“എനിക്കും…. നിന്നോട് പ്രണയമാണ്, നിറഞ്ഞ് തുളുമ്പുന്ന ഒരിക്കലും വറ്റാത്ത ഉറവ പോലുള്ള പ്രണയം”
അവൻ പറയുന്നത് കേൾക്കാനുള്ള ആകാംക്ഷയോ അതോ അവളുടെ ഉള്ളം സന്തോഷം കൊണ്ട് തുടിച്ചതോ എന്നറിയാത്ത വിധം ശ്വാസവേഗമുയർന്ന് അവളുടെ മാറിടം ഉയർന്നു താഴ്ന്നു കൊണ്ടിരുന്നു.
” പക്ഷേ… അത്,……”
അൽപം നാണത്തോടെ അവൻ നിർത്തിയിട്ട് പറഞ്ഞു
“ഒരിക്കലും നിന്റെ ശരീരത്തെ ആഗ്രഹിച്ചിട്ടല്ലായിരുന്നു…. അതിലുള്ള പാപബോധത്തെക്കാളുപരി നമ്മുടെ കുടുംബത്തിന്റെ മഹിമ നാം നഷ്ടപ്പെടുത്തരുത് എന്നേ കരുതിയിരുന്നുള്ളൂ…. എന്നാൽ ഇന്ന് കുറച്ച് നിമിഷം മുമ്പ് നീ കാരണം ഞാൻ അതും മറന്നു.”
അവൾ പൊട്ടിക്കരഞ്ഞുകൊണ്ട് അവന്റെ നെഞ്ചിലേക്ക് മുഖമമർത്തി… പിന്നെ സാവധാനം തേങ്ങി കൊണ്ടിരുന്നു..ഗാസി അവളുടെ കവിളിൽ ചുണ്ടുകൾ അമർത്തി മുടിയിൽ തഴുകി ആശ്വസിപ്പിച്ചു കൊണ്ടിരുന്നു. തേങ്ങൽ അടക്കി, കുനിഞ്ഞിരുന്ന് തന്നെ , അവന്റെ നെഞ്ചിൽ കിടന്ന് അവനെ ഇറുകെ പുണർന്നു അവൾ പതിയെ പറഞ്ഞു.
” എന്നിലെ …. പെണ്ണുണർന്നു തുടങ്ങിയ കാലം മുതൽ, എന്റെ ഭായിജാനല്ലാതെ എന്നെ മറ്റൊരാണും ഭ്രമിപ്പിച്ചിട്ടില്ല…
മറ്റൊരാളോടും എനിക്കൊന്നും തോന്നീട്ടില്ല…
നിന്നെ കാണുമ്പോൾ എന്നിലുണ്ടാകുന്ന വൈകാരിക മാറ്റങ്ങൾ എനിക്ക് നിന്നെ പറഞ്ഞറിയിക്കാൻ കഴിയില്ലന്റെ പൊന്നേ…
ഒരു കുറ്റബോധവും ഇല്ലാതെ തന്നെയാണ് ഓരോ പ്രാവശ്യവും എന്നിലേക്ക് നിന്നെ ചേർത്ത് ഒന്നലിഞ്ഞില്ലാതാവാൻ ഞാൻ ശ്രമിച്ചു കൊണ്ടിരുന്നത്… അപ്പോഴൊക്കെ നീ അകന്നു മാറിപ്പോകുമ്പോൾ എന്റെ പ്രാണനാണ് പറിഞ്ഞ് പോയി കൊണ്ടിരുന്നത്….
ഏതൊരു പെണ്ണിന്റെയും, മനസ്സ് പോലെ തന്നെ ശരീരത്തിന്റെയും പരിപൂർണ്ണ ഉടമസ്ഥ അവൾ മാത്രമാണ്…
പലപ്പോഴും രക്ഷകർത്താക്കളുടെ താൽപര്യമനുസരിച്ച് അവർ പലപ്പോഴും പൂർണ സംതൃപ്തരല്ലാതെ അവരുടെ ഭർത്താക്കൻമാർക്ക് വിധേയപ്പെടാറുണ്ട്….
പക്ഷേ…… എനിക്ക് ,….. എനിക്ക്.. ആദ്യമായി..
ഒറ്റത്തവണ ഞാൻ ആഗ്രഹിച്ച എന്റെ പ്രാണന് എന്നെ സമർപ്പിക്കണം… പിന്നെ ആര് പറയുന്നതും ഞാൻ കേൾക്കും…… ഇല്ലെങ്കിൽ ഞാൻ ഉരുകി മരിച്ചു പോകും… ന്റെ…. ഗാസീ……. പിന്നെ നിങ്ങൾക്കെന്ന കാണാൻ കിട്ടില്ല ഗാസീ….. ”
അത്ര സ്നേഹം മൂക്കുമ്പോഴോ ദേഷ്യം വരുമ്പോഴോ മാത്രമേ പെണ്ണ് ഗാസീന്ന് വിളിക്കാറുള്ളൂ…
അവൾടെ കവിളിൽ ഉമ്മ വെച്ച് പതിയെ കളിയായി ഗാസിപറഞ്ഞു
” ശേബമ്മാടെ ഒപ്പം കൂടി പെണ്ണ് വലിയ തത്വങ്ങളൊക്കെ പഠിച്ചൂല്ലൊ…. എന്തായാലും ഹാറൂൺ അളിയന് മൊതലാകും ”
കുട്ടിക്കുറുമ്പിന്റെ കൈവിരൽ നഖം പുറത്തേക്ക് ആഴ്ത്തിയിറക്കി അവൾ മുരണ്ടു.
“ഞാനിപ്പോ…. നിന്റെ മുതലാണ് ഗാസി…”
എന്ന് പറഞ്ഞതും നെഞ്ചിൽ നിന്നെഴുന്നേറ്റ് അവന്റെ മുഖത്തോട്ട് മുഖമടുപ്പിച്ച് അവന്റെ കീഴ് ചുണ്ടുകളെ കീഴ്പ്പെടുത്തി നുണയാൻ തുടങ്ങി… അവൾ.
ഗാസിയുടെ തലയിൽ നിന്നും അഞ്ചാറു കിളികൾ ഒരുമിച്ച് ചിറകടിച്ച് ഉയർന്നു പോയി…
