“എടീ… നിന്റെ അപ്പന് അവസാന കാലത്ത് പറ്റിപ്പോയ ഒരു കൈയ്യബദ്ധമാണ് നിന്റെ അനിയത്തി **ജൂലി ** എന്ന് എന്റെ പപ്പാ എപ്പോഴും എന്റെ മമ്മയോട് പറയുന്നത് ഞാൻ കേട്ടിട്ടുണ്ട്…
എന്റെ മമ്മയുടെ കുടുംബത്തിൽ പൊതുവെ എല്ലാവരും വെളുത്തവരാണ്… ഇത് ഞാൻ വെറുതെ ഒരു പൊങ്ങച്ചത്തിന് വേണ്ടി പറയുന്നതുമല്ല…
ഒരു പകുതി സായിപ്പന്മാരാണ് എല്ലാവരും.., പക്ഷെ, എന്റെ ഈയൊരു ആന്റി മാത്രം അത്രയൊന്നും വെളുത്തതല്ല…
സ്കൂളിൽ പഠിക്കുന്ന കാലത്ത് അവൾക്ക് ചില ഇരട്ടപ്പേരുകൾ ഉണ്ടായിരുന്നു. കറുത്ത സുന്ദരി, കറുത്തമുത്ത്, വെളുത്ത നീഗ്രോ… അങ്ങിനെ അങ്ങിനെ…. എന്നാൽ അവർ നല്ല കറുപ്പ് എന്ന് പറയാനും വയ്യ…
പൂച്ചാക്കണ്ണാണോ എന്ന് ചോദിച്ചാൽ അല്ല… അൽപ്പം ബ്രൗൺ കളർ ആണ് താനും.
ഒരു ഇരുനിറം എന്നോ, എള്ള് നിറമെന്നോ എന്തുവേണമെങ്കിലും വിശേഷിപ്പിക്കാം … പക്ഷേ സൗന്ദര്യത്തിന്റെ കാര്യത്തിൽ ഒരു വിട്ടുവീഴ്ചയും ഇല്ല… നല്ല ഗ്ലാമർ ഗേൾ തന്നെയായിരുന്നു അവർ…
ഉപരിപഠനം വിദേശത്ത് വേണമെന്നായിരുന്നു എല്ലാവരുടെയും ആഗ്രഹം, പക്ഷെ ആ കാര്യത്തിൽ ഗ്രാൻപാക്ക് എതിരഭിപ്രായമായിരുന്നു…
അത്കൊണ്ട് അവൾ ഡൽഹിയിൽ പോയിട്ടാണ് പഠിച്ചത്… ഒപ്പം ആഷ്‌ബുഷ് ലൈഫ്സ്റ്റൈലിൽ ജീവിച്ചവൾ…
പക്ഷേ ഒരു കാര്യം മാത്രം നേരത്തെ കല്യാണം കഴിച്ചു പോയി… കഴിപ്പിച്ചു എന്ന് തന്നെ വേണം പറയാം. ഡൽഹിയിൽ പഠിക്കാൻ പോയിടത്ത് എന്തോ കുരുത്തക്കേട് ഒപ്പിച്ചു എന്നാണ് ഞാൻ സ്വകാര്യമായി അറിഞ്ഞ വിഷയം.
വളരെ ആട്യ ഗംഭീരമായ രീതിയിൽ കല്യാണം കഴിഞ്ഞു… ഭർത്താവിന് ബിസിനസ്… കൊടകിൽ സ്വന്തം വീട്… ഏക്കർ കണക്കിന് കാപ്പിത്തോട്ടം, അതിന്റെ കൂടെ വേറെ എന്തൊക്കെയോ… ബാംഗ്ളൂരിൽ അതുപോലെ തന്നെ വേറെ വീട്, മുന്തിരി തോട്ടം… അവൾക്ക് തന്നെ അറിയില്ല എന്തൊക്കെ ഉണ്ടെന്ന്… ഇനിയെന്തു വേണം.
