💫Evil on earth✨ 3

 

“കൊറച്ചൂടെ താടി ഒണ്ടായിരുന്നേൽ മുറിച്ചു കളയായിരുന്നു..”

 

ബ്രഷ് എടുത്തവൻ പല്ല് തേക്കാൻ തുടങ്ങി

 

അപ്പോളാണവൻ ഇന്നലത്തെ കാര്യങ്ങൾ ഓർത്തത്…

 

“ഇന്നലെ…ഇന്നലെ റോട്ടിൽ കെടന്ന ഞാൻ എങ്ങനെ ഇവിടെ..?

 

സംശയത്തീടെയവൻ കണ്ണാടിയിൽ നോക്കി..ചെറിയച്ചൻ പറഞ്ഞ വാക്കുകൾ ഓർത്തുനോക്കി

 

”നന്ദു ഇപ്പൊ ഇറങ്ങിയതേ ഉള്ളു…!

 

“oh..അവനാവും ഇവിടെ കൊണ്ടിട്ടത്..”

 

ഫ്രഷായി ഇറങ്ങിയ ജോ കസേരയിൽ കിടന്ന തോർത്തുകൊണ്ട് മുഖം തുടച്ചപ്പോളാണ് ഇന്നലെ വാങ്ങി വണ്ടിയിൽ വച്ച കുപ്പിയുടെ കാര്യം ഓർമ്മ വന്നത്

 

അവനോടി പുറത്തേക്കിറങ്ങി

 

മുറ്റത് ചാരി വെച്ച തൻറെ ബൈക്ക് കണ്ടവൻ അതിനടുത്തേക്ക് ചെന്നു

 

“ദൈവമേ നന്ദുവത് കൊണ്ടുപോയിട്ടോണ്ടാവല്ലേ…”

 

ടാങ്കിനു മുകളിലെ അറയിൽ പരിശീദിച്ചുകൊണ്ടവൻ പറഞ്ഞു

 

ഇന്നലെ വാങ്ങി വെച്ച കുപ്പി കിട്ടിയതോടെ വല്ലാത്തൊരു സന്തോഷമെനിക്ക് തോന്നി..

 

ചെറിയച്ഛൻ കണ്ടാൽ പിന്നെ ഇന്നത്തെ വഴക്കിനുള്ളത് ആയി..പുള്ളി കാണാതിരിക്കാൻ കുപ്പി അരയിൽ തിരുകി ഞാൻ തിരിച്ചു വീട്ടിൽ കേറി

 

അപ്പോളേക്കും ഒരു ഗ്ലാസ്‌ കട്ടനുമായി ചെറിയച്ചൻ വന്നു

 

“അമ്മയെവിടെ..?

 

ചായ വാങ്ങിക്കൊണ്ടു ഞാൻ ചോദിച്ചു

 

”ആ അവൾക്കിന്ന് ഡ്യൂട്ടിക്ക് കേറണം..രാവിലത്തെ നിന്റെ കോലം കാണിക്കാതെ എങ്ങനെയൊക്കെയോ ആണ് ഞാൻ ഉന്തിതള്ളി ഹോസ്പിറ്റലിൽ വിട്ടത്..“

 

”ഹോ..അല്ല ഞാൻ പറ്റെ മോശമായിരുന്നോ ഇന്നലെ..?

 

ഒരു സംശയത്തോടെ ഞാൻ ചോദിച്ചു..അതിനൊരു പുച്ഛച്ചിരിയും തന്ന് കാലിയായ ഗ്ലാസും വാങ്ങി പുള്ളിക്കാരൻ തിരിച്ചു പോയി..ആ ചിരിയിൽ എല്ലാം ഉണ്ടായിരുന്നു…ഇന്നലെ ഞാൻ പറ്റെ കൂതറ ആയിട്ടാണ് വന്നു കേറിയതെന്ന്

 

“ശ്ശെ മോശമായി..അമ്മ കാണാഞ്ഞത് നന്നായി..”

 

കുപ്പിയും പിടിച്ചവിടെ നികുന്നത് ഇനിയും റിസ്ക് ഉള്ള പരുപാടി ആയോണ്ട് ഞാൻ റൂമിലേക്ക് കേറി..അലമാര തുറന്ന് തുണികൾക്കിടയിലായി കുപ്പി സേഫ് ആക്കി വെച്ചു

 

“നിന്നെ അടുത്ത ആഴ്ച എടുത്തോളാം..അതുവരെ നല്ല കുട്ടി ആയി ഇരുന്നോണം അമ്മേന്റെ കയ്യിലൊന്നും പെട്ടേക്കല്ലേ..”

 

അലമാര അടച്ചു ഞാൻ സ്വിച്ച് ഓഫ്‌ ആയിരുന്നു ഫോൺ എടുത്തു..പക്ഷെ അത് ഓണാവുന്ന ലക്ഷണമൊന്നും കാണുന്നില്ല