🔥ഏദൻ തോട്ടത്തിന്റെ കാവൽക്കാരൻ 13🔥

ബാക്കി പറയാനാകാതെ ദേവമ്മ വിതുമ്പി , കണ്ണൊക്കെ നിറഞ്ഞു കണ്ണുനീർ കവിളിലൂടെ ഒഴുകി പച്ച നിറമുള്ള ഹോസ്പിറ്റൽ ഡ്രെസ്സിനെ നനച്ചു ഇറ്റു വീണുകൊണ്ടിരുന്നു .. എന്തോ ആ കാഴ്ച കണ്ടപ്പോൾ ഉള്ളിലെന്തോ മൂർച്ചയുള്ള ആയുധം കുത്തിയിറങ്ങുന്ന പോലെ തോന്നി ,ഒരു രാത്രിയിലത്തെ ബന്ധമേയുള്ളു എങ്കിലും ഇപ്പോഴിവർ എനിക്കാരെക്കെയോ ആയി മാറിയിരിക്കുന്നു …

”മാഡം…കണ്ട്രോൾ..”

സരോജ അടുത്തേക്ക് ചെന്ന് ദേവമ്മയെ പതിയെ ശാസിച്ചു..

”വാ..”

ദേവമ്മ കണ്ണ് തുടച്ചു എന്നെ അടുത്തേക്ക് വിളിച്ചു.. ആ കോലവും ,അവസ്ഥയും എന്നെയും വല്ലാണ്ടാക്കിയിരുന്നു ..

”ഒറ്റ രാത്രിയെ കൂടെയുണ്ടായിരുന്നുള്ളു,എങ്കിലും എനിക്കറിയാമായിരുന്നു നീയെന്നെ മറക്കില്ലെന്ന് …. സരോജ പ്ലീസ് …..ഒരു രണ്ടു മിനിറ്റ് എന്റെ ചെക്കനോട് ”

” പെട്ടെന്ന് , സമയംഅധികമില്ല…”

ഒന്നുകൂടി ഓർമ്മിപ്പിച്ചു അവർ സമീറയെ കൂട്ടി പുറത്തേക്ക് പോയപ്പോൾ ദേവമ്മ രണ്ട് കൈകളും എനിക്ക് നേരെ നീട്ടി , എന്തോ അദൃശ്യ പ്രേണയാൽ എന്ന പോലെ ഞാൻ അവരിലേക്ക് ചാഞ്ഞു.

”പെറ്റില്ലെന്നേയുള്ളു ,നീയെന്റെ മോനാണ് … ”

ഒരമ്മയുടെ വാത്സല്യത്തോടെ മാറിലേക്ക് ചേർത്തു പിടിച്ചു നെറുകയിൽ ചുംബിക്കുമ്പോൾ അവരെന്റെ ചെവിയിൽ മന്ത്രിച്ചു ……

”സമീറ വന്നില്ലേ … ?”

”അവളിപ്പോ എന്റെ കൂടെയുണ്ടായിരുന്നല്ലോ ? ”

”അതെയോ ,എന്നിട്ടവൾ എവിടെ ?..”

അവരുടെ മുഖം കൂടുതൽ വിടർന്നു ..

”ഡോക്ടറുടെ കൂടെ പുറത്തു നിൽപ്പുണ്ട് ..”

”നിന്നെ കണ്ടപ്പോ ഞാൻ പിന്നെ കൂടെയുള്ളതാരെന്നു നോക്കിയില്ല , കഴിഞ്ഞില്ല എന്നതാണ് സത്യം ,ഈ ദിവസങ്ങളിൽ പാതിബോധത്തിൽ കിടക്കുമ്പോഴും അടുത്ത് വരുന്ന കാലൊച്ച , അത് നിന്റെ ആയിരിക്കണേയെന്നാണ് ഞാൻ പ്രാർത്ഥിക്കാറു ,ഗുരുവായൂരപ്പൻ ഇന്നെന്റെ പ്രാർത്ഥന കേട്ടു ..”

”കരയല്ലേ , കണ്ണ് തുടയ്ക്ക് , ഞങ്ങളെല്ലാവരും ഈ ദിവസങ്ങളിൽ നിങ്ങൾക്ക് വേണ്ടിയുള്ള ഓട്ടത്തിലായിരുന്നു , ”

”നിന്നെ കണ്ടതിന്റെ സന്തോഷത്തിൽ കണ്ണ് നിറഞ്ഞതാടാ , കാണട്ടെ ഞാനൊന്നു …”

അവരെന്റെ മുഖം പിടിച്ചുയർത്തി വിടർന്ന കണ്ണുകൾ കൊണ്ട് കുറെ നേരം ഉറ്റു നോക്കി നിന്ന ശേഷം വീണ്ടും മുഖം മാറിലേക്ക് ചേർത്തമർത്തി പിടിച്ചു മുടിയിൽ തഴുകികൊണ്ടിരുന്നു ..

”വൈത്തി …?.”

”ഞങ്ങളുടെ കയ്യിലുണ്ട് ..”

”ശ്രദ്ധിക്കണം , …അരുണിനെക്കാൾ മിടുക്കനാണവൻ ,ക്രൂരനും ”

”ബാലേട്ടനും പിള്ളേരും കാവലുണ്ട് , വാസുകി എത്തിയാലുടൻ സ്ഥലം മറ്റും ,”

”ഉം .. ”

നോക്കുമ്പോൾ അവരെന്തോ ആലോചനയിലാണ്..മുഖത്ത് അത് വരെയുണ്ടായിരുന്ന അവശതയും ക്ഷീണവുമൊക്കെ എവിടെയോ