുടെ’ ബെഡ്‌റൂമിൽ ചെന്ന് ഡ്രസ്സ് ഒക്കെ ചേഞ്ച് ചെയ്തു ഹാളിലേക്ക് വന്നു.
ആഹ് എന്റെ ടോപ് ഞാനെടുത്തോട്ടെ സൂര്യാ ..
അയ്യോ വേണോ അത് ഋതു ?
സൂര്യക്കെന്തിനാ അത് ?
ശെരി ശെരി, അത് സൂര്യയുടെ ഷർട്ടിന്റെ ഇടയിൽ തന്നെ ഫോൾഡ് ചെയ്തിരുന്നോട്ടെ.
ഞാൻ ആദ്യമായി ഋതുവിന്റെ മുന്നിൽ നാണിച്ചു ചിരിച്ചു.
ഋതു ഫ്ലാറ്റിന്റെ മുന്നിൽ നിന്നും ഇറങ്ങുമ്പോ ഞാൻ ഒരു ഹഗ് കൂടെ ചെയ്തപ്പോൾ ഡോർ തുറന്നിരുന്നതുകൊണ്ട് ക്ലാസ് കഴിഞ്ഞു വന്ന ശാരികയും ശരത്തും അത് കണ്ടു. അവർ ഞങ്ങളെ നോക്കി ചിരിച്ചു.
ഇങ്ങോട്ടേക്ക് വരണോ എന്നമാന്തിച്ചു നിൽക്കുന്ന അവരെ ഞാൻ തന്നെ അടുത്തേക്ക് വിളിച്ചു…
ഇത് ഋതു…, എന്റെ ഫ്രണ്ട് ആണ്. അന്നേരം ഋതു അവരുടെ മുഖത്തേക്ക് നോക്കി ചിരിച്ചുകൊണ്ട് ശെരി ലേറ്റ് ആയി, നെക്സ്റ്റ് ടൈം കാണാം എന്ന് മാത്രം പറഞ്ഞുകൊണ്ടിറങ്ങി.
ഞാൻ മുറിയിൽ ചെന്ന് ചെടിക്കൊക്കെ വെള്ളം നനഞ്ഞുകൊടുത്തു, ലീവ് ആയതുകൊണ്ട് ട്വിൻസ് അന്ന് മുറിയിൽ ഒരു പ്രോജക്ടിന്റെ കാര്യം പറയാനും പ്രൊജക്റ്റ് ടോപിക് സെലെക്ഷൻ നു സജഷൻ ചോദിക്കുകയും ചെയ്തു….
അവരിങ്ങിയപ്പോൾ മുറിയിൽ ഞാൻ തനിച്ചായി ….ടീവിയും കണ്ടിങ്ങനെ യാന്ത്രികമായി ചാനലും മാറ്റി…ഋതുവിന്റെ ഫോണിന് വേണ്ടി വെയിറ് ചെയിതിരുന്നു…
ഋതു മെസ്സേജ് ചെയ്തു.. ജസ്റ് ഇപ്പൊ എത്തിയേ ഉള്ളു.. പക്ഷെ വീണ്ടും പുറത്തെക്കൊന്ന് പോവാണ്, അമ്മയുടെ ഒപ്പം ഹോസ്പിറ്റൽ വരെ, അവർക്ക് ചെറിയ കാല് വേദന എന്ന് പറഞ്ഞു.
രാത്രിയായപ്പോൾ ഞാൻ ഫുഡ് ഉണ്ടാക്കിയില്ല, ശോഭ ചേച്ചി എനിക്ക് ചപ്പാത്തിയും ചിക്കൻ കറിയുമായി വന്നു, എനിക്ക് പനിയായിരുന്നു എന്ന് മക്കൾ അമ്മയോട് പറഞ്ഞിരുന്നു. അവർക്ക് എന്നെ വലിയ കാര്യമായതുകൊണ്ട് ഇടക്ക് ഡിന്നർ അവർ തന്നെ കൊണ്ട് തരാറുണ്ട്.
