ജിസ്മി അപ്പോൾ കള്ളി ഡിസൈനുമുള്ള ഇറുകിയ ഒരു വെളുത്ത ഷർട്ടും മുട്ടൊപ്പമെത്തുന്ന കറുത്ത സ്കർട്ടുമായിരുന്നു അപ്പോൾ ധരിച്ചിരുന്നത്. അവളുടെ കൊഴുത്ത കണങ്കാലുകൾ നിലാവിൽ തിളങ്ങി.
ഇറുകിയ ഷർട്ടിനുള്ളിൽ ഉയർന്നു താഴ്ന്ന മാറിടത്തിൽ അവന്റെ തിളക്കമുള്ള വിടർന്ന കണ്ണുകൾ പതിഞ്ഞു. അവൾ നോക്കുന്നത് കണ്ടപ്പോൾ അവൻ ദൃഷ്ടികൾ മാറ്റി.
അപ്പോൾ അവളുടെ ചുണ്ടുകളിൽ ഒരു നിഗൂഢസ്മിതം നിറഞ്ഞു. മണിക്കുട്ടൻ കൈ കഴുകി വന്നപ്പോഴേക്കും അവൾ അകത്ത് നിന്ന് പാത്രങ്ങൾ കഴികിയെടുത്തു കൊണ്ടുവന്നിരുന്നു. അവനെത്തിയപ്പോൾ അവൾ വിളമ്പി.
“കഴിക്ക്…”
അവൾ പറഞ്ഞു.
അവളെടുത്തിരുന്ന് ചേർന്ന് നിന്ന് അവന് വിളമ്പിക്കൊടുമ്പോൾ പുറത്ത് നിന്ന് നിലാവ് അകത്തേക്ക് വന്ന് അവരെ തഴുകി.
അപ്പുറത്ത് ഹേമലത ആന്റി വയലിൻ വായിക്കുന്നത് അവൾ കേട്ടു. ബൊഗൈൻവില്ലകളെയും ആന്തൂറിയത്തെയും നൃത്തം ചെയ്യിക്കുന്ന കാറ്റ് വയലിൻ സംഗീതവുവുമായി കൂടിക്കലർന്ന് അവർക്കിടയിലേക്ക് കയറി.
ജിസ്മി അവനോട് കൂടുതൽ ചേർന്ന് നിന്നു. ഇടയ്ക്കൊക്കെ അവൾ കൈയും മേലും അവനെ മുട്ടിച്ചു. തന്റെ ദേഹത്തിലെ പരിമളം അവന് പ്രാപ്യമാക്കുന്ന രീതിയിൽ അവൾ അവനഭിമുഖമായി നിന്ന് പുഞ്ചിരിച്ചു.
ഭക്ഷണം കഴിഞ്ഞ് അവൻ കൈ കഴുകി വന്നപ്പോൾ അവൾ പാത്രങ്ങളെല്ലാം കഴുകി വെച്ചിരുന്നു.
“ഞാൻ കഴുകിക്കോളാരുന്നല്ലോ…”
അവൻ അരുതാത്തത് സംഭവിച്ചത് പോലെ അവളെ നോക്കി.
അവൾ ‘ഒന്നുമില്ല’ എന്ന അർത്ഥത്തിൽ അവനെ നോക്കി കണ്ണുകളടച്ചു കാണിച്ചു.
“ബ്രഷ് ചെയ്യില്ലേ? കഴിച്ച് കഴിഞ്ഞ്…”
“ആങ്ഹ് …പല്ലുതേയ്ക്കും …”
അവൻ പെട്ടെന്ന് പറഞ്ഞു.
പിന്നെ അവൻ പക്ഷിക്കൂടുകളുടെ സമീപത്തുള്ള ടാപ്പിനടുത്ത് പ്ലാസ്റ്റിക് കേസിൽ വെച്ചിരുന്ന ബ്രഷും പേയ്സ്റ്റുമെടുത്തു. അവളിൽ നിന്നും മുഖം തിരിച്ച് പല്ല് തേയ്ക്കാൻ തുടങ്ങി.
അവൻ തിരിച്ചെത്തിയപ്പോഴേക്കും അവൾ അകത്ത് നിന്ന് പഴയ ഒരു വാരികയെടുത്ത് വരാന്തയിൽ കിടന്ന കസേരയിലിരിക്കയായിരുന്നു.
“ഇരിക്ക് മണിക്കുട്ടാ,”
അവൾ എതിരെയുള്ള കസേരയിൽ നോക്കി പറഞ്ഞു.
അവൻ അവൾക്ക് അഭുമുഖമായി ഇരുന്നു.
“ഇത് നിറയെ ലവ് സ്റ്റോറികളാണല്ലോ,”
മാസിക വിടർത്തി കാണിച്ച് അവൾ ചോദിച്ചു.
അവൻ ചിരിച്ചു.
“ആരെയെങ്കിലും ലവ് ചെയ്യുന്നുണ്ടോ?”
അരുതാത്തത് കേട്ടതുപോലെ മണിക്കുട്ടൻ അവളെ നോക്കി നിഷേധാർത്ഥത്തിൽ തലകുലുക്കി.
“ഹ്മ്മ് …അതൊക്കെ ചുമ്മാ…മണിക്കുട്ടൻ പോലെ ഒരു ചൊങ്കൻ ചെക്കന് ലവ്വില്ല എന്നൊക്കെ പറഞ്ഞാൽ ഞാൻ സമ്മതിക്കില്ല…”
Comments are closed.