ഇപ്പോഴും യൌവനം വിട്ടു മാറാത്ത നീ എന്തിനാ വെറുതെ നിന്‍റെ ജീവിതം ഇങ്ങിനെ പാഴാക്കുന്നത് . എന്‍റെ കുരുത്തക്കേടുകള്‍ എല്ലാം തന്നെ റോയിക്ക് അറിയാം , അവനത്തോന്നും കാര്യമായി എടുക്കാറില്ല……ഏറെ കുറെ നിമ്മിക്കും ഇപ്പോള്‍ അറിയാമെന്നാണ് എന്‍റെ വിശ്വാസം…….ഒരു ഹൈ സൊസൈറ്റിയുടെ ഭാഗമായ ഞങ്ങളുടെ ഇടയില്‍ ഇതൊക്കെ പതിവാണ്…..നിന്നോടെനിക്ക് വല്ലാത്തൊരു ഭ്രമം തോന്നിയെന്നത് ശരിയാണ് …..നിന്നെ എങ്ങിനെയും എന്‍റെ ആശകള്‍ക്ക് വശംവദ യാക്കണമെന്നും കരുതിയിരുന്നതാണ് ….പക്ഷെ എന്തോ ഇപ്പോള്‍ നിന്നെ ബലമായി അന്ന് ചെയ്തത് പോലെ കീഴ്പെടുത്താന്നോന്നും എനിക്കുദേശമില്ല ……….നിമ്മിക്കും അവളുടെ അനിയത്തികും എതിര്‍പ്പില്ലെങ്കില്‍ നിനെ വിവാഹം കഴിക്കാന്‍ പോലും ഞാന്‍ ഒരുക്കമാണ് ….പക്ഷെ മരുമോളുടെ അമ്മയെ കയറി കെട്ടിയെന്ന് നാട്ടുകാരെ കൊണ്ട് പറയിപ്പിക്കണ്ടല്ലോ എന്ന് കരുതിയാണ് ഞാന്‍ അതിനു മുതിരാത്തത്……… എന്നെങ്കിലും നീയെനിക്ക് സ്വമനസ്സാലെ വഴങ്ങും വരെ കാത്തിരിക്കാന്‍ ഞാന്‍ ഒരുക്കമാണ് …അതുവരെ നിന്നെ ഞാന്‍ ഇനി ഒരു വിധത്തിലും ശല്യം ചെയ്യില്ല..
സൂസ്സമ്മ ഇതൊക്കെ കേട്ട് അന്തംവിട്ടിരുന്നു പോയി …….എങ്കിലും ഇനിയയാളുടെ ശല്യം ഉണ്ടാവില്ലല്ലോ എന്നോര്‍ത്ത് ആശ്വസിച്ചു .
നിമ്മിയുടെ ബെഡ് റസ്റ്റ്‌ കഴിഞ്ഞതിനാല്‍ സൂസ്സമ്മ തിരിച്ചു പോവാനോരുങ്ങിയപ്പോള്‍ നിമ്മി അമ്മയ്ക്കും നിമിഷക്കും കുറെ സമ്മാനങ്ങള്‍ വാങ്ങികൊടുത്താണ് വിട്ടത്…….നിമിഷക്കുള്ള ഉടുപ്പുകള്‍ എല്ലാം കൊടുക്കാനും കുറച്ചു ദിവസം അവളുടെ കൂടെ കഴിയാമല്ലോ എന്നും കരുതിയാണ് സൂസ്സമ്മ തിരുവനന്തപുരത്തേക്ക് പോയത് . നിമിഷ അമ്മയെ കണ്ടപ്പോള്‍ സന്തോഷത്തോടെ അടുത്ത് ചെണ് കെട്ടിപ്പിടിച്ചു…. അവളുടെ മുഖത്തെ വിളര്‍ച്ചയും ക്ഷീണ വുമെല്ലാം കണ്ടപ്പോള്‍ സൂസ്സമ്മ പരിഭ്രമിചെങ്കിലും നിമിഷ അത് ഉറക്കമൊഴിച്ചുള്ള പഠിത്തം കൊണ്ടാണെന്ന് പറഞ്ഞപ്പോള്‍ അവര്‍ പിന്നെയൊന്നും പറഞ്ഞില്ല….
അന്ന് രാത്രി രണ്ടു പേരും കൂടി ഭക്ഷണം കഴിചിരുന്നപ്പോള്‍ നിമിഷ പെട്ടന്ന് വാ പൊത്തി ക്കൊണ്ട് വാഷ്‌ബേസിനടുത്തെക്ക് ഓടി ……ചാടി പിടഞ്ഞു പുറകെയെത്തിയ സൂസ്സമ്മ അത് വെറുമൊരു ഓക്കാനമല്ല എന്ന് മനസ്സിലായപ്പോള്‍ തല കറങ്ങി താഴെയിരുന്നു പോയി …..പരിസരബോധം വന്നപ്പോള്‍ കട്ടിലില്‍ കിടന്നു കരയുന്ന നിമിഷയെയാണ് അവര്‍ കണ്ടത് ….. എല്ലാം തകര്‍ന്നലോ കര്‍ത്താവെ!! എന്നും വിലപിച്ചു കൊണ്ട് അവര്‍ സംഹാരരുദ്രയെ പോലെ നിമിഷയുടെ അടുത്ത് ചെന്ന് അവളെ തലങ്ങും വിലങ്ങും തല്ലി ……
