” എന്താണ് മാഡം വല്ലാത്ത വിഷമത്തിൽ ആണെന്ന് തോന്നുന്നു ”
” ച്ചീ…..കൈ എടുകേടാ ചെറ്റേ….. ”
അവളുടെ തോളിൽ കൈവച്ച ആ നിമിഷം നിറഞ്ഞു ചുവന്ന കത്തുന്ന കണ്ണുകളിൽ എന്നോടുള്ള വെറുപ്പായിരുന്നോ
ആ മുഖഭാവം കണ്ട് എനിക്ക് പേടിയായിരുന്നു അങ്ങനെ ഒരു ഭാവം അവളിൽ ഞാൻ ഇന്നേ വരെ കണ്ടിട്ടില്ലാ
” ചേ… ചേച്ചി ”
അല്പം ഭയത്തോടെ പേടിച്ചായിരുന്നു ഞാൻ വിളിച്ചത്
വീണ്ടും തറപ്പിച്ചൊന്നു നോക്കിയതല്ലാതെ അവൾ ഒന്നും മിണ്ടില്ല എന്തോ ഉണ്ടെന്ന് എനിക്ക് മനസിലായി
” നീ കാര്യം പറ എന്റെ ഗൗരി… എന്നിട്ട് എന്നെ തല്ലുവോ കൊല്ലുവോ ചെയ്യ് ”
ശെരിക്കും എന്റെ പിടിവിട്ട് പോകുന്നപോലെ തോന്നി കരച്ചിലിന്റെ വക്കിൽ എത്തിയിരുന്നു ഞാൻ… കാരണം അവൾ എന്നെ നോക്കുന്ന ആ നോട്ടം ഒരുതരം വെറുപ്പോടെ അത് എനിക്ക് സഹിക്കാവുന്നതിലും അപ്പുറം ആയിരുന്നു
” തല്ലാനോ .. അല്ല നിന്നെ തല്ലാൻ ഞാൻ നിന്റെ ആരാ.. ഏഹ് ”
അതുടെ ആയപ്പോ എന്റെ കണ്ണിൽ നിന്ന് ഒരിറ്റ് കണ്ണീർ വീണു.. തുടച്ചുമാറ്റാൻ പോലും എനിക്ക് ആയില്ല കൈകൾക്ക് ബലം ഇല്ലാത്തപോലെ തളർന്ന് പോയിരുന്നു ഞാൻ.
” അപ്പോ…അപ്പൊ നിനക്ക്…. നിനക്കെന്നെ… നിനക്കെന്നെ ഇഷ്ടമല്ലേ ”
ഞാൻ അത് പറയുന്നതിനൊപ്പം എന്റെ കാലുകൾ വെച്ചുപോയി ഒരു വിധത്തിൽ ഞാൻ പിടിച്ചു നിന്നു
” ഇഷ്ടവോ.. എന്ത് ഇഷ്ടം എനിക്ക് വെറുപ്പാ നിന്നെ… സ്നേഹം കാണിച്ചു കാര്യം സാധിക്കാൻ നീ ഒക്കെ പലതും ചെയ്യും. ത്ഫൂ… ”
ഇവൾ ഇത് എന്തൊക്കെയാ പറയുന്നേ… ഞാൻ എന്ത് ചെയ്തുന്നാ.ഇത്രക്ക് വെറുക്കാൻ ഞാൻ എന്താ ചെയ്തേ. ഞാൻ കാര്യം മനസിലാകാതെ അവളെ നോക്കി
” ഇപ്പോളാ എനിക്ക് എല്ലാം മനസിലാക്കണേ…. ജോലി വാങ്ങി തന്നു എന്നേം എന്റെ വീട്ടുകാരേം നീ വശത്തിൽ ആക്കി എല്ലാരുടേം മുന്നിൽ നല്ല പിള്ള ചമയൽ കൊള്ളാം…. നന്നായിട്ടുണ്ട്,, നി.. നീ ഇതിന് വേണ്ടിയല്ലേ ഇത്രേം കാലം പിറകെ നടന്നെ….ഇന്നാ തിന്ന്… ഒരുത്തിയെ നശിപ്പിച്ചു വേറെ ഒരുത്തിയെ…..”
