” അമ്മൂസേ ദേ ഏട്ടന്റെ വണ്ടി ” ആതു. കുരുപ്പ് സമ്മതിക്കൂല്ല, അവൾ എന്റെ കാർ ചൂടി കാണിച്ചു കൊണ്ട് അമ്മയോട് പറയുകയാണ്. ഇനി രെക്ഷ ഇല്ല എല്ലാരും കണ്ടു, ആരു ഉടനെ തന്നെ തിരിഞ്ഞു വീട്ടിലേക്ക് നടന്നു. ഞാൻ കാർ ഒതുക്കി ആളുകൾ മാറി, അച്ഛൻ ഗേറ്റ് തുറന്നു തന്നു, ഞാൻ വണ്ടി അകത്ത് പാർക്ക്‌ ചെയ്തിട്ട്, ഗേറ്റിന്റെ അടുത്തേക്ക് ചെന്നു.
” എന്താ ഇവിടെ ഒരു ആൾക്കൂട്ടം?? ” ഞാൻ ഒന്നും അറിയാത്ത പോലെ ചോദിച്ചു.
” അത് മോനെ ഒരു കള്ളൻ കയറി ” അമ്മ.
” കള്ളനോ??, എന്നിട്ട് എന്തേലും മോഷണം പോയോ?? ആരേലും കള്ളനെ കണ്ടോ?? ” പണി ആകുമോ എന്ന് അറിയാൻ ഞാൻ ഒന്ന് എറിഞ്ഞു നോക്കി.
” ഞാൻ കണ്ടതാ മോനെ ” അയലത്തെ വീട്ടിലെ വാസു അണ്ണൻ. പുള്ളി അത് പറഞ്ഞപ്പോ എന്റെ നെഞ്ചോന്ന് കാളി.
” എ.. എന്നിട്ട്?? ” ഞാൻ വിക്കി ചോദിച്ചു.
” കണ്ടെന്നു മാത്രം അല്ല ആ വളവിൽ വെച്ച് ഞാൻ അവനെ പിടിക്കുക യും ചെയ്തു. പക്ഷെ അവൻ മിടുക്കൻ ആയിരുന്നു എന്റെ കയ്യിൽ നിന്ന് അവൻ വഴുതി പ്പോയി ” അത് പറഞ്ഞപ്പോൾ എനിക്ക് സമാധാനം ആയി. തള്ള് വാസു എന്നാ പുള്ളിക്കാരനെ ആരുവും ആതുവും ഒക്കെ വിളിക്കുന്നത്. ലോകവിടൽ ആണ് പുള്ളി.
” വാസു അങ്കിളേ, കള്ളനെ കാണാൻ എങ്ങനെ ഇരിക്കും. ഏകദേശം ഏട്ടന്റെ സൈസ് ഒക്കെ ഉണ്ടാവുമോ?? ” ആതു അത് ചോദിച്ചിട്ട് എന്നെ ഒന്ന് നോക്കി. എന്തോ സ്പെല്ലിങ് മിസ്റ്റേക്ക് ഇല്ലേ??
” ഏയ് മോനേക്കാൾ പൊക്കം ഉണ്ട്. മോന്റെ ഇരട്ടി വണ്ണവും. മോന്റെ അത്രേ ഉള്ളായിരുന്നു എങ്കിൽ ഈ വാസു അണ്ണൻ അവനെ സിമ്പിൾ ആയി പിടിക്കില്ലേ.. പോരാത്തതിന് അവൻ ദേഹത്തു മുഴുവൻ എണ്ണ പുരട്ടി ഇരുന്നു, പിടിച്ചാൽ വഴുതി പോവാൻ അതാണ് അവൻ മിസ്സ്‌ ആയത് ” വാസുഅണ്ണൻ. ആതു അന്നേരം എന്നെ ഒന്ന് നോക്കി കൊണ്ട് അമർത്തി മൂളി.
” ഇതൊന്നും അല്ല കള്ളൻ. അർജുൻ മോൻ കേൾക്കണം, ഞങ്ങൾ പണ്ട് വയനാട്ടിൽ ആയിരുന്ന കാലം അന്ന് എനിക്ക് മോന്റെ അത്രേയുള്ളൂ പ്രായം….. ” വാസുഅണ്ണൻ കത്തി തുടങ്ങി. ഞാൻ വന്ന ഗ്യാപ്പിൽ അവിടെ കൂടിയ ബാക്കി ഉണ്ടയിരുന്നവർ ഗുഡ് നയ്റ്റ് പറഞ്ഞു തടി തപ്പി. എനിക്ക് ഊരാൻ പറ്റില്ലല്ലോ ഞാൻ പെട്ടില്ലേ..
” അജു, മോൻ എന്താ ഇത്രയും വൈകിയത്?? ” വാസു അണ്ണന്റെ കത്തി… അല്ല കൊടു വാൾ സഹിക്കുന്നതിന് ഇടയിൽ അമ്മ ചോദിച്ചു.
