ആട്ടെ എന്താ സാറിന്റെ പേര് ?
അതുൽ എല്ലാരും അപ്പു എന്ന് വിളിക്കും ..
ഓക്കെ ഞാനും ഇനി കാണുമ്പോൾ അപ്പു എന്ന് വിളിച്ചോളാം
മ്മ് അവൻ ഒന്നു ഇരുത്തി മൂളി
ശരി എന്നാ ഞാൻ ഇറങ്ങട്ടെ ആന്റി
ശരി മോളേ ഞാൻ അവൻ വന്നാൽ പറയാം എന്നും പറഞ്ഞ് അമ്മ അകത്തേക്ക് പോയി
അതേ സാറേ ഇങ്ങനെ ചോരകുടിച്ചാൽ ഞാൻ ചോരയില്ലാതെ ചത്ത് പോകും എന്നും പറഞ്ഞ് അപ്പുവിന് ഒരു ചിരിയും നല്കി അവൾ കാറിനടുത്തേക്ക് നടന്നു.
അപ്പു ആണേൽ എന്ത് ചെയ്യണമെന്ന് അറിയാതെ ആകെ ചമ്മി നില്ക്കുവാണ് . ആ കാറ് ഗേറ്റ് കടന്നു പോയതൊന്നും അവനറിഞ്ഞില്ല.. ഛേ മോശമായി പോയി അവൻ ആത്മഗതം പറഞ്ഞു.
സമയം ഏതാണ്ട് സന്ധ്യയായി അനൂപും മായയും മടങ്ങിയെത്തിയപ്പോൾ . കൈയ്യിൽ ഒരുപാട് കവറുളുമുണ്ടായിരുന്നു.
എന്താ മോനെ ഇത്ര വൈകിയെ ?
അനൂപേട്ടന് പോകുമ്പോൾ കൊണ്ടുപോകാനുള്ള ഡ്രസ്സ് ഒക്കെ എടുത്തു അമ്മേ ഇനി അതിനായിട്ട് പോകണ്ടല്ലോ മറുപടി പറഞ്ഞത് മായയായിരുന്നു.
ആ അതെന്തായാലും നന്നായി
കൂട്ടത്തിൽ അമ്മക്കും അച്ഛനും ഒരു ജോഡി വാങ്ങി എന്ന് പറഞ്ഞ് അവൾ കൈയിലെ കവർ അമ്മക്ക് നേരെ നീട്ടി..
എന്തിനാ മോനെ ഈ പൈസയില്ലാത സമയത്ത് ഇതൊക്കെ വാങ്ങിച്ചു കൂട്ടിയെ..
അയ്യോ ഇതൊന്നും ഞാൻ വാങ്ങിയതല്ല മുഴുവൻ ദേ അമ്മേടെ മരുമോളുടെ വകയാ അവളോട് തന്നെ ചോദിക്ക്
അമ്മ മായയുടെ മുഖത്തേക്ക് നോക്കി
എപ്പോഴും ഇല്ലലോ അമ്മേ വല്ലപ്പോഴും അല്ലേ എന്ന് പറഞ്ഞ് മായ അകത്തേക്ക് നടന്നു.
മോനെ നിന്റെ കൂടെ വർക്ക് ചെയ്യുന്ന പ്രദീപോ പ്രവീണോ അവന്റെ ഭാര്യ വന്നിരുന്നു കുറച്ച് സമയം നിന്നെ കാത്തിരിന്നു ..നിങ്ങളെ കാണാഞ്ഞപ്പോൾ അവള് പോയി.
ആ മയൂര അവൾ എന്നെ വിളിച്ചിരുന്നു അമ്മേടെ കൈയ്യിൽ എന്തോ കവർ തന്നിട്ടുണ്ടെന്ന് പറഞ്ഞു.
