ഹേമേട്ടത്തി ഇന്ന് നല്ല ഉത്സാഹത്തിൽ ആണല്ലോ…. ഊണ് കഴിക്കുന്നില്ലെ….. അവൾ ഒന്നും മിണ്ടാതെ കറികൾ വിളമ്പിക്കൊടുത്തു…..
എന്നിട്ടവനോട് ചേർന്നു നിന്നു ഒരു ഭാര്യയെപ്പോലെ….
ചെറുപ്പത്തിൽ അമ്മുമ്മ പറയാറുണ്ട്….വിളമ്പുന്ന കൈകൾക്ക് വിശപ്പില്ലന്ന്…..
ഹേമേടത്തിയുടെ മനസ്സ് ഇപ്പോഴും ചെറുപ്പമാണ്…. മോഹൻ പറഞ്ഞു….
ഈ ശരീരത്തേക്കാളും വലിയ മനസ്സാണ് എനിക്ക്…..
അവൻ അവളെ നോക്കി……
എനിക്കറിയാം കണ്ണെത്താത്ത നാട്ടിൽ നിന്ന് അലഞ്ഞ് തിരിഞ്ഞു വന്ന എനിക്ക്…. അഭയം തന്നത്….
മോഹൻ മറന്നിട്ടില്ല അല്ലെ…..
ഒരിക്കലും മറക്കില്ല…. അവൻ പറഞ്ഞു……
ഒരിക്കലും….
അവൾ വികാരവിവശയായി വീണ്ടും ചോദിച്ചു….
ങ്ഹും…. അവൻ മൂളി….
അവൾ അടുക്കളിയിലേക്ക് ഓടി…..
…………………………
പിറ്റേന്ന്…….
ആഹാ മീരയുടെ പിറന്നാളിന് നല്ല സമ്മാനം ആണല്ലോ മോഹൻ വാങ്ങിയത്…. മീരയ്ക്ക് വാങ്ങിയ ഡ്രസ്സ് അവളെക്കാണിച്ചിട്ട് ഹേമ പറഞ്ഞു….
രണ്ട് കൊല്ലം കൂടി കഴിഞ്ഞാൽ പെണ്ണിന് സാരി വേണ്ടിവരും മോഹനത് പറഞ്ഞപ്പോൾ ഹേമ ചിരിച്ചു….
മീര വീട്ടിലേക്ക് പൊയ്ക്കൊള്ളു…. നാളെ പിറന്നാളിന് വീട്ടിലേക്ക് വരുന്നെന്ന് അമ്മയോട് പറഞ്ഞേക്ക്…… ഡ്രസ് അവൾക്ക് കൊടുത്തിട്ട് ഹേമ പറഞ്ഞു…..
മോഹനേട്ടനും വരണം…. മീര വീട്ടിലേക്ക് പോയി…..
മീരയുടെ പിറന്നാളിന് പോകണ്ടെ….
അതിന് ഹേമേട്ടത്തി മാത്രം പോയാൽ മതി……
മോഹന് എൻ്റെ കൂടെ വരാൻ ബുദ്ധിമുട്ടാണോ……
എനിക്കിഷ്ടമാണ്…. അവൻ പറഞ്ഞിട്ട് തലകുനിച്ചു…..
ഹേമയുടെ… മുഖം സന്തോഷം കൊണ്ട് വിടർന്നു….
എനിക്കിന്ന് നല്ല ഉന്മേഷം തോന്നുന്നു….
നാളെ നമ്മൾക്ക് കടപ്പുറത്ത് പോകാം…. ഹേമേടത്തി ചോദിച്ചു…..
