നാട്ടിൽ കോളേജ് കുമാരികളും അല്ലാത്തവരുമായി കോമളനുമായി ഇഷ്ടം കൂടാൻ കൊതിക്കാത്തവർ ഇല്ലെന്ന് പറയുമ്പോഴും എല്ലാറ്റിനും അപവാദവും ഉണ്ടാവുമല്ലോ… ?അതിൽ ഒന്നാണ് ഭാമിനി… ഭാമിനി തങ്കച്ചി…. മറ്റെല്ലാറ്റിനും ഉപരി ജാതി ചിന്ത കൊണ്ട് നടക്കുന്ന ഭാമിനി ആരെയും കൂസാതെ നടക്കുന്ന പ്രകൃതം….
സ്റ്റുഡിയോയുടെ മുന്നിലൂടെ പോകുന്ന ഏതൊരു പെണ്ണും കോമളനെ മൈൻഡ് ചെയ്യാതെ പോകാറില്ല… ഒരു പക്ഷെ, ഭാമിനി ഒഴിച്ച്… ഒരു തവണ പോലും മുഖം ഉയർത്തി ഒരിക്കല് പോലും നോക്കാൻ കൂട്ടാക്കാത്ത പെണ്ണ്…. ഒരു തരത്തിൽ കോമളന് ഒരു വാശിയും വൈരാഗ്യവും തോന്നി തുടങ്ങി, അവളോട്… വാശിയും പകയും കോമളന്റെ ഉള്ളിൽ കുമിഞ്ഞു കൂടി…. ഉമിത്തീ പോലെ മനസ്സിൽ അമർന്നു കത്തി…
ചില്ലറക്കാരി അല്ല ഭാമിനി തങ്കച്ചി… പുരാതന തറവാട് ചെലവൂർ ബാന്ഗ്ലൂവിൽ ആകെ ഉള്ള പെൺതരി… നാൾ ആങ്ങളമാർക്കും കൂടിയുള്ള കുഞ്ഞു പെങ്ങൾ…. തറവാടിന്റെ പ്രൗഢിക്ക് കാലാന്തരത്തിൽ അല്പം മങ്ങലേറ്റെങ്കിലും തലക്കനത്തിന് ഒട്ടും കുറവില്ല…… അല്ലൽ അറിയാതെ ഒരു രാജകുമാരി കണക്കെ അവൾ വളർന്നു..
സുന്ദരി എന്ന് വെറുതെ അങ്ങു പറഞ്ഞു പോയാൽ പോര… അതി സുന്ദരി തന്നെ ഭാമിനി തങ്കച്ചി…
അഞ്ചര അടി പൊക്കമുള്ള ഭാമിനി തങ്കച്ചിക്ക് കുരുത്തോല നിറമാണ്….. കാവിലെ ഭഗവതി നേരിട്ട് ഇറങ്ങി വന്നോ എന്ന് തോന്നും, വരുന്നത് കണ്ടാൽ…. അത്രക്കുണ്ട് ഐശ്വര്യം…. അത് മുഖത്തു കളിയാടുന്നു…
സ്വതേ ഭംഗിയുള്ള കൂട്ടു പുരികം ബ്യുട്ടി പാര്ലറിന്റെ സഹായത്തോടെ അധിക രോമങ്ങൾ എടുത്തു കളഞ്ഞു ഭംഗി വരുത്തിട്ടുണ്ട്….
അറ്റം വളഞ്ഞ തത്ത ചുണ്ട് പോലുള്ള നാസികയിൽ മൊട്ടു പിന്നിന്റെ മകുടത്തിന്റെ അത്രയുമുള്ള വൈരക്കൽ മൂക്കുത്തി…
