” ടാ ഇതിൽ ഏത് വേണം” കയ്യിൽ രണ്ട് നൈറ്റി ഉയർത്തി കാട്ടി എന്നോട് ചോദിച്ചു. ഞാൻ: എന്നോട് എന്തിനാ ചോദിക്കുന്നേ, ഏതിട്ടാലും മിസ്സിന് ചേരും മിസ്സ്: ഓഹോ. അങ്ങനാണോ… എന്നാ എൻ്റെ മോൻ ഒന്ന് പുറത്തേക്ക് പൊക്കേ. ഞാൻ ഒന്ന് ഡ്രസ്സ് മാറട്ടെ. ഞാൻ: ഞാൻ അല്ലേലും പോകുവാ എനിക്ക് ആരുടെയും ഒന്നും കാണണ്ട. !
വലിയ ഭാവവെത്യാസം ഒന്നുമില്ലാതെ ബെഡിൽ നിന്നും എഴുന്നേറ്റ് പോകാൻ ഒരുങ്ങിയ എന്നെ കണ്ട് മിസ്സ് ഒന്ന് സംശയിച്ചു. ” ടാ നിനക്ക് കുഴപ്പം ഒന്നുമില്ലല്ലോ അല്ലേ? ” ഞാൻ: എന്താ അങ്ങനൊരു സംശയം ? മിസ്സ്: അല്ല സാധാരണ ഒരു സീൻ പോലും വിടാത്തവനാ. ഇപ്പൊ എന്ത് പറ്റി. ഞാൻ: ഓഹ് .. എനിക്കൊന്നും പറ്റിയില്ല. പറ്റിയതൊക്കെ മിസ്സിനല്ലേ. ഞാൻ ആർക്കും ഒരു ശല്യമാകുന്നില്ല. എന്തിനാ മിസ്സിനോട് അത്രയും പറഞ്ഞതെന്ന് പോലും എനിക്കറിയില്ല. അറിയാതെ വാക്കുകൾ കൈവിട്ട് പോയി . പെട്ടന്ന് റൂമിൽ നിന്ന് ഇറങ്ങാൻ പോയ എൻ്റെ വയറിൽ പിന്നിൽനിന്ന് മിസ്സിൻ്റെ കൈ ചുറ്റി പിടിച്ചു. എൻ്റെ പുറത്ത് മിസ്സിൻ്റെ ശരീരം അമരുന്നത് ഞാനറിഞ്ഞു. ഞാൻ മിസ്സിൻ്റെ കൈ പതിയെ അയച്ച് തിരിഞ്ഞു. മിസ്സിൻ്റെ കണ്ണുകൾ നിറഞ്ഞ് പുറത്തേക്ക് ഒഴുകാൻ വിടാതെ കൺപീലികൾ തടഞ്ഞ് വെച്ചു. ഞാൻ: മിസ്സ് എന്തിനാ കരയുന്നെ.? മിസ്സ്: നീ എനിക്ക് ഒരു ശ… ശല്യമാണെന്ന് എപ്പോഴാ ഞാൻ പ…പറഞ്ഞെ, atleast എൻ്റെ പെരുമാറ്റത്തിൽ നിന്നെങ്കിലും നിനക്ക് അങ്ങനെ തോന്നിയിട്ടുണ്ടോ.? “മിസ്സെ ഞാൻ ഒരു തമാശക്ക്….” മിസ്സ്: നിൻ്റെ തമാശ എൻ്റെ മനസ്സിനെ എത്രമാത്രം വേദനിപ്പിക്കുന്നു എന്ന് നീ വിചാരിക്കുന്നുണ്ടോ..? ഈ ലോകത്ത് എന്നെ സ്നേഹിക്കാനും എനിക്ക് സ്നേഹിക്കാനും നീ മാത്രേ ഉള്ളൂ. ആ നീ എനിക്ക് എങ്ങനെ ശല്ല്യമാവും. നീ എന്നെ തോടുമ്പോ, എന്നെ നോക്കുമ്പോ..അത് ഏത് രീതിയിലാണെങ്കിലും അത് എൻ്റെ മനസ്സിന് തരുന്ന സന്തോഷം എത്രയെന്ന് നിനക്ക് അറിയുമോ…?
ഒറ്റസ്വാസത്തിൽ ഇത്രയും പറഞ്ഞ് നിർത്തിയിട്ട് മിസ്സിൻ്റെ കണ്ണുകൾ കൂട്ടിയടച്ചു. വീഴാൻ വെമ്പി നിന്ന് കണ്ണീര് കവിളിലൂടെ ഒഴുകി വീഴുന്നത് മുൻപ് ഞാൻ അത് തുടച്ചു മാറ്റി. മിസ്സ് ഓരോവട്ടം കരയുമ്പോഴും എൻ്റെ മനസ്സും വേദനിച്ചിട്ടുണ്ട്. പക്ഷേ ഇപ്പൊ മിസ്സിൻ്റെ ഈ കണ്ണീര് എന്നെ വല്ലാതെ സന്തോഷിപ്പിച്ചു. മിസ്സിന് എന്നോടുള്ള സ്നേഹത്തിൻ്റെ ആഴം ആ കണ്ണുനീരിൽ ഉണ്ടായിരുന്നു. മിസ്സിനെ നെഞ്ചോട് ചേർത്ത് മിസ്സിൻ്റെ നെറുകയിൽ ഒരു മുത്തം നൽകി. അവള് എൻ്റെ നെഞ്ചിൽ അലിഞ്ഞ് ചേരുന്നപോലെ എനിക്ക് തോന്നി. “ഇനി നീ എന്നോട് ഇങ്ങനെയൊന്നും പറയല്ല് കേട്ടോ…”പെട്ടന്ന് തലയുയർത്തി മിസ്സ് ഒന്ന് മന്ത്രിച്ചു.
