ഒരു പുതിയ അദ്ധ്യായം ഞങ്ങൾ തുടങ്ങി.
ഓഗസ്റ്റ് 15,
അന്ന് ബോംബെയിൽ മദ്യഷോപ്പിനൊക്കെ അവധിയാണ്, ഞങ്ങൾ പുതിയ ജീവിതത്തിലേക്ക് കാലെടുത്ത് വയ്ക്കാനുള്ള ആരംഭത്തിൽ ആണ്, മുറികൾ ഒകെ അടിച്ചു വാരി, പലയിടത്തും ചിതറി കിടന്നിരുന്ന സിഗരറ്റ് കുറ്റിയും, കാലി കുപ്പികളും ഒരു കാർഡ്‌ബോർഡ് ബോക്സിലാക്കി ചവറ്റു കുട്ടയിൽ ഇട്ട് വരുന്ന വഴി സിദ്ധീക്ക് പറഞ്ഞു,
ഡാ.. ഷാനെ, നമ്മൾ പുതിയ ജീവിതം തുടങ്ങുകയല്ലേ?
ആദ്യരാത്രി സെറ്റപ്പ് ആക്കിയാലോ?
മനസ്സിലായില്ല,
ഡാ മുറികൾ ഒക്കെ അലങ്കരിച്ചു, കട്ടിലെല്ലാം പൂക്കൾ വിതറി, എന്റെ ജീവിതത്തിലെ ആദ്യത്തെ പെണ്ണിന്റെ കൂടെയുള്ള രാത്രിയാണ്, അതും എന്റെ സ്വപ്ന സുന്ദരി, എല്ലാം മുറ പോലെ ചെയ്താലോ?
മനസ്സിലെ ആഗ്രഹങ്ങൾ ഓരോന്നായി തീർക്കണം.
ആഹാ, നീ കാര്യമായിട്ടാണോ പറയുന്നത്?
അതേ,
എന്നാൽ പിന്നെ എനിക്ക് എന്ത് നോക്കാൻ, നമ്മൾ പൊളിക്കുന്നു,
അവന്റെ ആഗ്രഹത്തിന് വഴങ്ങി ഞങ്ങൾ മുറികളെല്ലാം അലങ്കരിച്ചു, പുതിയ ബെഡ്ഷീറ്റ് വിരിച്ച്, അതിൽ മുല്ലപ്പൂ വിതറി, ചുവന്ന റോസാ ദളങ്ങൾ അതിന് മുകളിലായി ഇട്ടു.
മുറികളിൽ എയർ ഫ്രഷ്നർ അടിച്ച് സുഗന്ധമാക്കി ഇനി അവരുടെ വരവിനായി ഞങ്ങൾ കാത്തിരുന്നു,
ഡാ ഓരോ ചെറുത് അടിച്ചാലോ?
സിദ്ദു, അത് വേണോ?
അല്ലടാ ആകെ ഒരു ടെൻഷൻ,
ഇളം വയലറ്റ് കളർ സാരി ചുറ്റി,ജ്യോതിയും, വെള്ളയിൽ ചുവന്ന വലിയ പൂക്കളുള്ള ചുരിദാറിൽ മീനാക്ഷിയും ഞങ്ങളുടെ ഫ്‌ളാറ്റിന്റെ പടി കടന്നു വന്നപ്പോൾ ജീവൻ നിലച്ചു പോയ അവസ്ഥയായിരുന്നു.
ഗംഭീര സദ്യ തന്നെ ഒരുക്കി ഞങ്ങൾ ഗൃഹപ്രവേശം ഉഷാറാക്കി,
