🔥ഏദൻ തോട്ടത്തിന്റെ കാവൽക്കാരൻ 15🔥

 

”ഞാൻ വരണോ അങ്ങോട്ട്?”

”ചേച്ചി നിങ്ങൾ പുറത്തിറങ്ങുന്നതിന്റെ റിസ്ക് ഞാൻ പറയേണ്ടതുണ്ടോ ?…”

 

”അറിയാം ,എങ്കിലും നിങ്ങൾ ഇങ്ങനെ ഓടിനടക്കുമ്പോൾ ഞാൻ വെറുതെ ഈ വീട്ടിൽ ….”

 

”അത് സാരമില്ല ,മോളെ കുറെ കാലം കൂടി അടുത്ത് കിട്ടിയതല്ലേ ,അവൾക്ക് വേണ്ടതെല്ലാം എന്താന്നു വച്ചാൽ ഉണ്ടാക്കി കൊടുക്ക് ,…എന്തെങ്കിലും വേണമെങ്കിൽ അഞ്ജുചേച്ചിയോടു പറഞ്ഞാൽ മതി …”

 

”പറയാതെ തന്നെ അവളെല്ലാം വാങ്ങിക്കൊണ്ടു തന്നിട്ടുണ്ട് ……പക്ഷെ …”

 

”ഒരു പക്ഷെയുമില്ല, നിങ്ങളുടെ ആവശ്യം വരുമ്പോൾ ഞാൻ വിളിച്ചോളാം ….”

 

”അർജുൻ ….ഞാൻ ..”

 

”ഞാൻ വിളിക്കാം ഫോൺ വച്ചോളു ……”

 

ഉമ്മച്ചി ഗേറ്റ് കടന്നു വരുന്നതു കണ്ടു പെട്ടെന്ന് ഫോൺ കട്ട് ചെയ്തു …

 

” ആരാ മാളുവായിരുന്നോ ..”

 

ഞാൻ ഫോൺ ചെയ്യുന്നത് അവർ കണ്ടിരിക്കുന്നു എന്ന് മനസ്സിലായി ….

 

”എയ് അല്ല ഇത് വേറൊരു കസിനാണ്,, ”

 

”ഉം …”

 

എന്തോ കള്ളം കണ്ടുപിടിച്ച ഭാവത്തിൽ അവരെന്നെ ഒന്ന് ഇരുത്തി നോക്കി ,