🔥ഏദൻ തോട്ടത്തിന്റെ കാവൽക്കാരൻ 14🔥

”എയ് ഇല്ല..”

 

 

 

” കള്ളം പറയരുത്.. മുഖം വാടിയതു ഞാൻ കണ്ടു,,”

 

 

 

” ഇല്ല ഉമ്മച്ചി, എനിക്കൊരു പിണക്കവും ഇല്ല ,പോയി അവർക്ക് ഫുഡ്‌ കൊടുത്തിട്ടു വാ”

 

 

 

”എങ്കി ഒന്ന് ചിരിക്കെടാ ,കള്ള ചെക്കാ …ആ അങ്ങനെ.. എന്റെ പൊന്നുമോന് ഉമ്മച്ചിയുടെ പൊന്നുമ്മ, ഉം ….വൈകില്ലെടാ ഞാൻ ഓടി വരും ,പിള്ളേര് വരാൻ മൂന്നു മൂന്നരയാകും അത് വരെ നമ്മളിവിടെ …. ”

 

 

നെറ്റിയൊലൊരുമ്മ തന്നു ചുരിദാറിന്റെ പാന്റ് കൂടിയെടുത്തു അവർ മുറിക്ക് പുറത്തേക്ക് നടന്നു , കുറച്ചു കഴിഞ്ഞു താഴെ നിന്ന് പാത്രങ്ങളുടെ ഒച്ച കേട്ടു ..അതോടെ എഴുന്നേറ്റു വാഷ് ബേസിനിൽ മുഖമൊക്കെ കഴുകി ഫ്രഷായി .പിന്നെ ഫോണെടുത്തു പ്രിയയെ വിളിച്ചു.. അവർ എന്റെ വിളി കാത്തിരിക്കുകയായിരുന്നു ‘

 

 

”ആലീസ് ഇവിടെ തന്നെയുണ്ട്.. ”

 

 

”ഉറപ്പാണോ ,എങ്കിൽ അർജുൻ അവിടെ തന്നെ നിൽക്ക് , ഇപ്പോൾ തന്നെ പൊക്കാം,, ”

 

 

 

”മാഡം തിരക്ക് കൂട്ടേണ്ട , ഒന്നാമത് നേതാജി നഗർ, അറിയാലോ ,കാര്യങ്ങൾ .. മാത്രമല്ല ബലപ്രയോഗമൊക്കെ നടന്നാൽ മിനിറ്റ് വച്ച് അരുണിന് വിവരം കിട്ടും ദേവമ്മ പറഞ്ഞത് ഓർമ്മയില്ലേ ?”

 

 

 

”സോറി ,ഞാൻ പെട്ടെന്ന് ,ആവേശമായി മായി ,ഏതായാലൂം വേഗം ദേവമ്മയ്ക്ക് വിവരം കൊടുക്ക്, പിന്നെ എന്താ പേര് അവരുടെ? ആ വാസുകി അവരോടും പറയണം,, ഒരു കാരണവശാലും ആലീസ് നമ്മുടെ കയ്യിൽ നിന്നും പോകരുത് ,അറിയാലോ ഗായത്രി മാഡത്തെ കുറിച്ച് എന്തെങ്കിലുമറിയുന്നതു അവർക്ക് മാത്രമാണ് ? ”