ജിഷ്ണു : നി നാണീക്കണ്ട കാര്യം പറ നടന്നോ
ഹരി : ജിഷ്ണു തോന്നിവാസം പറയല്ലേ
ജിഷ്ണു : ഞാൻ വെറുതെ പറഞ്ഞതല്ലേ ഈ അവസ്ഥയിൽ ഇവനെന്താക്കാനാ
ഞാൻ: ടാ പന്നി.
ജിഷ്ണു : അല്ല മച്ചാ സീൻ ഡാർക്ക് ആണോ
ഹരി അവന് കാര്യങ്ങൾ കാര്യങ്ങൾ ഒക്കെ പറഞ്ഞു കൊടുത്തു. അതെല്ലാം കേട്ട് ഒരു വലിഞ്ഞ ചിരിയും ചിരിച്ച് അവൻ എന്നോടു പറഞ്ഞു .
ജിഷ്ണു : ഉമ്മ കൊടുത്തല്ലേ കള്ളാ
സത്യത്തിൽ എനിക്ക് ചിരിക്കാതിരിക്കാൻ കഴിഞ്ഞില്ല അതാ സത്യം. ജിഷ്ണു അജുവിൻ്റെ അടുത്ത് പോയി വരാം എന്നു പറഞ്ഞു പോയി.
ടാ അളിയാ എൻ്റെ ഫോൺ ആരേലാ
അത് അജുൻ്റെ കയിലുണ്ട് ഡിസ്പ്ലേ പൊട്ടി പോയി
അപ്പോ കിട്ടിട്ടു കാര്യമില്ല
ടാ അതവൻ ഇന്നലെ തന്നെ നന്നാക്കി. നിന്നെ ഇന്ന് റൂമാലാക്കും എന്നറിഞ്ഞപ്പോ
അതു നന്നായി അപ്പോ മാളുനെ വിളിക്കാലോ
ഫോൺ വാങ്ങി വരണോ
നി ജിഷ്ണുനോട് വരുമ്പോ കൊണ്ടുവരാൻ പറ
ഹരി ഫോൺ വിളിച്ചു അവനോട് കാര്യങ്ങൾ പറഞ്ഞു. ആ സമയം അവൾ കടന്നു വന്നു മുറിയുടെ വാതിലുകൾ തുറന്ന്’.
ബാല്യത്തിൽ മുത്തശ്ശി കഥയിലെ യക്ഷി, പനയിൽ വസിക്കുന്നവൾ, പാലപ്പൂവിൻ്റെ സുഗന്ധം ച്ചടിയവൾ, രക്ത ദാഹിയായി ചുണ്ണാമ്പ് ചോദിച്ച് അവൾ അലഞ്ഞു നടക്കുകയാണ്. സൗന്ദര്യമാണവളുടെ ശക്തി. അവളിലെ ദ്രംഷ്ടകൾ കഴുത്തിലിറക്കി ചുടുരക്തം അവൾ നുകരും, ആ അട്ടഹാസത്തിനു മുന്നിൽ പ്രകൃതിയും ഭയക്കും. ആ മുത്തശ്ശി കഥ കേട്ടുറങ്ങിയ പൈതൽ രാത്രിയിൽ തുറക്കുന്ന വാതിൽ ഭയത്തോടെ നോക്കി യക്ഷിയെ കണ്ടു പേടിക്കുന്ന പോലെ അനു എന്ന എൻ്റെ ജീവിതത്തിലെ യക്ഷി വാതിൽ തുറന്ന് അകത്ത് വരുന്നത് ഭയചകിതനായി ഞാൻ നോക്കി ഇരുന്നു.
അവൾ വന്നതും ഹരി മുങ്ങാൻ ഒരു ശ്രമം നടത്തി. അതു മനസിലാക്കിയ പോലെ അവൾ
അനു: അതേ ചേട്ടാ ഒന്നവിടെ നിന്നെ
ഹരി അവളെ നോക്കി നിന്നു
അനു : ഇമ്മാതിരി പരിപാടി ഒക്കെ എന്നു തൊടങ്ങി.
ഹരി : എന്ത്
അനു: Dr പെർമിഷൻ തന്നോ ഏട്ടനെ കൊണ്ടു പോവാൻ
ഹരി : അത് സോറി
അനു: താനൊന്നും പറയണ്ട ചെല്ല് പൊറത്തേക്കു പൊക്കോ
പോവല്ലേ എന്ന രീതിയിൽ ഞാനവനെ നോക്കി , എന്താ ചെയ്യാ എന്ന പോലെ അവനും
അനു : തന്നോടു പറഞ്ഞത് കേട്ടില്ലേ
സാമദ്രോഹി അവൻ പൊടിയും തട്ടി പോയി . എന്നെ ഈ യക്ഷിക്കു മുന്നിൽ ഇരയായി വിട്ടിട്ട് സ്വയം രക്ഷ നേടി. അനു അവൾ എനിക്കരികിൽ വന്നു .
അനു: ഏട്ടാ
ഞാൻ അവർക്ക് മറുപടി കൊടുക്കാൻ പറ്റിയ അവസ്ഥയിലല്ല. അവൾ മനസിൽ കണ്ടതെന്തെന്നറിയാതെ ഞാൻ വെന്തുരുകുകയാണ്. ഒരു വല്ലാത്ത മനോവേദന കൂട്ടു കൂടി വന്നതാണ്. പഴയതൊക്കെ മറന്നു തുടങ്ങിയതാണ് . അണഞ്ഞു തുടങ്ങിയ കനലുകൾ വീണ്ടും എരിയുകയാണ്, മന്ദമാരുതി പതിയെ ശ്രമിക്കുകയാണ്.
The Author
