പോലെ ഒരു ശബ്ദം.കരച്ചിലും ആരൊക്കെയോ അലറുന്നു വീഴുന്നു. നമ്മൾ ആകെ പേടിച്ചു വിറച്ചു.
എവിടന്നില്ലാതെ പെട്ടനൊരു സ്ത്രീ അലറി വിളിച്ചു പറഞ്ഞു.
“ഇവിടുന്ന് പോ… വേഗം… പോവാൻ…..”
നമ്മൾ മൂന്നു പേരും കാർ വച്ച സ്ഥലം ഉന്നം വച്ചു ഓടാൻ തുടങ്ങി. കാലൊക്കെ മരവിച്ച പോലൊരു അവസ്ഥ.എത്ര ശ്രമിച്ചിട്ടും വേഗത്തിൽ ഓടാൻ പറ്റുന്നില്ല. എങ്ങനെയോ കാറിന്റെ അടുത്തെത്തിയതും ഞാൻ ജിത്തൂന്റെ കയ്യിന്നു കീ വാങ്ങി നൂറേ നൂറിൽ വിട്ടു അവിടെന്ന്.
അങ്ങനെ ഒരു സൂപ്പർ മാർക്കറ്റിൽ ആണ് വണ്ടി നിറുത്തിയത്. നമ്മൾ ആരും പരസ്പരം സംസാരിച്ചില്ല. പിറകോട്ടു നോക്യപ്പോ പേടിച്ചു വിളറി വെളുത്ത കല്ലുനേം ജിത്തൂനേം കണ്ടു എനിക്കു വല്ലാതെ ആയി.
ഞാൻ വേഗം പോയി വെള്ളം വാങ്ങി വന്നു രണ്ടാൾക്കും കൊടുത്തു. ഒറ്റ വലിക്കായിരുന്നു രണ്ടാളും ഒരു കുപ്പി വെള്ളം അകത്താക്കിയത്.
“ഡാ സിദ്ധുവേ.. ശരിക്കിപ്പോ എന്താഡാ സംഭവിച്ചേ.. നീ എന്നെ ഒന്ന് പിച്ചിയെ.. വല്ല സ്വപ്നോം ആയ മതിയായിരുന്നു ”
ജിത്തു വെള്ളം കുടി കഴിഞ്ഞ ഉടനെ എന്നോട് ചോതിച്ചു.
“എനിക്കും ഒന്നും മനസിലാവുന്നില്ലെടാ ”
ആരായിരുന്നു ആ സ്ത്രീ.. എന്തായിരുന്നു അവിടെ സംഭവിച്ചത് പാതിരക്കു എന്താ കാട്ടിന്റെ അകത്തുന്നു മീൻ മണക്കാൻ. ആ സ്ത്രീ നമ്മളെ രക്ഷിക്കുവാരുന്നോ ചെയ്തേ.അല്ലെങ്കിലും ആർക്കാണ് എന്നെ ഉപദ്രവിക്കണ്ടത്.ഒരുപാട് സംശയങ്ങൾ എന്നെ അലട്ടിക്കൊണ്ടിരുന്നു.
“സിദ്ധു ഡാ പോലീസിൽ പോയി പറഞ്ഞാലോ”
“ഒന്ന് മിണ്ടാതിരി മൈരേ.. നീ അതിന് വല്ലോം കണ്ടോ അവിടെ.ആരേലും പേടിപ്പിച്ചതാണെങ്കിലോ.. നാണക്കേട്.. പേടിച്ചു ഓടിയും പോയി.. തത്കാലം ആരോടും ഇതിനെ പറ്റി പറയണ്ട രണ്ടു പേരും കേട്ടല്ലോ.വരുന്നെടുത്തു വച്ചു കാണാം ”
അങ്ങനെ അച്ഛനെ വിളിച്ചു ഇന്ന് ജിത്തൂന്റെ വീട്ടിൽ സ്ലീപ്‌ ഓവർ ആണെന്ന് പറഞ്ഞു നമ്മൾ മൂന്നു പേരും ജിത്തൂന്റെ വീട്ടിലേക്ക് വിട്ടു.ക്ലാരയും അവളുടെ പപ്പയെ വിളിച്ചു ഇന്ന് വരില്ലെന്ന് പറഞ്ഞു.
ഒരുപാട് നാളുകൾക്കു ശേഷം ഞാനും ജിത്തും ക്ലാരയും ഒരുമിച്ചു കിടന്നുറങ്ങി.മൂന്നു പേരുടെ മനസിലും ഇന്ന് നടന്നതിനെ പറ്റി നല്ല പേടി ഉണ്ടെങ്കിലും അതൊന്നും പുറത്ത് കാണിക്കാതെ വിശേഷങ്ങൾ ഒക്കെ പറഞ്ഞു കൊണ്ട് എപ്പഴോ നമ്മൾ ഉറങ്ങി.
അതെ സമയം ആ കാട്ടിൽ ഒരു സ്ത്രീ ചോരയിൽ കുളിച്ചു കിടക്കുന്ന കുറച്ചു വികൃതമായ രൂപങ്ങൾക്ക് നടുവിൽ നിന്ന് കൊണ്ട് അലറിക്കൊണ്ട് പറഞ്ഞു
“നിയമങ്ങൾ അത് പാലിക്കപ്പെടാൻ വേണ്ടി ഉണ്ടാക്കിയതാണ് എന്റെ അച്ഛൻ ”
വാൾ എടുത്ത് ഒറ്റ വെട്ടിനു നാലു രൂപങ്ങളുടെയും തല നിലത്തു കിടന്നുരുണ്ടു.
