ഞങ്ങളുടെ സംസാരം കേട്ട ഗിരിജാൻ്റി ചിരിച്ചുകൊണ്ട് പറഞ്ഞു
” അതെ അമ്മേ… ഇവന്മാർക്കൊന്നും ക്ലാസ്സിൽ കയറണോന്നുള്ള വിചാരം ഒന്നുമില്ല… ”
ഗിരിജാൻ്റിയെ നോക്കി റൈഡർ തെണ്ടിയുടെ പട്ടി ഷോ ഡയലോഗ്…
” അല്ല ഇതാരാ പറയുന്നേ സെമസ്റ്റർ തോറും കണ്ടൊണേഷൻ ഫീസ് അടക്കുന്ന എൻ്റെ ഏട്ടനോ… ”
അവൻ്റെ പട്ടി ഷോ ഡയലോഗിന് സ്വന്തം അനിയത്തിയുടെ കയ്യിന്ന് തന്നെ കിട്ടിയപ്പോൾ ഞങ്ങളും അവളും അവൻ്റെ അമ്മയുമൊക്കെ പൊട്ടിചിരിച്ചു… അതിന് അവൻ അവളെ കണ്ണൂരുട്ടി പേടിപ്പിക്കുന്നതും കണ്ടു…
അങ്ങനെ കളിയും ചിരിയും ഒക്കെ ആയി കുറച്ച് സമയം ചിലവിട്ട ശേഷം ഞങ്ങൾ അവരോട് ഫ്രഷ് ആയിട്ട് വരാം എന്തെങ്കിലും ആവശ്യമുണ്ടെങ്കിൽ വിളിക്കണം എന്നു പറഞ്ഞ് വീടുകളിലേക്ക് യാത്രതിരിച്ചു…
വീട്ടിലേക്ക് എത്തിയപ്പോൾ സമയം ഏതാണ്ട് പത്തു മണി അവറായിരുന്നു… വണ്ടി പോർച്ചിലേക്ക് കേറ്റി ഞാൻ വീടിനകത്തേക്ക് കയറി…
” ആ നീ എത്തിയോ… ”
ഹാളിലേക്ക് കയറിവന്ന എന്നെ കണ്ട് അച്ഛൻ ചോദിച്ചു
” ആ അവിടെ അവൻ്റെ അമ്മയും പെങ്ങളും ഉണ്ട് അതുകൊണ്ട് ഒന്ന് ഫ്രഷ് ആയിട്ട് കുറച്ചു കഴിഞ്ഞു പോയാൽ മതി… ”
ഞാൻ ഹാളിലെ സോഫയിൽ ഇരുന്നു കൊണ്ട് അച്ഛൻ മറുപടി നൽകി
” അപ്പോ നീ ഇന്ന് കോളേജിൽ പോകുന്നില്ലേ… “
