ഇങ്ങനെ പറഞ്ഞുകൊണ്ട് മഹി തന്റെ കാൽ ഉയർത്തി വർഗീസിന്റെ മടിയിലേക്ക് വെച്ചുകൊണ്ട് പറഞ്ഞു..
ഒന്ന് അമർത്തിക്കെ.. മുട്ടിനു താഴെ എന്തോ ഒരു അഹ്യത…
വെറും പോലീസ് പെട്ടന്ന് ഒരു സുപ്രഭാതത്തിൽ സർക്കിൾ ആയ സന്തോഷം തോന്നി വാഗീസ്സിന്…
അയാൾ തറയിൽ ഇരുന്ന് മഹിയുടെ കാൽ തിരുമി കൊടുക്കാൻ തുടങ്ങി…
ഇടയ്ക്കു ഇടക്ക് വർഗീസിന്റെ ഗ്ലാസ്‌ നിറച്ചു കൊടുക്കാനും മഹി മടിച്ചില്ല…
അപ്പോൾ ഇവിടെ താമസിക്കാൻ തനിക്ക് സമ്മതമാണോ..
അയ്യോ.. അത് എന്തു ചോദ്യമാ തബ്രാ.. ഇത് കൊട്ടാരം അല്ലേ കൊട്ടാരം..
പക്ഷേ..
എന്താ തബ്രാ..
അല്ല തന്റെ ഭാര്യയും മക്കളും സമ്മതിക്കുമോ..
അതിനെന്താ തബ്രാ..അവരുടെ നന്മക്കല്ലേ തബ്രാ…
അവർ അനുസരണ ഉള്ളവരാണോ..?
അനുസരിക്കും തബ്രാ…!
ങ്ങും.. അവർ അനുസരിച്ചാൽ താൻ എന്റെ വലംകൈ.. ആ പരമന് എല്ലാം നോക്കി നടത്താൻ വയ്യാതെയായി…
വർഗീസ് ഒരു നിമിഷം ചലനമറ്റ് ഇരുന്നു.. തനിക്ക് ബ്രാണ്ടിയുടെ ലഹരിയിൽ തോന്നിയതാണോ എന്ന് അയാൾക്ക് സംശയം തോന്നി..
ഇത്രയും വലിയ ജന്മിയുടെ കാര്യസ്ഥൻ ആവുക.. സ്വയം വിശ്വസിക്കാൻ കഴിഞ്ഞില്ല അയാൾക്ക്..കാല് തിരുമുന്നത് കുറച്ചു കൂടി സ്പീഡിൽ ആക്കി വർഗീസ്…
അപ്പോൾ താൻ പറഞ്ഞാൽ തന്റെ ഭാര്യയും മകളും അനുസരിക്കും അല്ലേ…
അയ്യോ.. അത് ഉറപ്പാണ് തബ്രാ…
ആട്ടെ ഞാൻ പറഞ്ഞാൽ അവർ അനുസരിക്കുമോ…
തബ്രാ ഞങ്ങൾക്ക് ദൈവത്തെ പോലെയല്ലേ…
അപ്പോൾ തനിക്ക് വിരോധമൊന്നും ഇല്ല..
എന്തിനാ തബ്രാ…
അവർ എന്നെക്കൂടി അനുസരിക്കുന്നതിൽ..
ഇല്ല തമ്പ്രാ…
ങ്ങും.. തന്റെ അളിയൻ ഔതകുട്ടിയും ഭാര്യയും നല്ല അനുസരണ ഉള്ളവരാണ്.. അതിന്റെ ഗുണവും അവർക്കുണ്ട്…
എനിക്ക് അറിയാം തബ്രാ…
തിരുമി കൊണ്ടിരുന്ന കാൽ മാറ്റി അടുത്ത കാൽ നീട്ടി കൊടുത്തിട്ട് മഹി പറഞ്ഞു.. എന്നാൽ നാളെ തന്നെ ഇവിടേക്ക് പോന്നോളൂ.. നല്ല മണ്ണ് നോക്കി മൂന്ന് ഏക്കർ അടുത്തദിവസം തന്നെ അളന്നു തരാൻ ഏർപ്പാടക്കാം..
പുര വെയ്ക്കുന്നതൊക്കെ പിന്നെ ആലോചിക്കാം… ഇപ്പോൾ ഈ കളപ്പുര നിങ്ങളുടെ ആണെന്ന് കരുതിക്കോ…
കുപ്പിയിലെ ബ്രാണ്ടി തീർന്ന ശേഷമാണ് വർഗീസ് തിരിച്ചു പോന്നത്..
