ടെലിഫോൺ ബൂത്തിന്റെ ക്യൂബിക്കിളിൽ ഹരിശാന്തിനോടൊപ്പം അലെക്സും ഉണ്ടായിരുന്നു. ഹരിയുടെ മുഖം കണ്ടപ്പോൾ അലെക്സിന് മനസ്സിലായി.. ചേച്ചി പോസിറ്റീവ് ആയി അല്ല പ്രതികരിച്ചത്. അയാൾ ഹരിയെ റൂമിലേക്ക്‌ കൂട്ടിക്കൊണ്ടു പോയി.
ഹരി ആകെ വിളറിയിരുന്നു. വൈകുന്നേരം അലക്സ് തന്നെ ആണവനെ ട്യൂഷന് ഉന്തിത്തള്ളി പറഞ്ഞയച്ചത്. അവിടെച്ചെന്നപ്പോൾ എല്ലാം പതിവ് പോലെ. ഹൈമേച്ചി അവനു ഡോർ തുറന്നു കൊടുത്തു. ട്യൂഷൻനിടക്ക് ചായ കൊണ്ട് കൊടുത്തു. അവനവിടെയുള്ളപ്പോൾ പലപ്പോഴും ഹൈമേച്ചിയുമായി നോട്ടങ്ങൾ കൂട്ടിമുട്ടിയപ്പോഴും ഒന്ന് രണ്ടു വാക്കുകൾ സംസാരിച്ചപ്പോഴും പ്രശ്നമൊന്നുമുണ്ടായില്ല. പക്ഷെ ഹൈമേച്ചി ചിരിച്ചില്ല കേട്ടോ. അത് മുൻപും ഉണ്ടാവാറുണ്ട്. എന്നും ചിരിക്കാറൊന്നുമില്ല. പക്ഷെ ഇപ്പ്രാവശ്യം അത് തന്നോടുള്ള ദേഷ്യം കൊണ്ടാണെന്നു ഹരി വിചാരിച്ചു.
എന്തായാലും ഹരിക്കു ഒരു കാര്യത്തില് സമാധാനമായി. തന്നെ ആട്ടിയിറക്കി വിട്ടില്ലല്ലോ. അതൊരുപക്ഷേ അവരുടെ അത്യാവശ്യം കൊണ്ടാവാം.
ആ ആവശ്യത്തെ മുതലെടുത്ത്‌ വീണ്ടും ചേച്ചിയെ മുട്ടി നോക്കാൻ അലക്സ് അവനോടു പറഞ്ഞു. പക്ഷെ ഉടനെ ഒരു ശ്രമം നടത്താൻ ഹരി മനസ്സ് കൊണ്ട് തയ്യാറായിരുന്നില്ല. പതിയെപ്പതിയെ ദിവസങ്ങൾ കടന്നു പോയി. ഹൈമചേച്ചി വീണ്ടും വല്ലപ്പോഴുമൊക്കെ ചിരിച്ചു തുടങ്ങി. ചേച്ചിയുടെ ഭാവം എന്താണ് ? ഒരു പിടിയും കിട്ടുന്നില്ലല്ലോ?
ഓണപ്പരീക്ഷയുടെ റിസൾട്ട് വന്നു. മിഡ് ടെർമിന് ഹൈമ പഠിപ്പിച്ചു കൊണ്ടിരുന്നതിനേക്കാൾ മാർക്ക് ഉണ്ടായിരുന്നു കുട്ടികൾക്ക്. തങ്ങളുടെ ക്ലാസ്സിൽ രണ്ട്‌ം മൂന്നും സ്ഥാനങ്ങൾ അവർ കരസ്ഥമാക്കി. മൂത്തവന് മൂന്ന്. രണ്ടാമത്തവന് രണ്ട്‌. അത് വലിയ ഒരു കുതിച്ചുചാട്ടം ആയിരുന്നു.
ഈ സാഹചര്യം മുതലെടുത്ത്‌ ചേച്ചിയെ ഒന്ന് കൂടെ മുട്ടി നോക്കാൻ അലക്സ് പറഞ്ഞു.
അവർ ചേച്ചിയെ ഒരു പ്രാവശ്യം കൂടി വിളിക്കാൻ തീരുമാനിച്ചു
അന്നത്തെ നേരം തന്നെ. പക്ഷെ ഇന്ന് ചേച്ചി അലക്കുക അല്ലായിരുന്നു. സോഫയിൽ ഇരുന്നു വനിത
വായിക്കുകയായിരുന്നു. ഫോൺ തൊട്ടടുത്ത് തന്നെ ഉണ്ടായിരുന്നു. അതിനാൽ റിങ് കേട്ടപ്പോൾ പെട്ടന്ന് തന്നെ ചേച്ചി ഫോൺ എടുത്തു.
ഹലോ
