ഞാൻ മറുത്ത് എന്തെങ്കിലും പറയുന്നതിന് മുമ്പ് ഹരീഷ് മമ്മിയെയും കൂട്ടി പുറത്തേയ്ക്ക് നടന്ന് തുടങ്ങിയിരുന്നു ..എനിക്ക് ആകെ ഒരു സമാധാനം ഇല്ലാതെ ആയി ..ഭാര്യയോട് ഇട്ട് പറയാനും ഒക്കത്തില്ല ..ഹരീഷ് മമ്മിയോട് തെറ്റായി എന്തെങ്കിലും ചെയ്യുമൊന്ന് എനിക്ക് ആകെ ടെൻഷൻ ആയി ..എന്തായാലും ഞാനും ഭാര്യയും മോനും പെട്ടന്ന് സാധങ്ങളെല്ലാം എടുത്ത് നേരെ ഒരു ഓട്ടോ വിളിച്ച് മമ്മിയും ഹരീഷും നിൽക്കുന്ന കടയിലേക്ക് ചെന്നു ..
അപ്പോഴേക്കും ഹരീഷും മമ്മിയും എന്തൊക്കെയൊ സീരിയസായി സംസാരിച്ച് കൊണ്ട് പുറത്തേക്കിറങ്ങി വരുന്നു ..ഞാനും ഭാര്യയും ഓട്ടോയിൽ നിന്ന് പുറത്തിറങ്ങി നിന്നു …ഞങ്ങളുടെ അടുത്ത് എത്തിയ മമ്മി ചുളുങ്ങിയ മുഖവുമായി ഞങ്ങളോട് പറഞ്ഞു
മമ്മി : മക്കളെ ..ഒരുപാട് പൈസ ആയെടി …ഞാൻ വേണ്ടാന്ന് എത്ര പറഞ്ഞിട്ടും ഹരീഷ് സമ്മതിച്ചില്ല
ഭാര്യ : മമ്മിക്ക് ഇഷ്ടപ്പെട്ടോ …
മമ്മി : ഇഷ്ടപ്പെട്ട് മക്കളെ എന്നാലും എനിക്ക് എന്തിന ഇത്രെയും വില കൂടിയത് വാങ്ങിക്കുന്നെ ..വീട്ടിൽ തന്നെ ഇരിക്കുവല്ലേ ..വേറെ എവിടെയും പോകുന്നില്ലല്ലൊ …
ഭാര്യ : അത് സാരമില്ല ..എന്തിയെ മമ്മിയുടെ പുതിയ ഫ്രെയിം ഒന്ന് കാണിച്ചെ ..
മമ്മി : കിട്ടിയില്ല മക്കളെ ..നാളെ വൈകിട്ടത്തേക്ക് കിട്ടത്തൊള്ളു …
ഉടനെ
ഹരീഷ് : അത് സാരമില്ല മമ്മി .. ഞാനും ജിത്തുവും നാളെ വൈകിട്ട് വരുമ്പൊ വാങ്ങിച്ചോണ്ട് വരാം ..രസീത് എന്റെ കൈയ്യിലുണ്ട്
എത്രാട എന്നും ചോദിച്ച് കണ്ണാടിയുടെ പൈസ കൊടുക്കാനായി പേഴ്സ് എടുത്ത എന്നോട്
ഹരീഷ് : ആ ..അതവിടെ തന്നെ ഇരിക്കട്ടെ ..ഞാൻ എന്റെ മമ്മിക്ക് ഒരു കണ്ണാടി വാങ്ങിച്ച് കൊടുത്തു ..ഇനിയിപ്പൊ അതിന് നമ്മള് തമ്മിൽ കണക്കൊന്നും പറയണ്ട …
എത്ര നിർബന്ധിച്ചിട്ടും ഹരീഷ് പൈസ വാങ്ങാതെ അവന്റെ ബൈക്കിൽ കേറി പോയി …തിരിച്ച് വരുന്ന വഴിക്ക് ഓട്ടോയിൽ ഇരുന്നും അന്ന് രാത്രിയിൽ ഭക്ഷണം കഴിക്കാൻ ഇരുന്നപ്പൊഴും എല്ലാം മമ്മിക്കും എന്റെ ഭാര്യയ്ക്കും ഹരീഷിനെ പറ്റി പറയാനെ ഉള്ളായിരുന്നു …
അങ്ങനെ അടുത്ത രാവിലെ ഞാൻ ഓഫിസിൽ ചെന്ന് കുറച്ച് കഴിഞ്ഞപ്പൊ പതിവ് കട്ടൻ ചായ കുടിക്കാൻ പോകാനായി ഞാൻ ഹരീഷിനെ തിരക്കിയപ്പൊ അവന്റെ ഓഫിസിലെ ഒരു സ്റ്റാഫ് പറഞ്ഞു ഹരീഷ് സർ എന്തോ അർജന്റ് മീറ്റിംഗിന് പോയിരിക്കുകയാണ് ഉച്ച കഴിഞ്ഞെ വരുത്തുള്ളെന്ന് ..ആദ്യം സംശയം ഒന്നും തോന്നിയില്ലെങ്കിലും ഞാൻ മമ്മിയുടെ ഫോണിലേക്ക് ഒന്ന് വിളിച്ച് നോക്കി ..ഫോൺ സ്വിച്ച്ഡ് ഓഫ് ആണ് ..
എനിക്ക് എന്തോ ഒരു സംശയം തോന്നി …ഞാൻ ഇന്നലെ കണ്ണാടി വാങ്ങിച്ച കടയിൽ ചെന്ന് ചില അടയാളങ്ങൾ ഒക്കെ പറഞ്ഞ് ചോദിച്ചപ്പൊ അവര് പറഞ്ഞു അര മണിക്കൂർ മുമ്പ് ആരൊ അത് വാങ്ങിച്ചോണ്ട് പോയെന്ന് ..എന്റെ സംശയത്തിന് വീണ്ടും ബലം കൂടി ..എന്തായാലും ഞാൻ ഓഫിസിൽ തിരിച്ച് എത്താൻ കുറച്ച് ലേറ്റ് ആകുമെന്ന് പറഞ്ഞിട്ട് ഒരു ഓട്ടോ വിളിച്ച് നേരെ വീട്ടിലേക്ക് പോയി …
വീടിന് കുറച്ച് ഇപ്പുറം മാറി തന്നെ ഞാൻ ഇറങ്ങി ഓട്ടോക്കാരനെ പറഞ്ഞ് വിട്ടു ..എന്നിട്ട് ഞാൻ മെല്ലെ നടന്നു ..ഗേറ്റിന് മുന്നിൽ എത്തിയപ്പൊ ഞാൻ ഉദ്ദേശിച്ചത് പോലെ തന്നെ ഹരീഷിന്റെ ബൈക്ക് മിറ്റത്ത് ഇരിപ്പുണ്ട് ..
