“എങ്ങോട്ടാടാ….??”
അടുക്കളയിൽ നിന്ന് ഉമ്മറത്തേക്ക് വന്ന് മാക്സിയിൽ കൈ തുടച്ചു കൊണ്ട് അമ്മ ചോദിച്ചു..
“ഒന്ന് ക്ലബ്‌ വരെ പോയി വരാം… “
“അവിടെ എന്താ രാത്രി പരുപാടി.. “
എന്നെ സംശയത്തോടെ നോക്കികൊണ്ട് അമ്മ ചോദിച്ചു…
“ജസ്റ്റ്‌ ഒന്ന് പോയി വരാം… വേറെ പരുപാടി ഒന്നും ഇല്ല… പിന്നെ ചെക്കന്മാരെ ഒക്കെ ഒന്ന് കാണാം… കുറെ ആയില്ല.. “
“അഹ്.. പാതിരാത്രി ആവാൻ നിൽക്കരുത്… കേട്ടോ…”
“ഒക്കെ അമ്മ…”
അതും പറഞ്ഞു ഞാൻ അമ്മയുടെ കവിളിൽ ഉമ്മവച്ചു ഇറങ്ങി നടന്നു..
.
നടന്ന് ക്ലബിന്റെ മുൻപിൽ എത്തി…
“അല്ല ഇങ്ങൾ ന്താ പുറത്ത് നിക്കണേ… “
അട്ടം നോക്കി ക്ലബ്ബിന്റെ എൻ‌ട്രൻസിൽ നിൽക്കുന്ന ആദിയേട്ടനോട് ഞാൻ ചോദിച്ചു…
“ഞാൻ ഒന്ന് പോകയ്ക്കാൻ ഇറങ്യെത… അകത്തു നിന്ന് പോകയ്ക്കാൻ സമ്മതിക്കില്ലലോ…നിനക്ക് വേണോ??.. ”
ഒരു കുറ്റി എനിക്ക് നേരെ നീട്ടി ഏട്ടൻ ചോദിച്ചു…
“ഏയ്എനിക്ക് വേണ്ട … സ്വാസകോശം സ്പോഞ്ച് പോലെ ആണ്… 😜😜… നിങ്ങൾ ഉഷാറാക്ക് .. ഞാൻ ഉള്ളിൽ ണ്ടാവും…. “”
“ഓക്കേ…”
ആദിയേട്ടൻ ഒന്ന് എടുത്ത് കത്തിച്ച് പുകച്ചു…
ഞാൻ ഉള്ളിലേക്ക് കടന്നു..
“എന്താ മോനെ പ്രഭാകര ഭയങ്കര കളി ആണല്ലോ… “
അവിടെ ഇരിന്നു കരംസ് കളിക്കുന്ന സുധിയെട്ടനെയും ടീംസനെയും നോക്കി ഞാൻ പറഞ്ഞു…
“അഹ് മോനെ യദു…നീ എപ്പോ വന്ന്…”
സുധിയേട്ടൻ എന്നോട് ചോദിച്ചു…
“ഞാൻ വന്നിട്ട് കൊറച്ചു ദിവസം ആയി.. ഉത്സവത്തിനോട് അടുപ്പിച്ചു വന്നതാ..”
“അഹ്….. നീ ഇരിക്കുന്നോ… ഈ കളി ഇപ്പൊ തീരും…”
“ഓക്ക്.. തീരുമ്പോൾ വിളി….”
അതും പറഞ്ഞു ഞാൻ അപ്പുറം മാറ്റി ഇട്ട ബെഞ്ചിൽ പോയി ഇരുന്നു…
“നീ എന്താടാ പിണങ്ങി ഇരിക്കണോ??”
എൻടെ അടുത്ത് ഇരിക്കുന്ന അക്ഷയ്നോട് ഞാൻ ചോദിച്ചു ..
“ഞാൻ പിണങ്ങി ഇരിക്കൊന്നല്ല .. “
“പിന്നെ ..”
“ഒന്നുല്ലാ ..”
“നീ ഇപ്പഴും പഴേത് ഒക്കെ ആലോചിച്ച് എന്നോട് പകയും വച്ച് ഇരിക്കാണോ ..?”
“ഒന്ന് പോടാ .. പകയെ .. എനിക്ക് പക ഒന്നും ഇല്ല .. ചെറിയ ദേഷ്യം ഉണ്ട് .. അത്രേ ഉള്ളൂ ..”
