തന്നെ പിന്തുടർന്ന ചുള്ളൻ മനോഹരമായ ഇംഗ്ലീഷിൽ സുന്ദരിയോട് MD യുടെ ക്യാബിൻ എവിടെയെന്ന് അന്വേഷിച്ചു…
സുന്ദരി ക്യാബിൻ വഴി പറഞ്ഞു കൊടുത്തു…
” ബിസിനസ് സംബന്ധിച്ച് വന്നതാവും.. ”
സുന്ദരി സമാധാനിച്ചു..
എങ്കിലും, വെറുതെയെങ്കിലും ” ചുള്ളനെ ” ഒരിക്കൽ കൂടി കാണാൻ ഉള്ളം തുടിച്ചു…
സുന്ദരിക്ക് ജോലിയിൽ അന്ന് ശ്രദ്ധിക്കാനേ കഴിഞ്ഞില്ല…,
മനസ്സിന്റെ ഭിത്തിയിൽ ” ആരോ ഒരാൾ ” വല്ലാതെ സുന്ദരിയെ അലോസരപ്പെടുത്തി….
സുമാർ , ഒരു മണിക്കൂർ കഴിഞ്ഞിട്ടുണ്ടാവും…..,
മാനേജിങ് ഡയറക്ടർ ശ്രീമാൻ ഹക്കിം ഷാ ഓഫിസിൽ വന്നു… ആദരവോടെ എല്ലാരും എഴുന്നേറ്റു…
അദേഹത്തിന്റെ കൂടെ, പിന്നിലായി ആ ചുള്ളൻ…!
” എനിക്ക് നിങ്ങളെ ഒരു പ്രധാന കാര്യം അറിയിക്കാനുണ്ട്…. ഇത് Mr റെജി സ്കറിയ…., നിങ്ങളുടെ പുതിയ ജോയിന്റ് MD… ഓഫീസിന്റെ പൂർണ്ണ ചാർജ്, ഇനി മുതൽ ഇദ്ദേഹത്തിന് ആയിരിക്കും… ”
സീനിയർ ഓഫിസർമാരെ പരിചയപ്പെട്ടു വരുന്ന കൂട്ടത്തിൽ, MD പറഞ്ഞു,
” ഇത് താങ്കളുടെ സെക്രട്ടറി, നീന മാത്യു…. ക്യൂട്ട് ആൻഡ് എനർജി പാക്ഡ് ”
റെജിയും നീനയും സാഹസപ്പെട്ടു, ചുണ്ടിൽ ചിരി വരുത്തി…
എല്ലാ പ്രമുഖരെയും പരിചയപെട്ടു കഴിഞ്ഞപ്പോൾ, സമയം ഒന്ന് കഴിഞ്ഞു…
നീനയുടെ മനസ്സിൽ വികാര പ്രപഞ്ചം….
