🎪കൊച്ചിൻ കാർണിവൽ 6

വാതിൽ തുറന്നു തന്നത് ചന്ദ്രികയുടെ അമ്മയാണ്. 60 നടുത്ത് പ്രായം തോന്നിപ്പിക്കുന്ന ഒരു സ്ത്രീ.. സാരിയാണ് വേഷം. ചന്ദ്രികയുടെ അതേ മുഖചായ.. ഒപ്പം നല്ല ഐശ്വര്യവും.വാതിൽ തുറന്ന് ചന്ദ്രികയുടെ പിന്നിൽ എന്നെ കണ്ടതും, ഇവനാരാ എന്ന മട്ടിൽ അവരെന്നെ നോക്കി.

“അമ്മ…ഇത് യാർ തെറിയുമാ…?” ചന്ദ്രിക തമിഴിൽ അമ്മയോട് ചോദിച്ചു. അവളുടെ അമ്മ തമിഴും അച്ഛൻ മലയാളിയും ആണെന്ന് അപ്പോഴാണ് ഞാൻ ഓർത്തത്.

എന്നെ മനസ്സിലാകാതെ അവർ എന്നെ തന്നെ നോക്കി നിന്നു..

“അമ്മാ..ഇത് താൻ അഭിജിത്” ചന്ദ്രിക പറഞ്ഞു.

“കൊച്ചി.. കേരള..?” അമ്മ ചോദിച്ചു.

“ആമ….

“അയ്യോ….വാ…. ഉള്ളെ വാ…”അമ്മ എന്നെ അകത്തേക്ക് ക്ഷണിച്ചു…

“ഇവൾ പറഞ്ഞിട്ടുണ്ട്.. ഒരുപാട്…”എന്നെ കെട്ടിപ്പിടിച്ചുകൊണ്ട് അമ്മ പറഞ്ഞു.

“മലയാളം സംസാരിക്കുമോ..”അമ്മ മലയാളം സംസാരിക്കുന്നത് കണ്ട് ഞാൻ ചോദിച്ചു.

“ഇവ അപ്പ മലയാളി താനേ…എത്ര വർഷായി…”അമ്മ പറഞ്ഞു.

അമ്മ എന്നെ അകത്തേക്ക് കൈ പിടിച്ചു കൂട്ടിക്കൊണ്ട് പോയി.

 

“അമ്മ…. അപ്പ എങ്ങ..?” ചന്ദ്രിക ചോദിച്ചു.

“ബാത്രൂം…”അമ്മ പറഞ്ഞു.

“അമ്മ…പാസിക്കിത്…കഴിക്കാൻ താ…രണ്ടാൾക്കും…”ചന്ദ്രിക പറഞ്ഞു.

“അയ്യോ.. മോൻ ഉക്കാര്….”എന്നെ ഡിനിംഗ് ടേബിളിൽ ഇരുത്തി അമ്മ അടുക്കളയിലേക്ക് പോയി. എന്റെ അടുത്ത് തന്നെ കസേരയിൽ ചന്ദ്രികയും ഇരുന്നു. കസേരയിൽ ഇരുന്നുകൊണ്ട് ആ വീടിന്റെ ഭംഗി ഞാൻ ആസ്വദിച്ചു. വീട് ഫർണിഷ് ചെയ്യാനും ലക്ഷങ്ങൾ മുടക്കിയിട്ടുണ്ട് എന്നത് ഉറപ്പാണ്…

“എന്താ നോക്കുന്നത്…”എന്റെ നോട്ടം കണ്ട് ചന്ദ്രിക ചോദിച്ചു.

“ഏയ്.. ഈ വില്ല എത്ര ആയി….?”

“എല്ലാം കൂടെ ഒരു 7-8 cr ആയി.

“ഹൊ…

കാശിന്റെ കഴപ്പാ…ഞാൻ മനസ്സിൽ ഓർത്തു.

അപ്പോഴേക്കും രണ്ട് പ്ലേറ്റിൽ പ്രൊൺസ് ബിരിയാണിയുമായ് ചന്ദ്രികയുടെ അമ്മ എത്തി. സൂപ്പർ ഫുഡ്‌ ആയിരുന്നു.