💫Evil on earth✨ 3

 

”വോ..എനിക്കൊന്നും വേണ്ട നിന്റെ പഴംപൊരി..“

 

അതും പറഞ്ഞു ബാക്കി പീസുകൂടെ പുള്ളിക്കാരി അകത്താക്കി…എന്ത് കഷ്ടമാന്നെന്ന് നോക്കണേ

 

”ചേച്ചി….ഒരെണ്ണം കൂടെ..“

 

ഞാൻ കിച്ചണിൽ നിന്ന ചേച്ചിയോട് വിളിച്ചു പറഞ്ഞു

 

”രണ്ടെണ്ണം എടുത്തോ ചേച്ചി..“

 

ഞാൻ പറഞ്ഞു തീർന്നതും അമ്മ വിളിച്ചു പറഞ്ഞു..ഇനിയെന്തിനാ രണ്ടെണ്ണം എന്ന് ഭാവത്തിൽ ഞാൻ അമ്മേയെ നോക്കി

 

”എടാ വിശന്നിട്ട് ആട..ഉച്ചക്ക് ഒരു എമർജൻസി കേസ് ഉണ്ടായിരുന്നു കഴിക്കാൻ വിട്ട് പോയി..“

 

”അപ്പൊ ഒന്നും കഴിച്ചില്ലേ..?

 

“ച്ചും..”

 

പിള്ളേരെപോലെ സൗണ്ട് ഇണ്ടാക്കി അമ്മ പറഞ്ഞു….അത് കണ്ട് ചിരി വന്നേലും ഞാൻ അത് പിടിച്ചു നിർത്തി

 

“എന്നിട്ടാണോ ഇത് കഴിക്കുന്നേ..ചോറ് പറയട്ടെ…”

 

“വേണ്ടെടാ..വീട്ടിൽ പോയിട്ട് കഴിക്കാ…ഇതോടെ കഴിഞ്ഞാ നമുക്ക് ഇറങ്ങാ..”

 

അപ്പോളേക്കും പഴംപൊരി എത്തി..അതും കഴിച്ചു ഞങ്ങൾ ഇറങ്ങി…ചെറിയച്ചൻ ആരെയും ഫോണിൽ വിളിച്ചു കാറിനു മുൻപിൽ നിൽപ്പൂണ്ടായിരുന്നു

 

ഞങ്ങൾ വരുന്നത് കണ്ട് പുള്ളി ഫോൺ വെച്ച് ഞങ്ങടെ അടുത്തേക്ക് വന്നു…

 

“ഞാൻ ഒന്ന് ഓഫീസ് വരെ പോകുവാ..നീ ഇവള്ടെ കൂടെ വീട്ടിൽ പൊയ്ക്കോ..”

 

“ഞാനും വരണോ..?

 

എന്തേലും സീരിയസ് കാര്യം ആയിരിക്കുമെന്ന് കരുതി ഞാൻ ചോദിച്ചു

 

ഞാൻ പോയിട്ട് വല്യ കാര്യമൊന്നുമില്ല എന്നാലും ഒരു ആൾ ബലത്തിന്…

 

”ഇല്ലെടാ ഇത് ഞാൻ നോക്കിക്കോളാം..ശെരി എന്ന..“

 

അതും പറഞ്ഞു പുള്ളി വണ്ടിയെടുത്തു പോയി…

 

”ആ പോക്ക് കണ്ടാൽ അറിയാ ആ മനുഷ്യനിന്ന് രാത്രി വൈകിയേ വരുമെന്ന്..“

 

ഒരു ചിരിയോടെ അമ്മ പറഞ്ഞു..അത് കേട്ട് ഞനും ചിരിച്ചു

 

”എന്ന നമുക്ക് പുറത്തൂന്ന് കഴിച്ചാലോ ..?

 

ഞാൻ അമ്മയോട് ചോദിച്ചു..ചെറിയച്ചൻ ഇനി കഴിച്ചിട്ടേ വരൂ രാത്രി

 

“എന്ന അങ്ങനെ അവട്ടെ..”

 

“എന്ന കീ താ..?

 

ഞാൻ അമ്മയോട് ചോദിച്ചു..അതിന് പുള്ളിക്കാരി എന്നെ സംശയത്തോടെ ഒന്ന് നോക്കി

 

”അത് വേണോ..?