ആദ്യമായി ലഭിച്ച സുഖത്തിന്റെ അവസ്ഥയെ മനസ്സിൽ പഴിച്ചു ദേവുവിന്റെ പിന്നാലെ ഓടി പുറത്തേക്കിറങ്ങുന്നത് അമ്മയുടെ മുന്നിലേക്കാണ്… അടുത്തല്പം മാറി ഏടത്തിയും കൂടെ ദേവുവും നിൽക്കുന്നു..ദേവുവിന്റെ കൈയിൽ ഏടത്തി മുറുകെ പിടിച്ചിരുന്നു…. അപ്പോഴും അവളുടെ മിഴികളിൽ നനയവുണ്ടായിരുന്നു. .. ചെയ്ത അബദ്ധത്തിനു മുന്നിൽ പിടിക്കപ്പെട്ടു എന്നെനിക്കു ഉറപ്പായിരുന്നു.
” കഴിഞ്ഞോ? ” അവളുടെ കൈയും പിടിച്ചു മുന്നിലേക്ക് നടന്നടുത്ത
ഏടത്തിയുടെ ചോദ്യം കെട്ടു ഞാൻ ഒന്ന് പകച്ചു പോയി…
” എന്ത്…? ”
” ബുക്ക്‌ തിരഞ്ഞു കഴിഞ്ഞോ എന്ന് ? ”
” ആഹ് കഴിഞ്ഞു…? ”
ചെറിയൊരു ആശ്വാസത്തോടെ ഞാൻ പറഞ്ഞു. പെട്ടന്ന് അമ്മ എന്റെ മുന്നിലേക്ക് കടന്നു നിന്നു…
” എന്നിട്ടു കിട്ടിയോ നിന്റെ ബുക്ക്‌? ”
” ഇല്ലമ്മേ….. ”
തല താഴ്ത്തി ഞാൻ അങ്ങനെ പറഞ്ഞൊപ്പിച്ചതും അമ്മയുടെ കൈ എന്റെ മുഖത്തു പതിച്ചതും ഒരുമിച്ചായിരുന്നു…… അസഹനീയമായ വേദനയിൽ എന്റെ കണ്ണ് മങ്ങി പോയത് പോലെ തോന്നി…. അമ്മ എല്ലാം അറിഞ്ഞു എന്നും നടന്നതെല്ലാം കണ്ടു കാണുമെന്നു എനിക്ക് ഊഹിക്കാവുന്നതേ ഉണ്ടായിരുന്നുള്ളു…
” നീ എന്താ കരുതിയത് ഞങ്ങളെയെല്ലാം വെറും മണ്ടന്മാരാക്കി ഈ പാവം കൊച്ചിനെ പറ്റിക്കാം എന്നോ? ”
അമ്മയുടെ ഉച്ചത്തിലുള്ള വാക്കുകൾ കാതിൽ മുഴങ്ങി നിന്നു….
” ഒരു പെണ്ണിനെ ചതിക്കാൻ മാത്രം എന്റെ മകനു ധൈര്യം ഉണ്ടായിരുന്നോ….. ”
