ഞാൻ അത്ര പുള്ളിയൊന്നും അല്ല,
പക്ഷെ സാധാരണക്കാരന്റെ വീട്…. അത് ചെയ്യില്ല.
അതൊക്കെ ശരി,ഇന്നെന്റെ കച്ചോടം കണക്കാ.തന്റെ പരിപാടി എന്താ… പോണില്ലേ.
ഇപ്പൊ പോയാൽ ശരിയാവില്ല.
നാട്ടുകാർ ഇളകിയതല്ലെ.വെളുക്കും മുന്നേ പൊക്കോളാം.
ശരി…എന്ന ആ മൂലക്ക് വല്ലോം ചാഞ്ഞോ.വെട്ടം വീഴുന്ന മുന്നേ പൊയ്ക്കോണം.
അല്പം വെള്ളം തരുവോ,വല്ലാത്ത ദാഹം.നേരം ഇത്രയും ആയിട്ട് ഒരു തുള്ളി കുടിച്ചിട്ടില്ല.
ജാനകി അടുക്കളയിലേക്ക് കയറി.
അവൾ കൊടുത്ത വെള്ളവും കുടിച്ച് ഒന്ന് തല ചായ്ക്കാൻ തുടങ്ങിയ നേരം വാതിലിൽ ഒരു തട്ട് കേട്ടു.
എടൊ ആരോ വന്നല്ലോ….. പ്രശ്നം ആകുവോ.
താൻ അതും കൊണ്ട് മച്ചിലേക്ക് കയറു.ബാക്കി ഞാൻ നോക്കിക്കോളാം.
കള്ളൻ മച്ചിൽ ഒലിച്ചതും അവൾ വാതിൽ തുറന്നു.അവൾക്കു മുന്നിൽ സ്ഥലം എസ് ഐ നിൽക്കുന്നു.ഷർട്ട്‌ തുറന്നിട്ട്‌ ഒരു സിഗരറ്റും കത്തിച്ചു അവൾ തുറക്കുന്നതും നോക്കി അയാൾ നിൽക്കുന്നു…..
സർ എന്താ ഇതുവഴി…..
മൈക്ക് കെട്ടി കൊട്ടിഘോഷിച്ചു വരാം.അങ്ങ് മാറി നിക്കടി……
സാധാരണ വരുന്ന ദിവസം അല്ല.
പതിവില്ലാതെ ഒരു വരവ് അതാണ്…
